الناس عيت تترك الكذب والزور

[سعد الشقحاء]

سلام ردية وفاء كلها نور=للحاضرين اهل الوفاء والحميه
الناس عيت تترك الكذب والزور=متميزينن بين هذي وذيه

[سناعيس]

ياهلا والله باخوي سعد الشقحاء
انا ماني راعي رد بس يوم شفت ماقلط احد قلت أتعلم منك

يامرحبا بك ياسعد وانت مشكور=يسعدك ربي كل صبح وعشيه
دنياك هذي تجمع الخير وشرور=نسبه وتناسب لو تقسّم بميه

[الطائر المهاجر]

اصابعك ماهي سوى وانت دختور= تدري بحال الناس راعي ورعيه
احيان تفكيرك وساويس مقهور= وردة فعل من موقف به اذيه

[سعد الشقحاء]

المشاركة الأصلية كتبت بواسطة سناعيس

ياهلا والله باخوي سعد الشقحاء
انا ماني راعي رد بس يوم شفت ماقلط احد قلت أتعلم منك

يامرحبا بك ياسعد وانت مشكور=يسعدك ربي كل صبح وعشيه
دنياك هذي تجمع الخير وشرور=نسبه وتناسب لو تقسّم بميه

هلابك يا مدير

ابك البقاء لكن ترى منت معذور=مثلك مدير ولا تفوته قضيه
من يقرب البيبان عدى على السور=كبر ذكي ما نام ونار حيه

[سعد الشقحاء]

المشاركة الأصلية كتبت بواسطة الطائر المهاجر

اصابعك ماهي سوى وانت دختور= تدري بحال الناس راعي ورعيه
احيان تفكيرك وساويس مقهور= وردة فعل من موقف به اذيه

دختور ههههههههه دكتور يا عود

ياتارك الترحيب بالله دستور=وراك ما رديت رد التحيه
اذكر من الامثال قولن ومشهور=اللي حمل خرجه وفالخرج حيه

[الطائر المهاجر]

رد التحيه تم من قبل بالدور= وانا ادور زبدة الهرج ليه
ولا فيه فرق بين حيه وعصفور=والعاقل اللي مابحث في الهويه
يوكل اموره للولي باعث النور= وينام خال البال حسن النويه
ياقاه ربه وكل شيطان مدحور= والعاقبه للي بعقله رويه

[صعبة المنال]

جميل... متابعه

صعووب

[الطامي]

عاشوووووووووووووووووووووووو
صح السانتكم جميع
كملوها تراني بالصف

[محمد عبدالله البدراني]

الله الله


ياسلاااااااااااااااااااااااااا اااااام




وووااااااااااصلووووووووووووووو بالله


والله محاووووووووووووه قويه من بدايتها




لاهنتم


تحيتي

[رفيعة الشان]

الله
صح الله اسلنتكم شعرائنا الأفاضل
وااصلوووا وحنا متابعين
ان شاء الله

لااهنتوا جميــعاً