خيطي بيطي ( جابت لراعيها العيطي )

بسم الله الرحمن الرحيم

من الفرحة نسيت إني عليك البارحة زعلان=نسيت أقول لو تسمح تكرم لا تكلمني
أهلي بك مثل ما إنت تهلي بي وأنا الشفقان=أحس إني أنا الغلطان وفرصتك ما تعلمني
ذكرت إنك علي أخطيت لكن نعمة النسيان=تنسيني خطا الغالي وترجع له تسلمني
حبيبي ما تمكن داخل فؤادي ولا إنسان=ألومك يومك إنت أخطيت وإذا أخطيت أنا لمني
حبيبي لو يطول العمر أو يقصر أبد خلان=تراك إنت الوحيد اللي يشتتني ويلملمني
حبيبي دايم قلبي مشتاق لك ولهان=غيابك عن عيوني طول هالمدة يألمني

هذا ياطويلين العمر والسلامه والخوجلي وماطر والحقباني .. فيه واحد كثير النسيان
ومن كثر ماينسى سموه اهله ناسي (عجرم)آل فاهي >>>هادي عايلة كبيرة بالمره
زي ماعندكم مسلا عايلة آل الشيخ والقحطاني والعتيبي

المهم بيني وبينكم والكلام للجميع ولايدري احد
(صكوا الباب لاسمعتوا ذا الجمله
)ولاحديتوني على حلف ولانيب تساذب الاعليكم pb095

(ناسي) هذا.. ماسمي بها الاسم من فراغ ولايهمونكم اللي يقولون الاسماء لاتعلل
اجل فيه بزر ينسى لايطلع من بطن امه ؟؟
لا.. وماذكر الا يوم عطوا امه طلق صناعي !!
المشكله امه يوم عطوها الطلق الصناعي حست بان ودها تطرشpb101
اثرالخبل (ناسي) نسى وين دخل معه ..ويوم جا يطلع صار يرقى لفوق
يحسب إن الطلعه مع الفم (مايلام ..هالحين اي منشأة باب الدخول غير باب الخروج )
ولا طلع الا يوم شفطوه بمكنسة الكهرب >>> هذا اللي فاهمه من قولتهم شفطوا الجنين

(ناسي) يكثر من قولت ماعليش والله اني كنت ناسي
.قالت له امه مره : جب فقس جاب لها توكس ..هاشت عليه امه وقالت له اقول :فقس وتجيب توكس .
يالله رجعه وجب لي فقس .. (ناسي) رجع التوكس وجاب ببس بدال التوكس >>>>
اثر على الكاتب حسبي الله عليه وكتب توكس بدال الفقس

ومره طلبت منه زوجته يجيب لها من الصيدليه (أولويز ) pb094
( ناسي ) ماعرف ينطق ماطلبته زوجته منه...وطلب منها تبين له هذا الطلب وشوا علاج له ؟؟
وهل هو شراب ولا حبوب >> لا احسن قل تحميله بعد
و بين لزوجته انه انسان ينسى الاشياء اللي يعرفها .
فمن باب اولى انه ماراح يذكر اللي مايعرفها
بل كيف لو كانت اول مره يسمع بها

الزوجه استحت وترجمت له اطلب بالعربي وقالت: (أولويز ) هذا يعني فوط صحيه نسائيه

(ناسي) دخل الصيدليه ومعه واحد(ن) من اخوياه .. ولقى الدعوه زحمه.
وحب انه ياخذ غرضه ويطلع بسرعه (كلنا ذلك الرجل دايم مستعجلين على ايش ؟ ما ادري )
فما كان منه الاان قال للصيدلي وباعلى صوته : يادكتور بالله عطني فوط صحيه نسائيه
(لاوبعد فاتن هو وكشرته)
كل اللي حوله في الصيدلية صاروا يتلفتون على بعض مستغربين من هاللي يطلب هالطلب ولاعنده في احد .
حتى خويه اللي جاي معه طق اللطمه وابعد عنه تسنه مايعرفه:fash9:

الصيدلي سئل ناسي) عاوزها (باقنحه) ولا بدون ؟؟ .
(ناسي) رد عليه : لا بدون اجنحه لايطيرن ثم عاد من يمسكهن لنا
وعندما جاب الصيدلي (الغرض) وصار بين يديه
( ناسي) سئل الصيدلي : يادكتور هذا العلاج وش يداوي؟؟ ووشلون طريقة استعماله ؟ ؟
الصيدلي رد على (ناسي) : يابني روح الله يهديك (مهوما) اهلك عارفين كل حاقه !!
فحينها لم تتمالك الصيدليه نفسها ومن فيها ان لا وان إنفجرت ضحكا من هذا الموقف اللي صار
بعدها صاروا ربع (ناسي) يعيرونه ويلمزونه ويسخرون منه بعد هذا الموقف الذي حصل له >>تو الناس
وصاروا يعيرونه ب(أولويز) الفاهي

