احترت في العالم صدوقٍ وكذّاب

[الطائر المهاجر]

احترت في العالم صدوقٍ وكذّاب= وإلا خبيثٍ والمكر ما يخليه
واحدٍ صدوق وساذج بكل ماناب= ما عنده اسرارٍ ولا شي يخفيه
واحدٍ صدوق ولا خشى لوم وعتاب= ضمير حي ونادر انك تلاقيه
واحدٍ كذوب ومنعرف بين الاصحاب= متميلحٍ بالكذب من غير داعيه
واحدٍ كذوب ولا يهمه اذا اغتاب= ميت ضميره والحقد جاب تاليه
واحدٍ مخادع لكن بدون اسباب= يخاف ظله يوم يمشي يباريه
واحد مراوغ املس الجلد كالداب= له لسعةٍ في القلب ماكنت محريه
وقتٍ به المملوح ركب له اشناب= والرجل بالبرقع يخادع مخاويه
ولا عاد تدري من عدوك والاقراب= تمشي بدربك خايفٍ من تواليه
عساك تسلم ما تعرض لنصاب = يجرك بدرب الخطا دون تاعيه
تقول ابنصح كودي انفع للاحباب = لكن لقيت النصح ماحدٍ يدانيه
كلٍ بعقله راضيٍ لو به عياب= يشوف نفسه كاملٍ في مماشيه
هذي ثمار الوقت من غير اسهاب= والعاقل اللي فاهمٍ من حواليه

[ترانيم المطر]

لا حرمنااااااااا الله نصحك يا عودنا

لا جديد سوى الإبداع والتميز

دمت ودام تميزك

تحيتي وتقديري

[همس الورد]

الله الله الله عليك يا دكتووووووووووور

رووووووعة ما شاء الله

صح لساااانك مليوووووون

و صح بدنك بوووووووح في غاية الرووووووووعة

تحيتي وتقديري لشخصك الرائع

[زهرة اللوتس]

سلمت وصح لسانك
وفكرك
جزل وحكيم دائما
دمت شامخا
تحية طيبة

[سهيل الشمري]

كلٍ بعقله راضيٍ لـو بـه عيـاب

يشوف نفسه كاملٍ فـي مماشيـه

الله يقبلك انت ونبضك

طاب فالك يالعوووود

الشمري

[منيع]

منظار واقعي لواقع محسوس
دمت متلمسا لجوانب الخطا والصواب
تحياتي

[حي الضمير]

عساك تسلم ما تعـرض لنصـاب...يجرك بدرب الخطـا دون تاعيـه

ياجعل عمرك طويل يابوعبدالله

وتسلم على هالقصايد المميزه التي تتحفنا بها

وماهذي القصيده المليئه بالنصح والحكم الا دره تظاف لدررك

ومليااار صح لساااانك استاذي

[عبدالله مذكر العقيلي]

نعم نعم

صح لسانك

وبيض الله وجهك

جزاله وحكمه

لاهنت يالطير

[الـزلـزال]

وقتٍ به المملوح ركب له اشنـاب=والرجل بالبرقع يخـادع مخاويـه
ولا عاد تدري من عدوك والاقراب=تمشي بدربك خايفٍ مـن تواليـه

الطائر المهاجر
بوح مميز وهادف وفي الصميم
من شاعر راقي ومتميز في كل مايقدمه
مبدع طائرنا دومآ في كل نصحك وتوجيهاتك
حلق ولنا الأستمتاع بتحليقك الشعري
صح لسانك ملايين ملايين
ولك فائق تحياتي وتقديري

[اسير البدر]

ياااعساااني ماااذوق حزنك ياااعووووووووووووود ياحكييييم الفطاحله

صح لسااانك خبيرخبير خبير ومميز وحنااا والله نستقيد من تجربتك الشعريه والحياااتيه