يـا سـرع ما تقبل مع ايـامـي احـزان ،،

[داعي الشوق]

يا سرع ما تلفي مع ايامي احزان = و يا قل لحظات الفرح و السعاده
كم فرحة تغتال من دمع الاعيان = وقلب انحرق ما باقي الا رماده
كل ما نحسّبها على حساب الاوزان = تبكي و تشكي لي بليا افاده
و كل ما هقيت وقلت ذا الوقت لي زان = و اطلقت قيد المشتكي من قياده
و شاقتني البسمه على كل الاحيان = و بديت مثل اللي يعانق وداده
في غمرة اشواقي و تنفيس الاشجان = عني تغيب و غبت معها زياده
و تِقبل غرابيلي و يصبح لها شان = تقسى على حالي و يعلن حداده
دنيا نسايرها مع الوقت لو شان = و نصبر على ضيم الزمان و عناده
تسرقني الاسباب من ذيك الالحان = و البذل و المجهود للنفس عاده
صار التجافي للمجاريح عنوان = وقلب العنا ينشد بشاير مراده
يا حيلة الله في تصاريف الاكوان = مدري متى بيرتاح عقب اجتهاده
على القدر ما جبت حجه و برهان = ذي دبرة اللي حكمته في عباده

[الطائر المهاجر]

وسع صدرك
الصبر مفتاح الفرج
ولينبلونكم لنعلم الصايرين
اضحك للدنيا تضحك لك ابكي تبكي وحدك

تحياتي

[بنت النور]

الصبرالصبر
لله درك داعي الشوق سلمت يداك
كلمات في منتهى الروعة ابداعات بلا حدود
وفي انتظار المزيد من اشعارك الجديد
وربنا يعطيك العافية وتقبل مروري

[منيع]

ياسعود هونها ترى الدهر يومان=لك وعليك وكل يجني حصاده
مادمت في نعمة وامنٍٍٍٍ ٍ وامان=هذا لعمري يستحق الاشاده
واخير منها سجدة ٍ ياكحيلان=في جوف لليل ٍ مدلهم للعباده

سعود العتيبي
ابيات رائعة
شكرا لكم
تحياتي

[سعيد عوده الحويطي]

صح لسانك. لاتحزن على الدنيا تراها متاع ومن يتقي الله يجعل به من امره. يسرا جعل حياتك كلها فرح وسرور

[داعي الشوق]

المشاركة الأصلية كتبت بواسطة الطائر المهاجر

وسع صدرك
الصبر مفتاح الفرج
ولينبلونكم لنعلم الصايرين
اضحك للدنيا تضحك لك ابكي تبكي وحدك

تحياتي

صح بدنك ابو عبدالله

ولا هنت ع المرور و احساسك الغالي

مع الشكر الجزيل

[داعي الشوق]

المشاركة الأصلية كتبت بواسطة بنت النور

الصبرالصبر
لله درك داعي الشوق سلمت يداك
كلمات في منتهى الروعة ابداعات بلا حدود
وفي انتظار المزيد من اشعارك الجديد
وربنا يعطيك العافية وتقبل مروري

صح بدنك بنت النور

والابداع مرورك و كلماتك الطيبه

والف شكر لك ،،

[ساهر الليل]

الله الله

صح لسانك وقلبك

رائع يابو سعد

قصيده عانقت عنان السماء

بماتحتويه من كلمات غايه

في الجمال وصدق المشاعر

يدوم حرفك ونبضك الفاخر

وهكذا الدنيا يا صااحبي,,,

تقبل مروري وصادق ودي وتقديري

[ابراهيم غضيان الشراري]

الله الله الله.
ياداعي الشوق.
أبعد الله عنك الاحزان.
وصح الله لسانك رائع.

تحياتي وتقديري.

[عبدالمحسن الرحمه]

ياسلام على شاعرنا صح السانك قصيدة وافية
عليك بالصبر والاستغفار والله يفرج همك