الميدان ياحميدان

[الطائر المهاجر]

اللي وده بمحاوره هادفه نناقش فيها ما ينبغي أن تكون المحاورة عليه ،
بعيدا عن المهاترات ورفع الضغط ، والمزح الرازح ... الخ من الأساليب التي
الكل يلاحظ أنها من سلبيات المحاورة .... فليتفضل ...

من يظن المحاور مهاوشٍ وطردي = ماعرف وش هدفها ولا درى بالمرام
المحاور نقاشٍ هادف يا بعدي = يوقظ اللي خلي ومن ركن للمنام

[نسناس الهوى]

الحقيقه ابونا مايجيب الردي = يازن الهرج كلمه مابعدها ملام
فالمحاور منافع كل ما يسردي = فأطرق البيت وغنّه في علوّ المقام

[نجم الإبداع]

يالذي طول عمرك تطرد المبعدي = صدّق انا معك حسب الطلب بانتظام
ماختلفنا وحبل الوصل عاده ندي = هات فكرك ولك منا الوفاء واحترام

[الطائر المهاجر]

آتحسف على رجال بهم مقصدي= لا بدوا بالتحيه والحقوها السلام
ما دروا ويش تعني وابتدوا برجدي = كل واحد يظنه عنترٍ في المقام
لو تحاول تهدّي كود هو يهتدي= قال هذا ضعيّف وانفرط بالشتام
ولا كربته يقول امزح ولاني ردي= مثل هذا فخلّه شريتك له حرام

بعضهم لا خسرته جاك يعدي عدي=دام حبل الموده دام ولا مدام
أفرح ليا لفاني بالنصائح سدي=شاعر من فعوله قبل يبدا الكلام
ما عقد فالثريا ولا عقد فالجدي=ناصحي بالعبادة في صلاة وصيام
لك قدر ومكانه يالشجيع الندي=قلتها قلتهالك والسلام الختام

مساكم الله بالخير


وصحت السنة الجميع

قاف ومعنى

لاهنتوا يالقروم


لي عودة ان شاءالله لمشاركتكم


مودتي وتقديري

[ابو زياد]

ياهلا والنصايح جابها مسندي=يوم جتنا المشورة يوجب الالتزام
النصايح منايح خذبها تسعدي=واترك الجهل وترك درب كله عتام
وارسل اللي يسرك لو يجيلك غدي=واترك اللي يحطك موضع الاتهام

[نجم الإبداع]

اشهد انك وسيع الجال كنك عدي = شايل الحمل والآمال فوق الغمام
قلبك ابيض وبعض الناس قلبه صدي = من يشابهك يادكتور بين الانام
علم الجاهل انت الي لنا مرشدي = من علومك وفكرك جُد بها لاتنام
كل وادي مشينا به فكاهه ودي = سير الملحمه بالود والابتسام

[سـعـد الحويماني]

كلام ومعنى جميل وهدف سامي

بينوا ماتبونه والبساط أحمدي = لاتحطونها بين اللحم والعظام
خابرين الظمايا يوم تارد مدي = تكسر الحوض ماحطوا عليها ملام
بوصله حددي يابوصله حددي = واجبات المؤذن في حضور الامام
والله ان الملاعب مايجيها الردي = من برك للحموله يرتكي للجسام
قلتها والله اللي خابر ٍ مقصدي = مانحرم حلال ولا نحلل حرام

عموما أنا شخصيا لن اشترك في محاورة لايكون المقابل من النوع الذي يعرف معنى المحاورة ولديه الاستعداد للتحمل وقبول مايرد فيها بصدر رحب ماعدا مايمس الشرف والكرامه , ولنفترض انك دخلت في محاورة ميدانية حقيقية وامام الجمهور فما هو موقفك مما قد يورده خصمك من عبارات قد لاتعجبك ؟ انظروا الى كبار شعراء المحاورة وما يكون بينهم ومع ذلك فلا زعل ولاهم يحزنون , مجرد رأي ليس الا ..
تحياتي للجميـــــــــــــــــــــــــ ـــــــــــع ....