قصيدة تجاريب

[سعيد عوده الحويطي]

السادة اعضاء منتدى الفطاحلة
السلام علبكم ورحمة الله وبركاته

يسرني ويشرفني اناشارك معكم بهذه القصبدة والتي ارجو منالله عز وجل ان تحوز على
رضاكم واعجابكم و اعجاب كل من يطلع عليها

تقبلوا تحياتي...اخوكم ابو توفيق

يالله ياعالم خفيات الاحوال = يامنزل غيث المطر من غمامه
يارب تهديني على خير الاعمال = واجعل لنا حسن العمل في ختامه
يامنزل يونس وطه والانفال = يارب تهديني طريق استقامه
دنيا تغير كل يوما لها حال = ياسرع لفات الزمن وانهزامه
ومن لاحسب للامر في وقت الامهال = ماينفع الندمان عضة ابهامه
والعمر يمضي بالتمني والامال = والرزق عند اللي كثيره انعامه
وكثر الحذر ماينفع العمر لوطال = ولابد له من يوم يبلغ تمامه
ويصير في قبر من الرمل ينهال = وحيد في قبر شديد ظلامه
ويشوف ماقدم ولو كان مثقال = في ساعة ماتفيد فيها ندامه
ويوم اللقا ماينفعه مال وعيال = ويقرا كتابه في يدينه امامه
اما نعيم بجنة الخلد مايزال = والا جحيم مايطفى ضرامه
ومن جرب الدنيا توريه الاهوال = والعاقل اللي زاد فيها افتهامه
واليوم باكتب ماطرالي على البال = امثال من درس الزمان وعلامه
تجارب جربتها قول وافعال = ماهي خيال عايش في اوهامه
ثلاث منهو حازهن حاز الافضال = ومن دور العليا يشدن حزامه
الدين ثم الجود والثالث المال = يرقى بهن للمجد عالي سنامه
وللوالدين بديننا قدر واجلال = ياكبر واجبهم وكبر التزامه
والضيف له ترحيب مع حسن الاقبال = وزود على الترحيب طيب ابتسامه
والجود من الماجود في كل الاحوال = ومن جاد بماجوده كفاه الملامه
ومن لابذل جهده بدنياه واحتال = ماتجيه كسبات المراجل كرامه
والطيب له بين الاجاويد مدهال = تلقا له بوجه النشاما علامه
من يفعل المعروف يجزا بالامثال = ومن يحترم نفسه يزيد احترامه
ومن دور المعروف في بحر الانذال= لايدوره قدام يوم القيامه
ترى رفقة الانذال فيها غثى بال = ومن رافق الانذال جاب الملامه
والنذل لايعجبك لوقيل رجال = تراه مثل الطعس سهل انهدامه
والى جهلت الرجل قيسه بما قال = وينبيك عن خافي كنينه كلامه
ومن يحفظ السانه عن القيل والقال = يسلم من طعون الكلام وسهامه
وان مالقيت لكلمة الحق مدخال = الصمت في بعض المواقف سلامه
وبعض العرب ثرثار مجلس ونقال = متخصص بهرج القفا النمامه
يوزع اخبار الناس طيب وبطال = واكثر علومه روجتها مدامه
هريج مجلس ماوجد مثله امثال = وعند اللوازم ماتشيله عظامه
وبعض العرب عبيد مال وعمال = مافرقوا بين الحلال وحرامه
يركض ورى الدنيا ولاارتاح له بال = ويروح عنها ماتحقق مرامه
لاهو كسب دنبياه ولا الاخرة نال = واصبح وجود المال مثل انعدامه
وبعض العرب للناس غيث الى سال = ريف الضعيف ان جار دهره وضامه
ماكنه الا الضلع راسي على الجال = عنده على الشدات عزم وصرامه
ولاينفع الرجال عم ولاخال = ان كان فعله مارفع من مقامه
والمرجله ماهي على كبر الازوال = ولافاد كبر الجسم عقل النعامه
وصبرك على الشده ولابعض الاذلال = لن الزمن زود عليك احتكامه
والحاجه الى الناس لوكان بريال = امر من الحنظل خبيث طعامه
والدين هم ومن ثقيلات الاحمال = كم احرم المديون لذة منامه
وفقرا بلا دين غناة بلامال = لاارتحت من هم الزمان وسقامه
والله خلق في الناس عاقل وجهال = والعاقل اللي ماتزله اقدامه
وانا كتبت اللي طرالي على البال = ياسامعين القول هذا ختامه
وصلاة ربي عد ماهل همال = اعداد مايلبس ملبي حرامه
على شفيع الخلق في يوم الاهوال = محمد شفيع الخلق يوم القيامه

الشاعر/سعيد عوده شداد الحويطي.

[ابومياس]

لاتعليق يليق بمقام

هذا النص الفاخر

وكل ما استطيع قوله هو صح لسانك

وبيض الله وجهك

قصيدة تستحق الوقوف على عتباتها

دام التميز في الحرف

ودمت بخير

[حي الضمير]

صح لسانك وعلا شانك
سلمت يمينك
قصيده أكثر من رائعه وابدعت ابدعت ياسعيد
لا عدمنااااااك
أجزل التحايا والاحترام يامميز

[صعبة المنال]

نص فاخر
وحروف من ذهب

صح لساااااااااانك

صعووب

[سعيد عوده الحويطي]

يسعدني مروركم على قصيدتي

و ارجو ان تكون قد حازت على رضاكم

ولكم مني جزيل الشكر....

اخوكم ابو توفيق

[ترانيم المطر]

صح لسانك وعلا شانك
سلمت يمينك
قصيده أكثر من رائعه وابدعت ابدعت ياسعيد

أجزل التحايا والاحترام

[عذب القوافي]

صح لسانك

نص وافي

لله درك يالغالي

تقديري ,,,,,,

[زهرة اللوتس]

صح لسانك وعلا شانك
سلمت يمينك
قصيده أكثر من رائعه وابدعت ابدعت ياسعيد
لا عدمنااااااك
أجزل التحايا والاحترام يامميز

[الـزلـزال]

من يفعل المعروف يجـزا بالامثـال=ومن يحترم نفسـه يزيـد احترامـه
ومن دور المعروف في بحر الانذال=لايـدوره قـدام يــوم القيـامـه

سعيد الحويطي



قصيدة متقنة الحروف والمعاني


من شاعر متميز وراقي فيما قدمة



شاهدنا نصائح وحكم قمة في الروعة


صح لسانك ملايين ملايين


ولك فائق تحياتي

[سناعيس]

الشاعر سعيد الحويطي
صح لسانك وبيض الله وجهك
حكم رائعه وقصيدة جزله
لاهنت

تحياتي