أمير العشق

[مجدي صالح المبارك]

بسم الله الرحمن الرحيم

من الإرشيف الذي لم يظهر الا للفطاحل مع عميق العذر لطول الغياب , ارجو ان تنال جزء من استحسانكم ولكم فائق الإحترام

ورجع هالقلب يعشق من جديد=بعد ماهدته كثر الجراح
بدا يحيا ونبضاته تزيد=طوى في رعشته كل اللي راح
كأنه ما نذبح منه الوريد=و ترنح في وسط دمه وطاح
كأنه ماسهر ليله شريد=ومن همه شموخ الذيب صاح
غريبه هالقلوب اللي تقيد=شموع الحب في جوف الرياح
غريب انسى بعد ماقسى واريد=اعالج طعنتي بنصل الرماح
أمير العشق واشواقي عبيد=تنوح ولو عتقها الموت لاح
يعذبها وتبي منه المزيد=واذا أخطا تبي منه السماح

[عبدالله راشد الثويني]

الغالي / مجدي صالح المبارك
شاعر جزززل ومتمكن بكل حالاتك
صح لسانك مليون ولا يكفون ، كفييت ووفيت يالغالي
وعساك ع القوه
تقبل وُدي طامعين بجديدك

مجدي المباارك

صح السااانك

قصيده طيبه

سلمت

[سعد الشقحاء]

صح لسانك
واعتلا شانك

[زهرة اللوتس]

مجدي المبارك
سلمت وسلم فكرك
جزلة من شاعر جزل
لاهنت وبيض الله وجهك
تحياتي

زهرة

[رفيعة الشان]

شاعرنا الأخ المبارك
صح لسانك عالقصيدة

ولااهنت

[محمد عبدالله البدراني]

مجدي المبارك

سلمه الله



ماشاءالله عليك هذي من الارشيف بعد


والله انك مبدددع

كأنـه ماسهـر ليلـه شريـد
ومن همه شموخ الذيب صاح


الذيب صاح


ياسلام عليك


ماقول غير صح السانك


وعلا شانك



تحيتي وتقديري

[سناعيس]

صح لسانك يا أخ مجدي
قصيدة رائعه
والحمدلله على السلامه

لاهنت


تحياتي

[مبروك بن ماضي]

الاخ الفاضل:
الشاعر / مجدي المبارك
قصيده في غاية الروعه
صح نبضك وبوحك
ولاعدمناك

[ام العمده]

مجدي صح لسانك واعتلااا شانك لاهان راسك ابدعت دمت بخير