البهـــــــارات

[سعيد مقبل الأكلبي]

احدٍ يبيها تجي من غير مايدري=واحدٍ درا غير راحت عنه ما جاته
ماهيب من صيد من يمشي وهو عبْري=ولاهيب ترتاح للي طوّل سكاته
سر ياقلم وادْ مجهودك من الحبري=اللي لامنّه كتب بانت كتاباته
خل الحبر فوق مصقول الورق يجري=من شافه يقول يامجْمل عباراته
انا عرفت الكلام الزين من بدري=لكن مانيب آقوله غير باوقاته
مانيب في كل ديوانيه آهذري=وماجيبه الا ليامن قيل لي هاته
وان كان وجه القصيد مشوهه جدري=دكاتر الشعر يلْزمهم مداواته
ماهوب لامن نشدّته قَدّم العُذري=حتى طبيب الادب ضاعت اماناته
يانعنبو واحدٍ ذراه مايذري=لاكان بين العرب تكْثر علاقاته
لاصار ماغير فالمعطان وايهَدْري=واصغر قعودٍ على الما يقْطع لهاته
فان النبط مايبي دكْتورِه الفخري=وماهوب يحتاج للدكتور وابياته
والفلسفه فالشعر مفهومها عصري=والا الشعر من قديمٍ فاختراعاته
مافيه شيٍ يسمّى فالشعر حصري=كلٍ يقدّيه رايه واجتهاداته
احيان يطري علي واحيان مايطري=اللي يشوف العرب بعيون نّياته
مع كل موضوع تلقا مخّه ايحَدْري=ويجيب سيّاته اللي قبل حسْناته
يعني لو اني بغيت آقول ياعمري=يطلع علي سئ النيه بطلعاته
ويقول في داخله وسواسه القهري=وش قوم ابن مقبلٍ يضْهِر خفيّاته
مانيب فاجابة المتحدّث بمزري=لكن راعي النوايا كيف اجاباته
احدٍ يجي مع نفق واحدٍ على كبري=كلٍ على نيّته تبين غاياته
والحب سمّوه من سمّوه بالعذري=من كثر زلاّته وكثر اعتذاراته
مفهوم توّه جديد ومنتجه فكري=وآحب منتوج فكري وابتكاراته
يابُصر عقلي على تفكيره وبُصري=كلٍ مع التجربه تضهر قناعاته
لاكان مايعْجب المكتوب والمقري=راعي البهارات معْجبْته بهاراته
محدٍ بياخذ على وزره بعد وزري=من ضاقت ارضه فلا ينسى سماواته
كم واحدٍ فلْسفاته قد مشت جبري= وكتابه يخلّص وتنعاد طبعاته
مجاملات العرب والمبلغ المغْري=تصنع جماهير وتسوّق خرافاته
اما يجي حلّها عند العرب جذري=والا يكب المشرّه كثر شرهاته
والظاهر انها بعد جتني وانا مدري=وكم واحدٍ ودّه ابها غير ما جاته

[الـزلـزال]

سعيد الأكلبي

نص مميز ومتقن

من شاعر متمكن ورائع في كل مايقدمه

أبدعت شاعرنا وكالعادة أمتعت

وغير مستغرب منك جزل وقوة الحرف

دمت بسلام ودام لنا عطائك

صح لسانك ملايين ملايين

ولك فائق تحياتي وتقديري

[الطائر المهاجر]

حجز وانتظار

[صعبة المنال]

والفلسفه فالشعر مفهومهـا عصـري
والا الشعر مـن قديـمٍ فاختراعاتـه
مافيه شيٍ يسمّى فالشعـر حصـري
كـلٍ يقدّيـه رايــه واجتهـاداتـه


صح لسانك وحرفك

صعوووووووووب

[عبير الورد]

الله الله
صح لسااااااااااانك ملايين وسلم بوحك الجزل
ربي يعطيك العافيه

[داعي الشوق]

انا عرفت الكلام الزيـن مـن بـدري = لكن مانيـب آقولـه غيـر باوقاتـه
مانيـب فـي كـل ديوانيـه آهـذري = وماجيبه الا ليامـن قيـل لـي هاتـه

صح لساانك يا بو مقبل

قصيدة جزلة و كايفة

ولاهنت

***********

[سعيد الصاعدي]

الاخ الفاضل / سعيد مقبل الأكلبي
صح لسانك لاهنت
نص شعري رائع
من شاعر جزل
تسلم ويسلم فكرك يالغالي
تحياتي
أخــــوك
س / ص

[الخنساء]

صح لسانك مليون ولايكفون

قصيدة جزلة من شاعر جزل

سلمت ودام حرفك

[حي الضمير]

أبدعت شاعرنا الاكلبي
وعوايدك يانجم
ومدد صح لسااانك

[عبدالعزيز ابراهيم المنصور]

سعيد الاكلبي
نص رائع
وكلمات جميلة
صح لسانك ولاهنت
دمت بخير