على المغرَب اللي يذكرونه نويت اروح

[احمد الكثيري]

هذا النص المتواضع موجه للشاعر علي المنتشري

على المغرَب اللي يذكرونه نويت اروح= واطفي لواهيب (ن) بقلبي لها عامين
وامتع عيوني شهر في الصاحب المملوح= حبيب(ن) سرق قلبي بصوته قبل يومين
حبيب(ن) سواليـفه دلــع يأملا ومــزوح = كوى خافقي من نظرته ياعرب بالعين
تذكرت نظراته وذاك الشعر مسفوح = على خد من صوب ضميري ضحى الاثنين
كواني بناراًخلت القلب فيه جروح= وصوب ضميريياعرب ناس الطرفين
وساعة زهمته وحبنا بيـننا مفـضوح = حطيت يديني بيدي ناعم الكفين
جذبني بعطره يوم قرب شذاه يفوح = ابوجادل (ن) من طولها يكسي الردفين
يقول اش تبي قلت انت حلمي ياعذب الروح= انا ارجوك قلي ديرتك يابيض الخدين
انا عندي احــلام(ن) كثــيره بكل طمــوح = ازورك لو انك ساكن(ن) في بلاد الصين
وقال الحذر عن سرنا يالحبيب البوح =ابي سرنا ياصـــاحبي بيــننا ياثنــــين
مادام ان مالك عندنا يافتى مصلوح = ترفق بروحـــك بعد بكره تـرى ماشــــين
وقلت الحقيقه لي شهر يالغضي مطروح=ولاهي عداله تجرح القلب بالسكين
انادي على شانك وصوت السهر مبحوح = متى ياعلي تهنى بها حالة المسكين
ونامؤمن(ن) باللي كتب لي بوسط اللوح =وحنا بكل اللي كتب ربنا راضين
ورد النظر ويقول قلبي لكم مجروح = الا يالكثيري ولعت بالحشاء نارين
تفضل ترى بيتي وما نملكه مفتوح =وفي ظرف ساعه انقلب عيدنا عيدين
يقول انت سامحني وانا اقول لك مسموح= جلسنا ثواني وانقلب ليلنا ليلين

وقد تفضل اخي علي المنتشري بالرد على نصي بهذا النص الجميل مشكوراً

دخيل(ن) على الله يالكثيري لهذا النوح = عيون (ن)تناثر ..دمعها... والقلوب تلين
تناغم قصيدك واستباح الهوى والبوح = الين الفلا غرد ...على كثرتة تلوين
سلامات يابن العم قلبك غدى مذبوح = ولا لوم قلبٍ.مرهفٍ.. في هواء مغلين
انا ادري بميراد الهوى والجمال يلوح= يشابه مزون سهيل ويفجر الكبدين
تنهايد حرفك يارفيقي تشق سفوح = تبيًن ...غلآة اثنين ..وتبيًن القلبين
يقولون من حبك محبه وزاد ارموح= غلاته وحبه في النقاء ....واضحه وتبين
اذا كان هذا موصفه صادقٍ مرموح= تمسك.... بغنوة زين..... ياليلها ياعين
بلاد اوكسجينه غاليه مترفه بالضوح= تلاهى لها الاذواق في عسرها واللين
جمال الطبيعه يشبه اللي تقل مملوح = يطفي لواهيبك ولو كان من عامين
انا ادرى بها وانته تجيد الهوى والدوح = ديارا لها مسرح..... ومرقابها توطين
وصاحبك يعرف كيف يذهب وكيف يزوح = توكل وقله لايقارن على الشكلين
هنا غير اما في دياره يزيد وضوح = وتعرف من الو ضحي وتعرف من التنين
انا أقدَر اللي طب في غبة الممدوح = واقدر ضروف اللغير في حاجة التمكين
بمعنى كلامك يطرب اللي لضاهم شوح= وزاد الهوى قدره على حاجة التخمين
كثير الذي يسقي على زهرة المنفوح = تناسى محاصيله من الخوخ ..والا التين
دخيلٍ على الله يالكثيري لهذا النوح = عيونٍ تناثر ..دمعها..... والقلوب تلين
رجيتك تهدي الوضع وتقارن المصلوح = وتنثر جمال الحرف في دوحة الغالين

[هترل]

صوت وصدى قمه الابداع
صح لسانك يالكثيري انت وزميلك
شعراء مبدعين لاهنتو

تحياتي وتقديري

[داعي الشوق]

صح لسانك احمد ولسان المنتشري

ابداع جزل و رد جزل

و طاب حالك و بالك

[الطائر المهاجر]

صح لسانك ولسان المنتشري
ولكن قبل تروح اقرأ
http://www.fatahilah.com/showthread.php?t=1312
لاهنت
تحياتي

[احمد الكثيري]

المشاركة الأصلية كتبت بواسطة هترررل

صوت وصدى قمه الابداع
صح لسانك يالكثيري انت وزميلك
شعراء مبدعين لاهنتو

تحياتي وتقديري

شكرا لمرورك الذي اسعدني واضاء مشاركتي المتواضعه
لك مني ارق التحايا

[مشعل التريباني]

الكثيري
صح لسانك
وصح لسان المنتشري
وصح لسان الطائر المهاجر
و كلكم عمالقه صوت وصدى رائعين
ونصيحه من المهاجر لك قبل السفر
هههههههههههههههههههه احسنتو
وابدعتو وامتعتو تحياتي لكم جميعا

[منيع]

مبدعين ورائعين
شكرا لكما
تحياتي

[الطامي]

الكثيري
صح السنتكم جميع
صوت وصدى رائيعين
لاهنتم

[الخنساء]

صوت وصدى رااائعين

لاهنتوا ودام بوحكم

[رووبين]

أحِمَدِ اًلكَثيرِيَ

صَحِ لسٌانكَكِ أنُتِ وَ المَنتشُرِيَ

آبيٌآآتِ رِآآئعِةُ

يعِطْيكَكِ آلعآآفيِةٌ