بالعالم الثالث بعصر الحضاره

[الطائر المهاجر]

بالعالم الثالث بعصر الحضاره = الخلق تتحول عبيد وخدام
اجساد دون ارواح تهوى الطراره=تدور فتات من حرامي ونهام
كل يبيع اللي وجد في جساره= دين ومبادي واللحم معه ايدام
وكل يبي ياصل بخبث وشطاره= بكذب ونفاق في قناوات الاعلام
ياصل حديهم فوق ببلا جداره= كلما يبي تكسي يوصله قدام
واللي بلا تكسي حياته خساره= تدبغه شمس القيظ لو كان ضرغام
لو كان ذيبٍ مالقى له مغاره= شريد في بره تطارده الاغنام
يشيب راس الحر خطر انفجاره=من كثر ماعانى من هموم واسقام
وامراض تفرس به تزيد انهياره= سكر وضغط وغيرها كنها الغام
يحس في قلبه لهيب المراره= مما يشوفه من تصاريف الايام
كاف وكاف وبوم واهل الخكاره=تمكنت في وقت للحر سوام
احدٍ فقير وجايع بانكساره = واحدٍ بكرشه متخم مثل الانعام
من وين ماتمشي فساد وحقاره= تخلي حليم القوم بنصاب بفصام
العدل لامن اختفى كالشراره= ياسرع ما تكبر وذا الخلق نيام
والحق لامن ضاع هذي اشاره= ان الوقت فاسد وللخلق ظلام
تموت ما حصلت حق بمساره= من موعد لآخر مدى شهور واعوام
حتى تمل وتتركه وافتكاره = واللي اخذ حقك معه "واو" لطام
عصابة الباطل بدين الستاره= لا تنخدع فيها ترى كلها اجرام
ما كل لحيه تستحق الوقاره= ولا كل من تفتف بداخله اسلام

[نجم الإبداع]

ياساتر

صح لسانك يبو عبدالله

ولو خليت خربت

لاهنت

[داعي الشوق]

صح لسانك بو عبدالله و طاب حالك
و الله يصلح الحال

جزل و مبدع ولاهنت

[منيع]

هون عليك وماتنلام
مبدع وجزل
شكرا لك
تحياتي

[حي الضمير]

صح لسااانك وفكرك
ابدعت وعوايدك ياعلم

[الطامي]

ياسلام قول صحيح
صح السانك ملايين
ابدعت في ما قلت لافض فوك
شكرا لك

[عيد مشعل]

الله الله

ابداع وامتاع

كتبت وابدعت


لله درك

ياطائرنا الشجي



تحيتي لك

[هترل]

صح لسانك يابو عبدالله مليارات
جزله ومن راس جزل لاعدمناك
ودي

[بنت النور]

الله الله ياشاعر الفطاحله
صح قوله ولسانك يعطيك
العافيه مليون مايكفون
تخياتي لسموك

[حرف وشعر]

والحـق لامــن ضــاع هــذي اشــارهان الـوقـت فـاســد وللـخـلـق ظـــلام
تمـوت مــا حصـلـت حــق بمـسـارهمن موعد لآخر مدى شهور واعوام
صح الله السانك ماقصرت ،،