الموااادع

[محمد بن عمار]

السلام عليكم /
مافيه اصعب من كلمة الفراق عندي
ما أطيقها . ودي يقول إلى اللقاء
ويغيب سنتين ولا يقول وداعا ً
ويغيب ساعتين ...!

الموااادع

يوم الموادع لج ّ بالفكر لجّاج = قامت تحشرج عبرتي مع ونيني
الكبد فاحت في الحشا توهج اوهاج = والدمع هلّ وباح خافي الكنيني
على غرير ٍفي البلد ما بعد داج = عمره ثمان وخمس واربع سنيني
وياحمس قلبي حمس بن ٍ على صاج = من فوق جمرالرمث له موقديني
يرهج على فرقاه في صدري ارهاج = وسط القفص سوات طير ٍ سجيني
ماجت بي الدنيا وكعب الرجل ماج = من عقب ما قفوّا بمضنون عيني
جرح المفارق في الحشا ماله علاج = الله على فرقا عشيري يعيني
والله ، لولا المنقدية والإحراج = لأصيح بأعلى الصوت بالحاضريني
وأقول أنا صكيّت ، بابي بمزلاج = وطويت صفحات الشقا والحنيني
أفرش لمن يشريني الأرض ديباج = ومن باعني بعته ولو هو ضنيني
لو كان مدرج في سجل الغلا إدراج = بأرشيف قلبي ماخذ ٍ ، صفحتيني
ماكل من هو ، مدّ كفّه ، بمحتاج = وما كل محتاج ٍ ، يمد اليديني
وماكل من يارد على البير هدّاج = وماكل من هو صاد ، جاب الثميني
ولايامن الدنيا على كل منهاج = لو هي صفت له يوم ، باكر تشيني
وترى الدهر مثل البحر كلما هاج = يغرق مراكب وأهلها ،، غافليني

مودتي
محمد بن عمار

[عبدالعزيز العمار]

صح لسانك يابوعبدالعزيز

رائعه بكل مافيها من جمال

أبدعت وأجزلت فيها ولاهنت

وكل عام وأنت بخير

[عدنان كريزم]

صح لسانك ولا هنت يا بن عمار

تحيتي

[داعي الشوق]

صح لسانك مليوووون يا جريح القصيد

قصيدة تجرح

و الله يعينك يالهواوي

و صح لسانك مدد

ولاهنت

[الـزلـزال]

محمد بن عمار

نص شعري في قمة الجمال والروعه والأتقان
من شاعر عودنا على روعه وتميز حرفه
أبدعت وأمتعت شاعرنا رعاك الله
دمت بعيدآ عن مايكدر صفوك ودام لنا حرفك الراقي
صح لسانك ملايين ملايين
ولك فائق تحياتي وتقديري

[العويشق]

لوحة جميلة من فنان مبدع
صح لسانك
ولاهان راسك
تحياتي الطيبة

[عمر ال شيبي]

غافليني

الله عليك دوم احب اقرا لك
حرفك يسعدني وصح لسانك

[نجم الإبداع]

صح لسانك يابن عمار

مصافحه جزله

لاهنت

تقبل مروري

وتقديري

[الـزلـزال]

لجمال حرفك وتميزة وإتقانه
.
.
عدنا
.
.

صح لسانك ملايين ملايين

ولك فائق تحياتي وتقديري

[منيع]

مبدع ومميز
تسلم
تحياتي لكم