لاتذرف دموعك على جال قبري

[احمد الجريفاني]

شفتك معه تمشون بالسوق واغضيت=وذكرت حب بيننا كان عذري
والله لو تدرين وش عقب سويت=ما طاوعك قلبك على شيل وزري
انتم تعديتوا وانا ما تعديت=عجزت اسير وضاقت الارض حدري
انتي حسبتيني نسيتك وقفيت=وانا همومي ثايرات بصدري
عادت بي الذكرى لوقت تناسيت=يوم ان حبك داخل القلب يسري
ايام فيها حبنا عالي الصيت=لا واحسايف حبنا ضاع هدري
نسيت وقت فيه تفتح لي البيت=وتبدأ تهللي يا بعد كل عمري
نسيت قولك يا بعد حيِّ و ميت=عاهد واعاهد لا يجي منك غدري
ومديت لك يمناي واقسمت واثنيت=اني ما خونك وانت بالحال تدري
وعاهدتني واخلفت وانكرت واشقيت=وانا احسب انك عارفٍ ويش قدري
يا ما على بالي ودنياي عزيت=وياما فديتك باجمل ابيات شعري
ياما من ابيات الغزل فيك حطيت=اصور انك ناوي يوم هجري
ظني صدق جاني خبر ويش سويت=انت برضاك اظلمت فجرك وفجري
لا تعتذر وش فايده لو ترضيت=عمر الهوى لا فات ما فيه بدري
ولا تبدي دموعي الندم والتناهيت=وانت السبب باللي جرى لك ويجري
كان انت مستانس انا ما تهنيت=يشهد على شكواي دمعي وسهري
وان كان حظك جاب لك ما تمنيت=انا حظيظ بزود حلمي وصبري
يللي على حبِّ عزيز تعاليت=لا تذرف دموعك على جال قبري

[الذيب الذيب]

صح لسانك على هذه الدرر تحياتي لك

[الطائر المهاجر]

وان كان حظك جاب لك مـا تمنيـت
انا حظيظ بـزود حلمـي وصبـري
بيت غير مسبوق في ابداعه
صح لسانك
ولاهنت
تحياتي

[ابو أنس]

الفاضل احمد الجريفاني..................... .
بوح عذب وتصوير راقي بجمل تحمل كل الدلائل المعبره
جميلة ومطربة وممعبره الى حد كبير
سعدت كثيرا بتردادها وتنغيمها
تحيتي وودي

[الطامي]

الجريفاني
صح صح صح السانك ملايين
كانك تقولها على لساني لافض فوك
جزلة ومميزه
لاهنت

[حوريه]

وان كان حظك جاب لك مـا تمنيـت
انا حظيظ بـزود حلمـي وصبـري


قصيده جميله لا يمل من قرأتها

أحمد .. تسلم ويسلم نيضك

دمت بكل خير
0

[داعي الشوق]

[احمد الجريفاني]

الغالي عايض البشري شكرا يا الذيب

[سناعيس]

اخلاص الى مالا نهايه
صح لسانك ولله درك يالجريفاني
لاهنت


تحياتي

[منيع]

كل الروعة والجمال
بارك الله فيكم
تحياتي