جيت للدنيا وحيد وارتحل منها وحيد

[الطائر المهاجر]

جيت للدنيا وحيد وارتحل منها وحيد= تاركٍ ما اكتسبته من حلالٍ او عيال
ودام هذا الحال افضل عيشتي وحدي بعيد= خير من ناس تدور للهرج قيلٍ وقال
او تدور للمصالح كود تلقى ما يفيد = وكان ما بك من فوايد ما تنزل بالسؤال
ولا سأل عنك حديهم بالخطا هرجه زهيد= كن مغصوبٍ وينهي كلمته باقصى العجال
كيف انت وكيف حالك من هروج اللي بليد= وفي امان الله احسن هرجته بعد انشغال
كيف كنا وكيف صرنا بين اجداد وحفيد= ما جنينا من الحضاره غير انواع الوبال
كل واحد كل همه كيف يعلي للرصيد = ما يفكر في حرام ولا يفكر في حلال
ضامره ميّت ولا هو خايفٍ يوم الوعيد= داخله نفس مريضه لو ملك ثقل الجبال
وده لو لحظه يحس انه بهالدنيا سعيد= غير مايقدر لأنه صار مدمن حب مال
لو يعيش بقصر فخمٍ فيه خدام وعبيد= ولو ملك اجمل جزر بالجنوب وبالشمال
ما جداه إلا علاج يجعله مثل الجليد= يخدره اوقات واوقاتٍ تشوف بْه الخبال
عايشٍ في صورةٍ للذات عنها ما يحيد= ناسي الذات الحقيقي ماعرف صدق الفعال
عايش بوجهين واكثر مر خادم مر سيد= ضابطٍ دور النفاق وكل مكرٍ بافتعال
ما تفكر بالنهايه يوم ماله ما يفيد = يمتلي فمه تراب ويبتدي وقت السؤال

[بنت النور]

جـيــت للـدنـيـا وحـيــد وارتـحــل مـنـهـا وحــيــد
تـــاركٍ مـــا اكتسـبـتـه مـــن حـــلالٍ او عــيــال
ودام هذا الحال افضل عيشتـي وحـدي بعيـد
خـيــر مـــن نـــاس تـــدور للهرج قـيــلٍ وقـــال
او تـــدور للمـصـالـح كـــود تـلـقـى مـــا يـفـيــد
وكـان مـا بـك مـن فـوايـد مــا تـنـزل بالـسـؤال
ولا سـأل عنـك حديهـم بالخـطـا هـرجـه زهـيـد
كن مغصـوبٍ وينهـي كلمتـه باقصـى العجـال
كيف انت وكيف حالك من هروج اللـي بليـد
وفـي امـان الله احسـن هرجتـه بـعـد انشـغـال
كيـف كنـا وكيـف صرنـا بـيـن اجــداد وحفـيـد
مـا جنينـا مـن الحضـاره غـيـر انــواع الـوبـال
كــل واحــد كــل هـمــه كـيــف يـعـلـي للـرصـيـد
مــا يفـكـر فـــي حـــرام ولا يـفـكـر فـــي حـــلال
ضـامـره مـيّـت ولا هــو خـايــفٍ يـــوم الـوعـيـد
داخلـه نفـس مريضـه لـو مـلـك ثـقـل الجـبـال
وده لــو لحـظـه يـحـس انــه بهالدنـيـا سـعـيـد
غيـر مايـقـدر لأنــه صــار مـدمـن حــب مــال
لــو يعـيـش بقـصـر فـخـمٍ فـيـه خــدام وعـبـيـد
ولـو مـلـك اجـمـل جــزر بالجـنـوب وبالشـمـال
مـــا جـــداه إلا عـــلاج يجـعـلـه مـثــل الـجـلـيـد
يـخـدره اوقــات واوقــاتٍ تـشـوف بْـــه الـخـبـال
عايـشٍ فــي صــورةٍ لـلـذات عنـهـا مــا يحـيـد
ناسي الذات الحقيقي ماعرف صدق بالفعال
عايـش بوجهيـن واكثـر مـر خـادم مــر سـيـد
ضـابــطٍ دور الـنـفــاق وكــــل مــكــرٍ بـافـتـعـال
مـــا تـفـكـر بالنـهـايـه يـــوم مــالــه مــــا يـفـيــد
يمتـلـي فـمــه تـــراب ويـبـتـدي وقـــت الـســؤال


صح لسانك مليون مايكفون
يعطيك العافيه
جزاله من شاعر متمكن
لاهنت
تحياتي واجلالي

[ساهر الليل]

يا سلام عليك

صح لسانك وفكرك

كلام جميل جدا وتوجيهات اجمل

تقبل تحياتي

[منيع]

مبدع ورائع وجزل
شكرا لك
تحياتي

[داعي الشوق]

صح لسانك و طاب حالك

و الله يعين على الدنيا بخير

قصيدة جزله يا جزل

و صح كلك ولاهنت

[الراقي]

صح السانك

راائعه

دمت ودام قلب ينبض بين اضلعك

[الطامي]

دكتور
صح السانك ملايين
قلت فأجدت وابدعت في الوصف لافض فوك
هي الحياه عشها كما كٌتب لك الى ان ترحل منها

لاهنت

[عبدالله الشويمان]

صح لسانك واعتلا شانك يا ابوعبدالله..

قصيده واقعيه وهذه هي حال الدنيا.

لا هنت لا هنت

[نجم الإبداع]

صح لسانك

والدنيا زايله ماينحسب كثرها من قلها

لاهنت ياشاعرنا

تقديري

[حي الضمير]

صح لسانك
ولافض فوك شاعر الحكمة
ابدعت وعوايدك
والله يكفينا والمسلمين شر الدنيا