ماهو اول حضور .. // مصافحه بعد طول غياب

[محمد عبدالله البدراني]

الاخوه الافاضل والفاضلات

اليكم هذه المصافحه بعد طول غياب واتمنى ان تجد القبول لديكم
والعذر يسبقها لتقصيري تجاهكم ولكن نتمنى ان يسعفني وقتي للتواصل معكم مجددا ان شاءالله:

ماهو اول حضور ولاهو آخر غياب = الله انه يكافي من الغياب الطويل
ليا حضرنا نسر اصحابنا ولانهاب = كل دربٍ عسير وندرك المستحيل
بشاية الله ولا لغيره حسبنا حساب = يوم ولد الردي يهناه عيش الذليل
وان حكينا صدقنا ونكره الاغتياب = وان وعدنا وفينا والفعايل دليل
يوم بعض الخلايق عايشٍ باكتئاب = بن حقدٍ دفين وبين حسد وغليل
يكره الطيّب من الناس خطو الغراب = بارد الوجه ماله بالشكاله حصيل
وتربة الطيب تثمر والخبيثه يباب = وكل شهمٍ جواد يعيش مثل النخيل
والعرب من مروتها تعشق الصعاب = ومن تعوّد على الهين القي به نزيل
يامسوي النفسك صرح كله سراب = والله ان الكريم يعاف عرف البخيل

وهذه تحيتي وتقديري لكم
مع اسمى ايات الشكر والامتنان اطيب المنى رعاكم الله
....
.,.
..
.

[الطائر المهاجر]

صح لسانك واعتلى شأنك
رائعة من شاعر رائع
ومتجدد الإبداع
دام ابداعك
تحيتي ومودتي

[عبدالله الدخيل]

الله الله الله

صح لسااااااانك ولا هنت يالامير

قصيده جزله من جزل

[محمد بن عمار]

الشاعرالعذب / محمد البدراني
مدارات مخملية تسبح
في سماء الإرتقاء الحسي
بالكلمة لمصافحة الذائقة
صح الله قلبك وإحساسك
ولاهان غاليك فديتك
مودتي

[هترل]

ليا حضرنا نسر اصحابنا ولانهاب
كل دربٍ عسير وندرك المستحيـل
بشاية الله ولا لغيره حسبنا حساب
يوم ولد الردي يهناه عيش الذليـل
وان حكينا صدقنا ونكره الاغتيـاب
وان وعدنا وفينا والفعايـل دليـل


كفو
محمد صح لسانك ترليووون ولا يكفون
وافي وقصيدك وافي ابدعت وامتعت لاهنت يالغالي
شاعر جزل وابيات من العيار الثقيل

تحياتي

[داعي الشوق]

مرحبا يا بو عبدالله تراحيب المطر

و يا هلا بالجزاله و اهلها

و الحمدلله على السلامه

و عاش من شافك و سمع صوتك

و صح لسانك مليوون

شاعر مبدع و معروف بالجزاله

و يا هلا بك من جديد

و لاهنت يالذيب

[الـزلـزال]

محمد البدراني

مصافحة مميزة وجزله ورائعه
من شاعر تعودنا منة تقديم كل مميز وجزل
أبدعت وأمتعت شاعرنا الراقي المميز
دمت بخير ودام لنا حرفك الراقي
متمنين تواصل الدائم
صح لسانك ملايين ملايين
ولك فائق تحياتي وتقديري

[الواثق]

صح لسانك وكلك
ولا هان راسك
لوحة جميله
من رسام ماهر
تحياتي الطيبه

[الهوشان]

احسنت وسلمت
قصيدة رائعه وشاعر اروع
صح لسانك مليار ولا تكفي
تقبل أطيب التحيه

[محمد عبدالله البدراني]

اجزل الشكر والثناء لكل من شرفني بمروره الكريم المبهج

ولي عوده اليكم ان شاءالله


تحيتي وتقديري