رميدا ومهباشه(سندريللا)باللهجه الحايليه

[بنت العز]

هذا يقولون كفانا شر مايقولون

بوه لوه رجلن اعرس مرتين
حملن حريموه جميع
واظنن جميع
وجابن بنات
حديهن وهي اتظنى ماتت ياويسي
والأخرى حيت
المهم هذي تولت البنية وياولية الشر هكا الولية
اكبرن البنات واليتيمة احشرتة مرت ابوه
ودلت اتقعده بالمشب عند الرماد
بله ربعتن بالكسافه
وسمته(( رميدا ))
بس تهل من هالرماد
ولا هي به زينن غريدز
والأخرى اسمة (( مهباشة ))
خبله الريران والذبان والردون يتدودلن
ومروحه عليه ريحن تاسن الأمة
وياحتست طابت علومة السعابيل
وة بس
وأمة طايرتن به اترززة
اتسبحة واتطيبة وتنكس لرداه
ورميدا المقيريده لا تهش ولا تنش مسبطة
المهم
هكاليوم جوهم العزامين يعزمونهم بعرس عند بيت الأمير
مدري بنته مدري حدى عياله
الوكاد انوة بهذاك
وهي اتتطير ام مهباشه
تجدل من الماء وتروشة وتلبسة هكالمقصب اللي ياالله يتناقلونوة من ثقله
وتغدي مهباشة بوة تقل حمار من كبرة
والزول يجيب الهم
الديود ليا سرة وفطحتة من قفو تزوم التسبد
وبس له نشيق
والشوشة طافحت يا خيوني يم السما
الوكاد انه يحول غدت اشوى من أول وانهجن يم العرس
ورميدا مدزعيه اتحوم اتحوم تبي احد يطرية
يمار محد دري به ولا حلمو بة
يوم فطنت يمار مرت ابوة تركض يمة
وامسكية
ودقيه
ودقيه
ودقيه
اليما غدت سدية
تبتسي
وتبتسي
قالت وش انا عامله
قالت له قطعة وخسوة والله ان نكسنا والبيت على لونة اني لا اذكيتس
نظفي والعفي الغنم
وهي اتفرفح من القهر
وقالت انا اوريتس الشغل هالحين
وهي اتجزم
وهي تنهج اتسبح و تمشط شعره يمار هكالأشقر اللي يجر من طولة
وتلبس ثوبن وريسي يكتل على حرير من هالاقمشة اللي تشر من لمعته
وانهجي
وصمي بحدى يدينة امحلب
وبالأخرى اصرار حمر