بعد هذا الموقف حصلت له مواقف كثيره >> خالصين منها
لكن للأسف انه صار ذكي ومعد يروح بأي احد معه حتى مايمسكونهاعليها ويفتك من التعليق اللي يجيه

وبينما هو على هذا الحال اذ طلبت زوجته منه ان يحضر لها من العطارين (خوى جوى )
(ناسي)كتب الطلب خوى جوى على ورقة حتى لاينساه اذا دخل على العطار

(ناسي) دخل العطار فوجد صاحب المحل يكلم بالتلفون
ويقول : لا اجل العلاج اللي عطيناك اياه قضى على السرطان تماما..
ويكلم عليه اخر ويرد عليه : الحمدلله اجل علاجي جاب نتيجه وحملتي .
.ومكالمات أخرة من هالنووع >>وش الجدا راس مالها يدق بجواله على الثابت ويرفعها تسنه يكلم احد

المحل كان مليء بالزبائن وغالبية هؤلاء الزبائن نساء مع القليل من الرجال
استمع (ناسي) لماتطلبه النساء من العطار
هذي تبي علاج تطويل الشعر.. وثانية تبي علاج تبييض الركب ..والاخرى تبي علاج تصفية البشره
ووحده معها (قويريره) وتنشد العطار : ياولد هالغريشه وشهي له ؟؟
والعطار يجاوبها بأنها خاصه بالرجال وانها لكذا وكذا (كلام مشفر )
فماكان من المرأه الا (وتنحز ) زوجها وتقول له: اشترها خل نشوف هم صادزين ولا ماعندهم سالفة !!!

ادخل( ناسي ) يده في جيبه لاخراج الورقة المكتوب فيها ماطلبته زوجته منه...
فتش وفتش ثم فتش وفتش.. واخرج جميع مافي جيبه ..بوك ..وخمة مفاتيح ..وجوال
وورقة تأمين صحن من مطعم غوزي اللي كان في الشفاء وقد سكر من خمس سنين
(ناسس) عندما وجد ورقة التأمين ضاق صدره وتسائل وش يسوي بها الورقه ؟؟
وتحسف على العشرين ريال اللي دفعها تأمين للصحن ..وأخذ يهوجس وشلون يرجع قيمة التأمين ؟؟
المشكلة في الصحن مايدري وينه فيه ..هل هو جايبه للبيت ؟؟..والا في الاستراحه ؟؟ والا على الدائري؟؟
مافيه أمل يذكر بل من سابع طعشر مستحيل ان يذكر.. وان تسان ذكره فودوا موضوعي للماصله

(ناسي) تنبه لنفسه وقال مهوب هذا وقته خل ناخذ غرضنا هالحين وبعدها يحلها الف حلال
اتصل على جوال زوجته علشان يسئلها وش اللي كانت موصيته عليه؟؟
لكن جوال زوجته لقاه مقفل(اكيد مقفل فهو 24 ساعة مع بزرانها وماغير العاب وتشغيل مقاطع البلوتوث )
دق على بيته لقاه مشغول.. اتصل مره اخرى.. برضوه مشغول.. تقل السماعة طايحة (وين طايحة ياعم
الا في يد الزوجه وماغير سواليف مع امها ..ثم اختها.. ثم صديقتها الخ )
فما كان منه (خلونا نستخدم الضمير ملينا من ذكر اسمه ) حينها الا ان يعتمد على ذاكرته ( مكره ناسي لا بطل )

