عفوا حبيبى

[حرف وشعر]

ماعاد لك فى خاطرى ود واعتاب= دام المشاعر فى جنابك توّفت
ونهر(ن) جرى لك وارتوت منّه اهضاب= امحل وبعده كل لهضاب جفّت
ليت الذى جاب الهوى فيك ماجاب=وليت العيون اللى شافتك عنك عفّت
اقدار مكتوبه مع الوقت بكتاب=واقدار ربى حاصله لو تخفّت
واليوم انا ودعت حبك على الباب=والنفس عن ذيك الجهالات كفّت
سرت بغرامى فيك اركض وانا شاب=واحمل احمولك عنك ثقلت وخفّت
واروح انا لك فى مراضيك طلاب=واسوق عمرى سوق لك ماتلفّت
وان هل دمعك من على الخد سكاب=ماجف دمعى لين دمعتك جفّت
واسهر معك وانسى معك كل لحباب=واسمر معك ليل(ن) به الروح شفّت
واحفظ لك اعهود ومواثيق واكتاب=واوفى معك لو عنّك الناس جفّت
واليوم تجزانى بلا جرم واسباب=من بعد ماريح الجفا فيك سفّت
تعال وانظر جرحك اليوم ماطاب=يوم اطعنتنى فيه كفك ووفت
عفوا حبيبى مابعد باقى اعتاب=مشكور انا نفسى ترى عنك عفّت

[الطائر المهاجر]

كتبت فأبدعت واجزلت
صح لسانك ولا هنت
تحياتي الطيبة

[عبدالإله]

امتعتنا بهذه الرائعه
صح السانك الوف
دمت بمودة يا رائع

[نجم الإبداع]

طيب طيب

صح لسانك يامحمد

شاعر جزل

لاهنت

[داعي الشوق]

تعال و انظر جرحك .. الحاء غابت عن الكلمه ..

و صح لسانك و حرفك حرف و شعر

شاعر مبدع و جزل و هواوي

لاهنت و الله يعينك على محبوبك

[الوقداني]

كم انت مبدع
صح لسانك
مدد بلا عدد
لاهنت يالغالي
تحياتي واجلالي

[حرف وشعر]

المشاركة الأصلية كتبت بواسطة الطائر المهاجر

كتبت فأبدعت واجزلت
صح لسانك ولا هنت
تحياتي الطيبة

شكرا لمرورك ياكبيرنا

ولاهنت ،،

[منيع]

ياسلام عليك
مبدع ورائع
شكرا لك
تحياتي

[حرف وشعر]

المشاركة الأصلية كتبت بواسطة عبدالإله

امتعتنا بهذه الرائعه
صح السانك الوف
دمت بمودة يا رائع

شكرا لمرورك الكريم ،،

[حرف وشعر]

المشاركة الأصلية كتبت بواسطة نجم الإبداع

طيب طيب

صح لسانك يامحمد

شاعر جزل

لاهنت

صح ربى كلك يابومحمد وشكرا لمرورك الكريم

لاخليت ،،