وهي تنهج يم العرس
دخلت رميدا يم العرس
الا هالحرما ميل الحوش
يمار الرجال يويدزون من فوق الجدران
وهي تدخل وهم يتشاهقون الناس
منهي هذي؟
وشو هالزين
وهي تقظ اشعرة
وهي اتدلي تلفح بوسط الحوش
والفحي
والفحي
اليما طاح اللي براسه
يوم عاد طاب خاطرة
وهي اتلفت على الحريم وهي تبذ عليهن الصرار الحمر وهن يدل يصيحن
استعرن عيونهن
وهي تلفت يم شنق الرجال وهي تبذ المحلب
وهم يتسفهون
والله ويقمز حدى عيال الشيخ يبيه
وهي تهج
ويلحقه
وهها
وهها
والله وهي تنقز الثلمة وانشقلي
وتفصخ انعوله وتهج
هو الشيخ لقط انعوله و دلى يتسحته
يمار ماش ماهو حوله
ظيعه
وهو يلعن ويشتم
الا هالنعول اللي يجبن الهم امقطعاتن وملعونن جدفهن
المهم
نهج يم بيتهم وقال لأهله انا ابيه هالبنت
ماعلي منكم
نشدو ونشدو هالبنت منهي ؟ ومنين جت ؟
محد يدري
ابد تسن الارض انشقت واجرعته
هذي رميدة اول مانكست يم البيت اجدعت ثوبة
ودلت تاخذ من الرماد وتلطخ روحه
الوكاد انه انكست مثل اول
وتنيومت
جن مهباشة وامة
وينحن وينحن
عويناتهن حمر
يوم مرت الام من رميده وهي تلفعه بهكالتفله اللي انشبت بوسط الرماد وتدلقمت
وقالت ياعلتس مانتي مثل طلعت هاللي مشوين
وووووووووة عزيلتس ياخبلة الشر
وانكسي يم مهباشة
يمار مهباشة مدزعية تبلع
والحال تشيب
قالت الام ياااااااااااعزيلي بس
انا وين ادوي بس
ايييييييييييييييييييييي
الشيخ عنط بحدى العجز اللي بالديرة
قال لتس اللي تبين اذا لقيتي البنت المزيونة هذيك
قالت منين انخشه لك؟
قال دونتس هالنعول واللي يدخلن به جيبيه لي
قالت واتسبدي وشن هذولي؟
ياوليدي هالحين ينقطعن
قال ماعليتس انتي بس بلهون عليهن
يالله
قالت زين
والله وهي اتدلي تسدير على البيوت
يمار كل من شافت النعول نشت عنهن
وعيت تلبسهن
واستديري
واستديري
وماش
عاد يوم جت لبيت مهباشة ورميدة
واركظي يا مهباشة وخوذي النعول
واجحريهن
واجحريهن
الا بغن ينشقن
مايدخلن
وتجي امه اتعاونة
وهه وهه وهه
قالت العجوز انطنن ياه ياملا الغاظر
هي غصب تدخل؟
ماهن له
رميده تراعي وساكته
قالت العجوز هذي هي تعرق بهكالزين والله ماظنتي
قالت رميده عاد مهباشة تعرق بوة؟
وهي تدزند مهباشة الخبله من الظحك
وتجي ام مهباشة وتكتل رميده
وهجت العجوز
وهي اتروح يم الشيخ
قالت لوة مالقيت
كلن اللي نفت عنه واللي ماجا مقاسه الا خبلة ام مهباشة رميدا مالبسته
قال انكسي له نكس
قالت تذبحنا ام مهباشة
قال خوذي معتس احد وفنه اتعيي
قالت ابشر
وانهجي يمهم
وصوتي لرميدا
جت رميدا وهي تقعد واول مااجحرت النعول وهن يدخلن
واشهقي يا ام مهباشة
قالت اتعقب واتخسى
مهن له ووييييييييييييييلي
العجوز ماردت على احد وخذت رميده
قال الشيخ خلاص باتسر وانا زافه
وهم يعزمون الناس ويسون عرس ماحصل بالديار
ويجن هالعبدات ويسبحن ارميدا ويمشطنه ويطيبنه
وغدت هكالبناوة اللي تلالي
يوم دخل الشيخ الا وشو هذي؟؟
من باتسر عمله زفه براس الخيل ودلت تمشي بوسط الديرة
يوم شافنه مهباشة وامه وهن يرحلن من الديرة
ذلن على ارواحهن من رميدا لا تذبحهن من العمل اللي عملنه به
وصوتي لهن يا رميدا وحبيهن وسكنيهن عنده
وانعمن
وزوجي مهباشة حدى هاللي يشتغلون عند الشيخ
وعاشت رميدا مع ولد الشيخ امعززة ومارجن عقله فاتخه


هذي قصة رميدا ومهباشة ((سندريلا ههههههههههههههههههه ))

[داعي الشوق]

قريت خمس طعش سطر

يبي لي بكرة أكمل الباقي ان قدرت ،،

أصبري علي ،،

ومشكوووووورة

[نفحات حساسة]

وقسم بالله عجزت افهم...

حسيتك ارتيريه..انا بقا لي الربع الاخير من القصه

الوعد الشهر الجاي

هههههههههههههههههههه تسلمين

[زهرة اللوتس]

هههههههههههههههههههههههههههههه
ماكملتها ابشري بكملها بكر

[بنت العز]

ههههههههههههههههههه
لاحول صرتو زوله
اجل اذا كملتوها علموني اقول لكم اسعدني مروركم
يعطيكم العافيه

[همس الورد]

ما فهمتها

ايشري راح احاول افهم

ههههههههههههههههههه

[حمود السكراني]

حبذا لوتترجميها للعربية باين القصة


حلوة بس مكتوبة بلهجة مدري وش

هههههههههههههه

[بنت العز]

هههههههههههههههههه
اذا دريت وش هي تعال
اسعدني مرورك اخوي
يعطيك العافيه

[الخنساء]

ههههههههههه

شكرا بنت العز

[نفحات حساسة]

عجلي عينا..وفكي الشفرات..عشان نفهم