الصمت لو قيل حكمه..لا صرت في امن

[الطائر المهاجر]

الصمت لو قد قيل من قبل حكمه = فالنصح في بعض المواجيب مطلوب
وكلمه بلا ميزان تاتيك نقمه = وكلمه بدرب الحق تنجي من ذنوب
وما كل حقٍ حق تدري بفهمه= فاحذر خداع الوهم لا تقربه نوب
اوزن بعقلٍ راجح دوم سهمه= وخل العواطف لا تجي لك على دروب
ولا تستمع للي تعالى برجمه = وعقله صغير والفكر فيه معطوب
ولا تحتقر للي تصاغر لحجمه= وعقله كبير في المهمات محسوب
لا صرت في امن وامانٍ فنعمه= ولو شفت ماكدرك من وضع مقلوب
الناس غير الناس والدرب زحمه= وصعبٍ تميّز بين صاحي ومجذوب
سم الحضاره واضح اليوم وسمه= اثر ببعض الناس في كل اسلوب
صاروا عبيد القرش يحيون لاسمه= لا الدين يردعهم ولا السلَم مرغوب
بالفشخره والكذب صيبوا بتخمه= انفس مريضه والعقل صار مشطوب
عقول صغيره في جسامين ضخمه= تهوى التبطح والتلذذ بمشروب
ولا قصرت دنيا احدهم بزعمه = يصيح انا ياناس في الحق مغلوب
يبي يتنعم دون جهدٍ وهمه = ولا هوب كفو يقوم بايات ماجوب
ويمكن يخاوي من تطاول بشتمه = مايدري انه للمعادين مندوب
من بعد فقرٍ كان يذكره عمه = زادت طموحاته على غير منسوب
الله عطاك العقل فاشكر لنعمه= والله عطاك الأمن ما اصبحت مسلوب
والعاقل اللي نظرته دوم قدمه= ما هوب مع شقرا الى الوهم مجذوب
والمجتمع بالفرد يعلي لنجمه= ومن قال مالي شغل فالفكر مثقوب
ولو كل واحد قام وادّى لقسمه = ان كان صرنا فوق في عالي رتوب

[داعي الشوق]

صح لسانك يالطائر

دائما مبدع و صاحب موقف رائع

صح لسانك مليوووووووون

ولا يكفوون

مع التحية لك

و لاهنت

،،،،،،،،،،،،،،،

[سعود المحجان]

لله درك يادكتور


نص زاخر بالمعاني والنصح

والله احترت في كل بيت اختاره فكلها رااااائعه


تحياتي لك يادكتور

[عبدالكريم العياش]

الاخ الشاعر الاجتماعي الكبير الطائر المهاجر
صح لسانك على تلك القصيده التي حوت الكثير من الحكم
والنصح غير المباشر كعادتك في نهجك للسهل الممتنع
تقبل تقديري

[ترانيم المطر]

لله درك ولا هنت

شاعر مميز

وقصيده تستحق الإحتفاء

تقبل من التحيه أغلاها

ودمت بود

[عايد ربيع الحويطي]

الشعر الفذ
الطائر المهاجر

صح لسانك

على هذه الرائعه
المليئه بالحكمه

[حوريه]

قصيده جميله و هادفه

غنيه بالنصح والأرشاد

صح قلبك ودام حرفك طائرنا

دمت بكل خير

000

[الـزلـزال]

الله عطـاك العقـل فاشكـر لنعمـه=والله عطاك الأمن ما اصبحت مسلوب
والعاقـل اللـي نظرتـه دوم قدمـه=ما هوب مع شقرا الى الوهم مجـذوب

الطائر المهاجر
قصيده متقنه وجزله
من شاعر تعودنا منه تقديم كل مايليق
شاهدنا حكم ونصح صاغها شاعرها بكل تمكن وجزاله
مبدع طائرنا وممتع في كل ماتقدمه
حلق ولنا الأستمتاع بتحليقك الشعري
صح لسانك ملايين ملايين
ولك فائق تحياتي وتقديري

[نفحات حساسة]

صح السانك.. ولاهنت
رائعه..يعطيك العافيه
تحياتى لك..

[مهدي الحبابي]

أخوي ابو عبدالله

صح لسانك واعتلا شانك

رايعه ووافيه من وافي

تقبل احترامي وتقديري