شعاع الغروب

[محمد بن عمار]

السلام عليكم
الشقاء والجديد
مع ثاني ايام العيد
لبياض قلوبكم

شعاع الغروب

ريم ياللي تثنى مع شعاع الغروب = تنسج خيوطها ساعة حلول الظلام
حاكت أكفان قلب ٍ في هواها يذوب = أعلنت إحتضاره ، نظرةٍ وإبتسام
من جمال ٍ تلامس به شغاف القلوب = يردي العاشق اللي ضالع ٍ بالهيام
قلت أنا وش مرامك يالغزال اللعوب = قال أنت الذي لي فيك شفّ ومرام
إشتعل وسط صدري مثل نار الشبوب = تصهر الجوف وذابت من لهبها العظام
ياشقا الروح حسنك للمشاعر نهوب = ينهب العقل لحظة غفلته ، بإقتحام
مابكل ٍ ولو راقت ، لعيني تنوب = الغلا منغرس في القلب غرس السهام
وماهقيت إن قلبي عقب هذا يتوب = كلما أنهاه قال ، الحب ماهو حرام
ومن يقول الغلا مبني بساس ٍ وطوب = جاهل ٍ في مواجيب الهوى والغرام
أو يقول إن قلب ٍ مهتويك امغصوب = أشهد إنه غشيم ٍ من سلايل غشام
آآآآآه ياوقتي اللي ، في مهب الهبوب = طار مثل الحلوم اللي تجي بالمنام
دام حظي رماني وسط هاك الدروب = غير دربك ، بيلحقني عتاب وملام
كل هرج ٍ أقوله لك عليّ امحسوب = وعن مفاتن وصوفك ، قاصر ٍ الكلام
كامله بالمحاسن ،، ما حوتك العيوب = خصك الله بكل الزين ، دون الأنام
ومن يظن إبتعادي عن طريقك هروب = فالحقيقة ،، عقب هذا عليه السلام
وكان هالماء إلى أصبح وسط كاسه يروب = فالحكي بيفيد أهل العقول السقام

محمد بن عمار - 12/12/ 1431 هـ

[منيع]

ياسلام عليك
ياابن عمار
ابداع وتميز وقلب متجدد الحب والعذوبه
تحياتي

[ماجد الراشد الهيري]

صح لسانك يابو عمار لاهنت يابعدي جزله من راس جزل

[داعي الشوق]

يا سلام عليك يا بو عبدالعزيز

عزالله انها قصيدة وافية من وافي

من افضل القصائد اللي قرأت ،

وليس غريب ،، دام شاعرها ابن عمار

صح لساانك مليوون

ولاهنت

**************

[عبدالله راشد الثويني]

ابو عمار وإبداع مستمر دائماً ماتطربنا بأطلالتك الراقيـــــه
صح قلبك يابعدي ولا هنت ولا هان مغليك
وكل عام وانت بصحه وسلامـه وعساك من عواده
تقبـّـل تحيتي

[عبدالعزيز العمار]

ابن العم محمد بن عمار

صح لسانك وفكرك ونظمك

قصيدة جديده وأسلوب جميل وجديد في الغزل

لله درك من شاعر غزير المشاعر ..

كل عام وانت بخير وعساك من عواده

تحيتي وتقديري

[حوريه]

أبيآت رآئعه
وذآئقه أروع

سلم لنا حرفك وابداااعك

[الـزلـزال]

محمد بن عمار

لا جديد سوى تميز يتلوه تميز

هذا أنت شاعرنا دائمآ رائع وجميل في كل ماتقدمه

دمت بكل الحب ودام لنا حرفك الراقي المميز

صح لسانك ملايين ملايين

ولك فائق تحياتي وتقديري

[الطائر المهاجر]

كتبت فأبدعت واجزلت
صح لسانك ولا هنت
تحياتي الطيبة

[طلال البدور الشهراني]

صح لسانك لاهنت