سراب اللال

[سمّار]

على كيفك سراب اللال ...سابي كل صحراوي../...=...\..ولو تلقاك بعض احيان سود اعيان عطشانه
تجي لك كلّها ولْها بشلّة صوت وعْزاوي../...=...\..يداعي نونها الحاجب ويدعي رمشها اجفانه
ولا تفقدْك من قاعك ..ولا تحضنك وتراوي../...=...\..وما تتعب....تطارد طيف شعّ الموج باركانه
وذيك البيد مرباعك ولك ظنّات وهقاوي../...=...\..تداعب رملها الساهك..وتركِز دون كثبانه
ويابُعْد المروج اللي عليها يعزف الناوي../...=...\..بصوت الرعد شقّ البرق هملوله وغشّانه
ولو يرْسُمْك في لوحه مولَّع بالرسم هاوي../...=...\..رسمْك انك مجرد حلم ما يحزنه فقدانه
فلا تحسبْك من صبرك على ما تنتوي قاوي../...=...\..ولا تحسب كبود الناس في لالاك عشمانه
صحيح اني لقيت اللي وروده عدٌ رهاوي../...=...\..وشدّ وحلّ في صحرا وعطّش فيك وجدانه
سوالف حدّها نضحك..وهو ضاوي وانا ضاوي../...=...\..وتبقى ياسراب اللال عزف السحر والحانه

[داعي الشوق]

و الحانه ،،

الله الله يا بو هاشم

عزف منفرد على اوتار الابداع و النرجسيه

صح لسانك ملاييييين يا مبدع

و لاهنت

مع سلامي لك

[الراقي]

لاَفُض فُوكَ شَاعُرنا القَدِير..

قَصِيدة حَاكت الجَمال ~

صح لسانك

^^^^^^^^^^^

[الـزلـزال]

سمّار

نص رائع ومميز وجميل
من شاعر متميز ورائع في كل مايقدمه لنا
أبدعت وأمتعت شاعرنا
دمت ودام لنا حرفك الراقي
صح لسانك ملايين ملايين
ولك فائق تحياتي وتقديري

[عمر ال شيبي]

صباح الخير للشعر المنير
صح لسانك لا هنت ابد

[حرف وشعر]

نص كبير من شاعر كبير لاهان بوحك

[الطائر المهاجر]

صح لسانك وقلبك
مبدع في كل حالاتك
لاهنت
تحياتي

[منيع]

كل الروعة والابداع
تحياتي لكم

[مشاري بن محمد]

هنا مكاني (مسمار جحه) للعودة مرار عديدة لأستمتع

صح كلك

[بنت النور]

قَصِيدة حَاكت الجَمال ~

صح لسانك وقلبك
مبدع في كل حالاتك
لاهنت
تحياتي