خاف ان يكون طلبه يفشل ثم يضحكون عليه مثل ماصار له في الصيدليه (الحياة دروس )
فما كان منه الا ان نادى العطار وقال له : يا الاخو لو سمحت ابيك في كلمة راس !!
العطار استغرب وجاء لم ناسي وقال : خير يا الغالي آمرني ..
ناسي قرب من العطار وسمعه في اذنه وقال له بالله عطني( خيطي بيطي)
وبسرعه خل ننمشي تراي مستعجل ووراي اشغال نبي نقضيها
العطار فق كشرته وتدزلبت عيونه :sm5: وقام الفار يلعب بعبه من هالطلب الغريب !!
فما كان من العطار الا ان جزم ان ناسي من الجماعه اللي هم اياها >>يقالك يلمح ولاهوب قايل ارهابيين
فقال العطار بكل حنكه (ماذبحنا الا هالحنكه )ابشر اطلبها لك من المستودع بس اصبر علي ربع ساعه ويجيك الطلب
(يقالك ان خيطي بيطي كلمة سر ويعني اني كاشفها كشفها )
العطار اتصل على المباحث وبلغ عن (ناسي) وما امداه يسكر السماعه
الا والمباحث مطوقه المنطقه>>اصلن هم دارين قبل مايتصل
ومن عقبها ومحد يدري عن أرض (ناسي) آل فاهي الا يوم طلع للناس وهو بصحة وعافيه
ومن عقبها معد فيه امل ينسى شيء

مايستفاد من الموضوع
1-اشتر كرتون (أولويز) واسترح من الروحة للصيدلية كل شهر pb034
2- خل صحنك في سيارتك علشان ماتدفع تأمين وتنساااا

خخخخخخخخخخخخخخخخخخخخخ

ابو وفى عنك ان الموضوووووووووووووع جنان في جنان خخخخخخخخخخخخخخخخخ

بس ماتلاحظ معي أن هالي ضحكوا على ناسي كلهم أغبياء خخخخخخخخخخخ

إلا الحين أنا مدري ليه الناس تستحي من اولويز يعني الموضوع عادي ماراح نصير نستحي أكثر من الحريم الي يسون اعلان اولويز ولا يستحن بالعكس تلاقهن يتسدحن ويتمغطن في التلفزيون والدعوى فري خخخخخخخخخخخخخخخخخخخخخخخ

يعني لو طلبت اولويز لزوجتي إذا تزوجت بعد عمر طويل أن شاء الله ماظني الأمر يستحق إخفائه خخخخخخخخ

شكراً

تحياتي...

[ابو أنس]

الفاضل ابو وفى...............
جمال متأصل يصاحب حرفك ونزف قلمك
خفة في الظل والروح (ترى ماجينا العقل) نستمتع بها عند كل قراءه
لك تحيتي وشكري

[عذبة الطباع]

الصيدلي سئل ناسي) عاوزها (باقنحه) ولا بدون ؟؟ .
(ناسي) رد عليه : لا بدون اجنحه لايطيرن ثم عاد من يمسكهن لنا <<حلوه
هههههههههههههههههههههههههههههه هههههههههههههههههههههههههههههه ههههههه
وقال له بالله عطني( خيطي بيطي)<<كل شي كوم وخيطي بيطي كوم ثاني هههههههههههههههههه
يانا مت من الضحك الله يوسع خشك من كثر الضحك مثل ماوسعت خشتي ههههههههههه<<على بالها دعوه زينه
ابو وفى ماعنه خفى رمز للاقلاع
انا من اشد المتابعين لمواضيعك الله يعطيك العافيه على هالمخ المنسم زاده الله تنسيم في تنسيم <<وش هالدعاوي منتب صويحيه الظاهر مخك اللي نسم هههههههههولا طار بدون اجنحه هههههههه
احترامي لك ..

المشاركة الأصلية كتبت بواسطة ذيب السنافي

خخخخخخخخخخخخخخخخخخخخخ

ابو وفى عنك ان الموضوووووووووووووع جنان في جنان خخخخخخخخخخخخخخخخخ

بس ماتلاحظ معي أن هالي ضحكوا على ناسي كلهم أغبياء خخخخخخخخخخخ

إلا الحين أنا مدري ليه الناس تستحي من اولويز يعني الموضوع عادي ماراح نصير نستحي أكثر من الحريم الي يسون اعلان اولويز ولا يستحن بالعكس تلاقهن يتسدحن ويتمغطن في التلفزيون والدعوى فري خخخخخخخخخخخخخخخخخخخخخخخ

يعني لو طلبت اولويز لزوجتي إذا تزوجت بعد عمر طويل أن شاء الله ماظني الأمر يستحق إخفائه خخخخخخخخ

شكراً

تحياتي...

