ياحمود يسعد لي صباحك مع مساك

[فواز الغسلان]

ياحـمــود لو شديـت قلبي ماجـفـاك =ويكـفـيـك ربٍ مامـعــه نـــد وشــريك
لك صاحبٍ يـنـقـص ولاينـقص غلاك=له خـافــقٍ تـحـت الـشـدايــد يحـتريك
ماعـاد لـي فـي صـافـي الرفـقه سواك=عـسـى صـواديـف الـلـيـالـي ماتجـيـك
وياحمود يسعد لي صباحك مع مساك=دربي على قـبـري غـدى وقـته وشيك
رافـــقـــت نـــاسٍ ماتــقـــارب مـسـتــواك=واصبح وفـاهـم بالــوعــد جــداً ركـيـك
لا هـم عـلـى قـاعـك ولا هـم في سماك=ومن دونـهـم حـطـيـت لي درعٍ سـميك
يرحــم ولـي الـعـرش راس اللي غـذاك=وخـلاك في طيب المراجل تقـل شيك
لـقـيـت رجلٍ بالـرخـى يـضـحـك معـاك=وان طحت من صكات بقعاء بار فيك
وان قلت طـالت غـيـبـتـك ربي رعـاك=جــاوب وقــال الـلــه يـثـيــبـك مانـبـيـك
قلـت الزمان الـشـيـن طـبــعـه ماخـفـاك=مهما عـطـى يـسـطـي على اللي في يديك
مـا كـل نـبـــــعٍ تـــارده يــروي ظـــمـــاك=ولا كل من تشري طـبـوعـه يـشـتريك
ولا كل من ناديـت يسـري مـع نـداك=لو شفتهم سـمـوه بـيـك ونـســل بـيـك
ومافــات بوقـوت القـسى خـله وراك=وفـكــر بـدربٍ وارد وجــهــه عـلـيـك
وان راح عـمرك تشتـكي جـرحٍ وطـاك=لا صدت خير ولا كسبت اللي نسيك
واحـذر تطـق ابـواب رجـلٍ مادعـاك=والا تـراجــي واحـــــدٍ مايـرتـجــــيــك
فـرقـى غـزالٍ فـي حـلا رمـشـه سباك=والـصـبـر مـع جــرحٍ بـلـيـلـه يحـتــويك
افـضـل مـن جـروحٍ تـذوقــه لا رماك=لا صـار فـي كـثـر الـمـفـارق يـبـتـليك
لاتعـطـي الخـفـاق شـخــصٍ ماعـطـاك=وخــل الـركـايـب تـتـجـه للـي يـبـيـك

[الطامي]

فواز الغسلان
صح السانك ملايين
جزلة من جزل
لافض فوك اخي
شكرا لك

[ترانيم المطر]

صح لسانك واعتلا شانك
ابيات رائعة
ترجمت روعة الاحساس
سلمت وسلم تميزك
وإبداعك

تقبل من التحيه أغلاها ودمت بود

[صنداح الزلامى]

الشاعر فواز الغسلان


صح لسانك واعتلا شانك جزل جزل

يافواز لك مني اطيب تحية ودمت بخير

[الطائر المهاجر]

سلمت وصح لسانك وفكرك
ولا هان راسك
جزلة من جزل وشاعر فحل
ولا كل من تشري طبوعه يشتريـك
وياليت يكون
ولا كل من تشري طبوعه بيشريك
تحياتي الطيبة

[داعي الشوق]

يالشاعر ابن غسلان

و صح لسآآآآآآنك مليوووووووون

وسام الابداع

من الدرجةالاولى

[الـزلـزال]

فواز الغسلان



قصيده رائعه


من شاعر متميز في كل مايقدمة



أبدعت شاعرنا رعاك الله




صح لسانك ملايين ملايين



ولك فائق تحياتي

[ام العمده]

فواز

صح لسانك واعتلا شانك

لاهنت على هذه الشامخه

ابدعت

دمت بخير

[زهرة اللوتس]

فواز الغسلان
سلمت وسلم فكرك
جزلة من شاعر جزل
لاهنت وبيض الله وجهك
تحية طيبة

زهرة

[سعيد الصاعدي]

الاخ الفاضل / فواز الغسلان
صح لسانك لاهنت
نص شعري راقي جدااا
من شاعر متمكن
تسلم ويسلم فكرك يالغالي
تحياتي
أخــــوك
س / ص