|
همس القوافي للشعر النبطي قصائد من إبداع شعراء الفطاحلة لم يمضي عليها اكثر من سنه |
![]() |
|
أدوات الموضوع |
![]() |
رقم المشاركة : 1 | ||
|
غابت الجوزا وفزّ الليل في قلب المعنّى =والقمر ماكنّ نوره غير شيب براس شايب
القنيب الي بصدر سهيل ياهو صوت ونّا = والليالي سرمديّة تهزم جيوش وكتايب يا قمر سلّم على عيون الاصيلة ذيك عنّا = قل لها روحي وقلبي والجسد سقم وعطايب لو تسنّالي اردّ الوقت ! لكن ما تسنّا = غلطة المؤمن بعشر آلاف من سود النوايب والله انّ الحبّ جبري في عيوني ما يكنّا = مثل نجم الصبح لا بانت ويلا غابت كرايب والله إن البعد آذاب العظم بي والقلب حنّا = مثل من قفّت حياته شوف عينه بالركايب وين من لا شفت عينه (نال قلبي ما تمنّا) = وين من لا بان وجهه يمتلي صدري سحايب ضحكته ، صدق الطفولة والطهر ، منه تحنّا = وطيبته ، ماكنه الا أعظم السبع العجايب والله ان قلبي تمنّا قربه ومعْه يْتهنّا = وذا خفوقي من فراقه صارت قصوره خرايب واوجودي وجد قيس الي خفت نوره وجنا= ما يلام الي عشق له مهرة ٍ تسوى قرايب وا حطام ضلوع من حظّه مع الغالي تدنا=واعذابه كل ماليله سدل شاف الحرايب الخلا منّا وبيدا والوحوش السود منّا = والفراغ الي يطوّقني ملا قلبي نكايب واوجودي وجد عود ٍ كل من حوله تفنّا = الاهل والمال والعزوه وفي صدره لهايب يالهنوف الي غلاها من دمي الصافي تبنّا =راسخ ٍ مثل الجبال البيض ماني منْه طايب (كن ما بالارض حيّ ٍ) يوم ايماني تدنّا = كل خلق الله حولي بس احسّ انْهم طلايب سامحيني ماقصدت اجرح شعورك لو بظنّا = من ندم قلبي تمنيت الفنا ماني بهايب العواصف في كنيني ضروسها تصر وتزنّا = والخيام تْشلّعت وسباعة البيداء نحايب آه من حر الجوى ونيران فقد ٍ يسعرنّا = والوقود الروح وضلوعي مثل جمر الحطايب الخناجر فیـّۓِ خفوقي منْك واحساسك تجنّا =سامح الله طعنتين ٍ تودع القلب النصايب ما تمنيت الفراق ولا بغيت انّه يسنّا = لكن الصبر ونهبته من عشيرك بالنهايب الوفاء براسي تسلطن فیـّۓِ خفوقي كم تغنّا = لين ما صارت عليّ عمامته ترخي الذوايب رح بمان الله يا اغلا حب ولا تحكي بأنّا = لا تقول انّا وكنّا صارت الدعوة نشايب واوجودي وجد من شاف القبور الي جْهزنّا = واقبلوله بالتعازي بعشرة اخوان وحبايب وش يعزيه بصوابه يوم حزنه ما تونّا =جمرة بقلبه تولّع منها نحور الهبايب اظلم الكون بعيونه والنجوم اتناثرنّا =كوّرت شمس الصباح وباكي الاشراق .. شايب } ليت قلبي لا تمنّا نال كل ماهو تمنّا =كان ماشبّ الوتين وكلّ ضلع ٍ بيّ ذايب |
||
![]() |
![]() |
رقم المشاركة : 2 | ||
|
واوجودي وجد من شاف القبـور الـي جْهزنّـا |
||
![]() |
![]() |
رقم المشاركة : 3 | ||
|
نص لايقوله الا عبقري |
||
![]() |
![]() |
رقم المشاركة : 4 | ||
|
الله الله عليك |
||
![]() |
![]() |
رقم المشاركة : 5 | ||
|
القمة+الابداع=ماجد |
||
![]() |
![]() |
رقم المشاركة : 6 | ||
|
الله الله |
||
![]() |
![]() |
رقم المشاركة : 7 | ||
|
|
||
![]() |
![]() |
رقم المشاركة : 8 | ||
|
كتبت فأبدعت واجزلت |
||
![]() |
![]() |
رقم المشاركة : 9 | ||
|
صح لسانك وفكرك ياماجد |
||
![]() |
![]() |
رقم المشاركة : 10 | ||
|
واوجودي وجد قيس الي خفـت نـوره وجنـا |
||
![]() |
![]() |
مواقع النشر (المفضلة) |
الذين يشاهدون محتوى الموضوع الآن : 3 ( الأعضاء 0 والزوار 3) | |
|
|
![]() |
||||
الموضوع | كاتب الموضوع | المنتدى | مشاركات | آخر مشاركة |
غابة المعمورة بالمغرب | همس الورد | سفر وسياحه ومعلومات جغرافيه | 19 | 15-12-2010 12:00 PM |
شمسنا غابت وعن ليلنا تاه الهلال | نجم الإبداع | همس القوافي للشعر النبطي | 45 | 16-04-2009 01:31 PM |