الله حي ذيب السنافي

الا بلا وانا اخوك ملاحظ بس حنا توزوزنا مدري وشو عليه؟؟ ولا لاهوب حرام وكل الناس يشرونه وحاطته الصيدليات في المدخل
ذيب ليت هاللي تصدصد من الحيا يتصدصدون الى بغو يتتنون

ذيب شكرا على مرورك الغالي ويعطيك الف عافية

المشاركة الأصلية كتبت بواسطة أبوأنس

الفاضل ابو وفى...............
جمال متأصل يصاحب حرفك ونزف قلمك
خفة في الظل والروح (ترى ماجينا العقل) نستمتع بها عند كل قراءه
لك تحيتي وشكري

الله حي الغالي ابو انس

يوم شفت كلمة الفاضل طلعت البطاقه اتأكد من الاسم :d

شكرا اخوي الغالي ابو انس ومن داوعي سروري وشرف لي ان ارى هذه الكلمات
تنبثق من قلمك الرائع لي

شكرا اخوي الغالي ابو انس على مرورك ولك خالص تحياتي واحترامي لشخصك الكريم

المشاركة الأصلية كتبت بواسطة احلى الكلام

الصيدلي سئل ناسي) عاوزها (باقنحه) ولا بدون ؟؟ .
(ناسي) رد عليه : لا بدون اجنحه لايطيرن ثم عاد من يمسكهن لنا <<حلوه
هههههههههههههههههههههههههههههه هههههههههههههههههههههههههههههه ههههههه
وقال له بالله عطني( خيطي بيطي)<<كل شي كوم وخيطي بيطي كوم ثاني هههههههههههههههههه
يانا مت من الضحك الله يوسع خشك من كثر الضحك مثل ماوسعت خشتي ههههههههههه<<على بالها دعوه زينه
ابو وفى ماعنه خفى رمز للاقلاع
انا من اشد المتابعين لمواضيعك الله يعطيك العافيه على هالمخ المنسم زاده الله تنسيم في تنسيم <<وش هالدعاوي منتب صويحيه الظاهر مخك اللي نسم هههههههههولا طار بدون اجنحه هههههههه
احترامي لك ..

اخت احلا الكلام شكرا على هذا الرد وزادني سرورا ان تكوني من المتابعين لمواضيعي
كما يسرني ان ارى ردودك وتقبل ملاحظاتك بصدرن رحب

ولتس خالص تحياتي

[الطائر المهاجر]

طيب وش جاب هاللاعبين معنا
العمر والسلامه والخوجلي وماطر والحقباني ، الظاهر انك ساكن في الدخل المحدود عند النصر ، ما تشوف قدامك إلا هم.. او إنك كاتب الموضوع وانت قاعد على زلفة بيتكم تفرج على بزران الشارع وهو يلعبون كورة.
بصراحة ربنا ... انت مخلوق للإقلاع
فهذ من أجمل ما قرأت لك ، بس يبي له شوي سمكرة لإزالة الفقرة (حست بان ودها ت.......... )
والجملة الأخيرة عن المباحث مالها مبرر المهم غابت شمسه الين اشرقت من جديد
شكرا من الأعماق
فنحن بالفعل في حاجة للضحك بلا حدود
تحياتي الطيبة

[صعبة المنال]

هههههههههههههههههههه انا من متابعينك من يوم المسيار قلت بس هذا الى راح يجيب لنا العيد... وهو الى راح يعطينا الحلول يطيرنا الجنس الناعم للزهرة


تحياتى على الاسلوب القصصى المشوق والروح المرحة
والثقافة الواسعة ....... بس الواحد يا ابو وافى صار يخاف منك ؟؟؟؟سرنا مكشوف وسرك باتع شله الله يا ابو وافىهههههههههههه


بانتظار جديد يا ابو وافى




تحياتى صعبة المنال

المشرف العام

طيب وش جاب هاللاعبين معنا
العمر والسلامه والخوجلي وماطر والحقباني

يقولون الشي بالشي يذكر :d

فعندما قلت العمر والسلامه صارت اسامي الاول حكم والثاني لاعب نصراوي ففضلت اجيب الربع معهم

من باب وش حيثهم ؟؟ مهمب اردى منهم ولا نقصوا يد ولا رجل :d

فهذ من أجمل ما قرأت لك

كلام اعتز به خصوصا اذا كان من رجل مثلك

بس يبي له شوي سمكرة لإزالة الفقرة

اشكر على النقد الهادف فنحن محتاجين الى ذلك كي يتطور المستوى

والجملة الأخيرة عن المباحث مالها مبرر

ابو عبد الله ابد لاتخاف على المنتدى :d

شكرا من الأعماق

وشكرا لك من الاعماق فنحن كما اسلفت انفا نحتاج الى التعليق والنقد الهادف فبه تتطور المستويات
اتبو عبدالله مشكور يا الغالي على مرورك الغالي ولك خالص تحياتي