هب الهواء

[متعب المينيح]

هب الهواى يا ما حلا هبوبه=في ليلةٍ نور القمر سواها
يسكربها العاشق ودوبه دوبه=من سكرته حس الهوى ماخطاها
سكرة غلا محبوكةٍ مطروبه=ايقاعها همسي وهمس خطاها
ذيك الغزال الناعس الحبوبه=مزيونهٍ مغرورةٍ بصباها
بيضا بحمار أنويعمه دبدوبه=مثل الجنيه وربها سواها
فيها حيا فطره وفيها اعذوبه=اتحمر الوجنات من حياها
من ناظرة با العين جاته حوبه=ضريبةٍ رب الملا مانجاها
ومن الغنج قلبي لها لعبوبه=كنه خرز سبحة وفي يمناها
المبتلي فيها يا كثر اذنوبه=كم معصية كم معصية وطاها
فا الراس نار وفا الحشاء لاهوبه=والحدب لاضي شوقها يصلاها
قولولها والله ما قول التوبه=والله ينساء قلبي ان نساها
ماجوز دام ايامنا محسوبه=ماجوز حتى لو ماطول حماها
اعجوبه اعجوبه إلا اعجوبه =اعجوبةٍ ربي لنا هياها
هلهل هلا هلهل هلا هلوبه=بين المحاني حملته وطاها
يقلط ويطفي ناره المشبوبه=وعروش قلب المبتلي يرقاها
القلب ملكه والعروق دروبه=وكل الخفوق وما حواء يفدها
من وين ما وجه وفكري صوبه=والد عيني والتفت والقاها
غرشوبةٍ ملويةٍ مذهوبه=اقلوب خلق الله غصب تالاها
منكوب به مع عالم منكوبه=والناس مع نكباتها تهواها
يالله تلطف به تغفر اذنوبه=الي مضت والمقبله ترفاها
ذيك الغزال الناعس الحبوبه=مثل الجنيه وربها سواها

[الطائر المهاجر]

صح لسانك واعتلى شأنك يامتعب
جزالة وجمال وعذوبة من شاعر كبير
لاهان راسك يالغالي
تحياتي الطيبة

[صوت الإحساس]

القصيدة كامله لوحة فنية




وبريشة مبدع




من تخصص الكبار




لكن هنا




يقـلـط ويطـفـي نــاره المشبـوبـه
وعـروش قلـب المبتلـي يرقـاهـا
القلـب ملكـه والـعـروق دروبــه
وكـل الخفـوق ومـا حـواء يفدهـا
من وين ما وجه وفكـري صوبـه
والــد عيـنـي والـتـفـت والـقـاهـا





يتجلى الإلهام


ونتعلم من الكبار



كيف نصنع



من مجرد حروف



الروعة والجمال




تشرفت بالمرور من هنا من أمام هذه الفاتنه

[متعب المينيح]

المشاركة الأصلية كتبت بواسطة الطائر المهاجر

صح لسانك واعتلى شأنك يامتعب
جزالة وجمال وعذوبة من شاعر كبير
لاهان راسك يالغالي
تحياتي الطيبة

لاهنت ولاهان راسك




على المرور العذب



احترامي وتقديري

[الطامي]

متعب المنيح
صح السانك وبنانك
ولاهنت يالغالي

[علي محمد العتيبي]

يالله تلـطـف بــه تـغـفـر اذنـوبــه
الــي مـضـت والمقبـلـه ترفـاهـا
ذيـك الغـزال النـاعـس الحبـوبـه
مـثـل الجـنـيـه وربـهــا سـواهــا


ياسلام عليك يامتعب

ابداع وامتاع

وحبك وسبك

قصيده كايفه


لله درك من رائع


صح لسانك لين ترضى


اعجابي واحترامي

متعب

صح لسانك ولاهنت

ابيات عذبه الله يعافيك

تحياتي

بصراحه أبداع بلاحدود ,,, تسلم يدينك

وصح لسانك

ألف شكر لك ولي شرف بطلتي هنا وأستمتاعي

بشعرك ومهما وصفت لن أوفيك

للأمام أخي ,,, وبالتوفيق لك

دمتي مبدعه يالغاليه

[متعب المينيح]

المشاركة الأصلية كتبت بواسطة علي بن مساعد الغامدي

القصيدة كامله لوحة فنية




وبريشة مبدع




من تخصص الكبار




لكن هنا




يقـلـط ويطـفـي نــاره المشبـوبـه
وعـروش قلـب المبتلـي يرقـاهـا
القلـب ملكـه والـعـروق دروبــه
وكـل الخفـوق ومـا حـواء يفدهـا
من وين ما وجه وفكـري صوبـه
والــد عيـنـي والـتـفـت والـقـاهـا





يتجلى الإلهام


ونتعلم من الكبار



كيف نصنع



من مجرد حروف



الروعة والجمال




تشرفت بالمرور من هنا من أمام هذه الفاتنه

هلا ومليون هلا


با العزيز العالي لاهنت على المرور ولاطراء الجميل الذي لا استحقه




تقبل اجمل تحية

[فيصل]

كلمااات قمه في الروووعه

دام لنا حرفك الرائع الراقى