محاورة ظهر الخميس 6/3/08

[الطامي]

ياصاحبي منصور وش فيك يوم امس=لفيت عقبك شفت لك حرف عتبان(فلاح)
ياصاحبي وينه ايجوز النظر عمس = والا لفلاني بشايب اتقول خرفان(المري)
الحمد لله دام مررتها طمس = ارتاح بالي وانت ياخوي ذيبان(فلاح)
اشوف انا الطائر بدا يضرب الخمس = على شبابٍ راح يادان يادان(المري)
واشوف ماجد قام يالعبنا حمس = مدري غلا والا ظهرفيه نيبان(المري)
وينك عن الموعود ماقولها همس = انا تصلت ومالفى منك الاعلان(فلاح)
ان كان قصدك بالمواعيد بالهمس = حنا انشغلنا يالسنافي بعربان(المري)
ياماجد الميدان مايبغي الرمس= جرد حسامك دامك اليوم طربان(فلاح)
فلاح دامك بالمواقيف لك رمس = حن ماعلينا دمت ياطير حوران(المري)
العود مايمشي معك غير بالرفس = لاجله كسول ولايبي لحم خرفان(فلاح)
قصد انا والا على ماجد الكبس = وان كانها فيني فدتكم على شان(المري)
حنا نوينا صوبكم نوجه الجمس = اما ايجيب ابخير والا فعدمان(المري)
ونمر ربعٍ لك على حافة الخفس = وذيك الديار اللي لها القلب شفقان(المري)
ودك تخاويني جعلنا الخبز عفس= معه الترامس والقهاوي وفنجان(المري)
لامن مشينا والتعب جاك من هبس = وقف وحط اللي معك رز والبان(المري)
وش فيك ماني يارفيقي من الفرس= انا خويك لو تبي أذربيجان(فلاح)
المشكله قطع اتصالي وانا حمس= والعود وده ياكل اليوم ربيان(فلاح)
هيا و خلك على اهبة النفس = لين الهرن نعطيه بالباب يفلان(المري)
ان قدر الله يالسنافي معى الببس = نعطيك جبنه والعصاير بعودان(المري)
نزرع وبعض الناس مايعرف الدمس= يخلط مع الحنطه غوى حب رمان(فلاح)
انت اصلح النيه وغمس لهم غمس = وعطهم من الموجود مع عود ريحان(المري)
وربك يحاسب كل شخص على الهس = مير انتبه ترا الخبيثين ورعان(المري)
حاسب علينا يارفيقي من الكبس= شغلك سريع وليلنا مابعد حان(فلاح)
اشوف ابو عمار يراقب او يجس = دش الملاعب بس بعيون واذان(المري)
مالي بمن لاغبت يكثر من الدس = المشكله في ليل يرويه بزران(فلاح)
افى يابن منشار تجعل بها لبس = الليله الجمعه بكى كل شيطان(المري)
انته اتجمع يارفيقي وانا لس= توي شباب وكاحل العين مزدان (المري)
حنا حكينا والعرب وش بهم خرس = من غاب عنا جعله اليوم طرمان(فلاح)
خلك يابن منشار في دارك وبس = وانا طريقي عارفه وانت نومان(المري)
الي يفحط دوم من طعس الى طعس = ماضنتي يلقى عن الطعس سلوان(فلاح)
ازهل وانا بامشي معى الدرب واعس = وانذرك لاشفت الحرامي ابواعيان(المري)
العود لايلفي ترى ريحته فقس = صابه زكام وحط بالبن كتان(فلاح)
العود كنه عنتره في زمن عبس = عليك به مادامه اليوم تعبان(المري)
الله يبعد عنكم الليله النحس= وتصير ليله كلها فن واشجان(فلاح)

[سناعيس]

الله الله
شاعرين نفتخر بكما
بيض الله وجيهكم

تحياتي

[ابومياس]

سلامي للجميع على جمال الحرف

صح لسان كل واحد فيكم

وبيض الله وجيهكم

دمتم بخير

صح لسانكم وبيض الله وجهكم
العـود مايمشـي معـك غيـر بالـرفـس لاجله كسول ولايبـي لحـم خرفان
هههههههه

[نجم الإبداع]

يالله القفاء حمال يابو محمد ههههههههه

استفزينا العود لكن شكله ماكان له هوى

شكرا منصور على النقل

والشكر لاخواننا الافاضل

الذين مروا وسيمرون

من هنا

فائق الاحترام

[ماجد المهدي]

صح لسانكم ياالمري ويا فلاح

والله كان ودي اشاركم لكن تدرون الدنيا واشغالها فاتح المنتدى واشتغل

لا هنتوا

تحياتي

[الطامي]

جميع من مر ويمر هنا
شكرا لكما مقدما ومؤخرا
ولاهنتو

صح الله لسانكم وعلا شانكم

والله انكم ماخليتوا احد تبونة يطب الملعب

لكن الله فكهم من عواصيفكم ...

والله انكم ماااقصرتوا

[الطامي]

شكرا لكم جميعا
على المرورو والتعليقات
ولاهنتو

[القعود]

وفقك الله
على ما خطت اناملك
تحياتي