محاوره بين سعودي واجنبي في الأسهم

[الجارح]

" السعودي "

يا مرحبا بالاجنبي يوم شرف =في سوقنا طب وتخير تصرف
عندك رقم سري وعندك معرف =والسوق زين وكل مطرود ملحوق

" الاجنبي "

امي تقول ابعد عن اهل الدسايس =وانته نفر مزبوط مررررة ونايس
رواتبك بتضيع في سوق خايس =والسوق زين وكل مطرود ملحوق

" السعودي "

بكرة بعد تشري ولا حد يغشك =وتشوف شغالة كفيلك ترشك
ومن بعدها يا طير ترجع لعشك=والسوق زين وكل مطرود ملحوق

" الاجنبي "

لي عندكم عامين رابط معاشي =ان كنت شايفني بعينك ولاشي
ابشتري سابك وارش المواشي =والسوق زين وكل مطرود ملحوق

" السعودي "

حتى ولو كانت قروشك شوية =جبنا لك الاسعار مثل الهدية
نخاف لا ترفع علينا قضية =والسوق زين وكل مطرود ملحوق

" الاجنبي "

صحيح لكن الرخيصة رخيصة =لا تدخلونا في مشاكل عويصة
اللي غشيم تبيعونه قميصه =والسوق زين وكل مطرود ملحوق

" السعودي "

الوقت ماهو وقت تحليل فني =يا الشيخ بن كومار خيبت ضني
لا تسحب لساني ولا تمتحني =والسوق زين وكل مطرود ملحوق
والله لو ما اخاف يقطع لساني =لا اقول عما صار واظهر جناني
يوم الخميس في اخر اربع ثواني =والسوق زين وكل مطرود ملحوق

" السعودي "

ان كان تبغى العافية والسلامة =وتعود عند اهلك بثوب وعمامه
ابعد عن الموضوع عيش بكرامة =والسوق زين وكل مطرود ملحوق

" الاجنبي "

هذا موشر لازم يقفل اخضر =والشركات الثانية تنزل اكثر
حتى تتوب ويصبح نهارك اغبر =والسوق زين وكل مطرود ملحوق

" هذه القصيدة منقوله "

[الريم]

حلووووه

صح لساانه صاحبها

يعطيك العافيه اخوي الجارح على النقل

[سناعيس]

أخي الجارح

نقل جميل تشكر عليه كل الشكر

لمحاورة فكاهيه رائعه

تحياتي

ان كان تبغى العافيـة والسلامـة
وتعود عند اهلك بثوب وعمامـه

ابعد عن الموضوع عيش بكرامة
والسوق زين وكل مطرود ملحوق
ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ ـــــــــــ
صح لسانك اخوي الجارح ......
راح نقول لاتدخل للاجنبي الضعيف الي يستنى راتبه بافارغ الصبر عشان يرسله لعياله يعيشون
ونقول ادخل للاجنبي الي لاعب باديرتنا وماكل دراهمنا ....من غير حمد ولا شكر ...على الاقل عشان ترفع مؤشرنا

[أم ريما]

هههههه والله حلووووه


يعطيك العافيه على النقل المميز والجميل


تحياتي لك

[ابو زياد]

يعطيك العافية على هالنقل الحلو
تسلم يالجارح

[السريع]

بارك الله فيك
جميل ما قرأته
تحياتي

[المؤذن]

مشكور
على ما افدتنا به
تحياتي

[طويق]

مشكور
على ما افدتنا به
تحياتي

[نديم الحيارى]

بارك الله فيك
كتبت فقرأت فاستفدنا
تحياتي واحترامي