زمان اول

[عايض ابوشيبه]

قصيده ارشيفيه اطرحها بين ايديكم

صحيح الوالدين ودورهم في ها الزمن مطلوب=زمان اول تغير كلنا لاشك ندريبه
زمان اول زمان الطيب والعفه بلا عذروب=وله دربن وحيد وكلنا ناثق ونمشيبه
على نهج الأبو نهج الولد وبمشيته محسوب=اخذ منه الصفات الكامله والصدق والطيبه
يجيك الشاب من صغره شجاع ويعرف الماجوب=مدامه في زمانن مايعرف الشك والريبه
زمانن بالتكاتف مادخل في عالم الحاسوب=زمانن قل فيه اهل الحسد والكذب والغيبه
زمانن بالرخا والمدح للي عاش به منسوب=زمان الطيب واهل الطيب تصبح به وتمسيبه
زمانن راح وقته مابقى الا ذكره المكتوب=على ظهر الكتب نقراء حروفن من تعاجيبه
دخلنا في زمانن تخترع من وجهه المشحوب=زمانن ينخدع فيه الضعيف وصعب يمشيبه
زمان العنف والقسوه زمان اتموت فيه اقلوب=زمانن بالقساء والظلم تتعدد اساليبه
زمانن فيه ناسن فاهمين الطيب بالمقلوب=تحصل من يظن الطيب في تنويع اكاذيبه
زمان فيه ماتعرف من الطالب من المطلوب=ولا تعرف من اللي يطلبك وشهي مطاليبه
زمان العولمه والشوشره فيه الطمع محبوب=زمانن من عيوبن فيه ماتصفى مشاريبه
الا يالله ترجع للزمان اللي رحل محبوب=وتاخذ هالزمان اللي سقوه الغدر والغيبه

[حي الضمير]

الله واكبر ياعايض ابدعت حيل بهذا النص الرائع والمميز
والحقيقة من اجمل ماقرأت في الفطاحل
لله درك ومدد صح لسااااااانك

[حوريه]

على نهج الأبو نهج الولـد وبمشيتـه محسـوب
اخذ منه الصفات الكاملـه والصـدق والطيبـه
يجيك الشاب من صغره شجاع ويعرف الماجوب
مدامه في زمانـن مايعـرف الشـك والريبـه

الله يهدي الجميع
وعسى ربي يعيننا على بر والدينا
والله يرحم زمان أول

صح قلبك ياعايض
جزله من شاعر جزل
دمت ودااام حرفك
.

[عبدالله مذكر العقيلي]

اشهد بالله انك شاعر كبير

الله لايهينك

وبيض الله وجهك

وصح لسانك مليار


ابداع بلاحدود


سجل اعجابي الشديد



تحياتي لك

[ناصر عبيد الهواوي]

الله يحفظك ياعايض كم تعضنا وترشدنا
وتوضح لنا وبشتى الاساليب ولكن لاحياة لمن تنادي
جزاك الله كل خير
الروعة في القصيد سبكا ومعنى وايقاع وكاملة من جميع النواحي
تحاتي وتقديرب واعجابي اللا محدود بمنهجك

[نجم الإبداع]

ارحب ياعايض

وصح لسانك على المصافحه الجزله

ابدعت ياشاعر

لاهنت

تقبل مروري

وتقديري

[عدنان كريزم]

يجيك الشاب من صغره شجاع ويعرف الماجوب
مدامه في زمانـن مايعـرف الشـك والريبـه



فعلا نص يعتبر قمه


صح لسانك

ولا هنت

[الطائر المهاجر]

سلمت وصح فكرك ومنطوقك
نعم فوارق واضحه من شاعر مخضرم
جسدها بكل اقتدار
لاهنت يالغالي
تحياتي الطيبة

[زهرة اللوتس]

الشاعر عايض ابو شيبة
سلمت وسلم منطوقك
جزلة من شاعر جزل
لاهنت وبيض الله وجهك
تحية طيبة

[طلال سويعد]

سلم بوحك وسلمت اناملك

صح لسانك مليوووووون


تقبل

اجمل امنياتي