28-12-2013, 11:03 PM
|
رقم المشاركة : 1 | |||
|
|
|||
|
|
28-12-2013, 11:09 PM
|
رقم المشاركة : 2 | |||
|
ابيات الحكمة والتوجيه في شعر
يقولون البلاوي لا نصت مؤمن فهو تكفير= واقول ان البلاوي من عقوبات إلهيّه فربّ البيت ما يهمل ولو يمهل بلا تأخير = ينبه من ظلم بامراض تستعصي المداويّه ويمكن ياخذ احبابٍ لهم في دنيته تأثير= يحس النار في قلبه ولا شن يطفي الكيه وفي اخراه يتحاسب فلا جاهٍ ولا تقدير= يغيّر حكم رب الكون في من اتبع غيّه الا ياجاهل الشيهان قدّر واحسن التفكير= حرار الطير ما ترضى تعيش بنصف حريه
فمن يشكي لغير الله تعرّى من ورا لباسه = لقى فيه العرب مدخل ضعيف وزادوا العله
حرار الطير ماتقهر تموت ولو بدت حيّه = وانا الشيهان في دمي اموت ولاانحنى راسي
الله ومرنا وأمره واجب نجـلّه = فالهجر مرفوض في الإسلام ياخواني تصفى نفوسٍ من الأصحاب معتلّة = باسباب شيطان للإنسان فتّاني ولو كل واحد يفكر مصدر العلّة = يلقى السبب فكرْ بالأحوال وهماني تفكير قاصر يدقّق في خطا خلّه = يبغاه كامل ويجهل طبع الإنساني ولو هو على حقّ عنّد وجْمع لْغلّه= يخدع لنفسه ولو بالحيل غلطاني متعودين المجامل دقّه وجلّه = ومن كان واضح يحارب تقل قوماني هذا هو السر في الإحباط والذلّه = اللي مشينا عليها عبر الازماني الوهم معنا ونمشي دوم في ظلّه = فالكل عنتر وسيف الحق عدواني اسمع لغيرك ورأيك احكمه كلّه= ناقش وحاور بعقلك دون خذلاني وخل العواطف ورد الفعل والشلّه= كم شلةٍ في فكرها كل نقصاني ولصاحبك ابتسم والقلب لا تعله= دايم وسيع الصدر بالفعـل ولساني لا تعقّد الأمر تمسك بابسط الزلّه= تمشي بدربك على الأصحاب زعلاني فان كان تزعل يضيق الكون وتملّه= وتقضّي العمر في الأحزان وحداني
بعض العرب يحتاج هرجه لكشاف = حتى تعرفه قبل تبدا النقاشي لو صاحبه حاول يغطيه بغلاف = ويصور انه واضحٍ كالفلاشي حكيم وقته بالمراجل له اوقاف = يدري وش اللي يعجبك وانت ماشي وليا لقى من يفهمه حاص باوجاف= ودوّر طريقٍ ياخذه بانتفاشي كل ما يبي مدحٍ يوصله الاحقاف = لوهو مجامل راضيٍ بالغشاشي فياظالمٍ نفسه بلا عدل وانصاف = خل الحكم للغير تاخذه كاشي اسمع كلام اللي صريحٍ وشفاف = وخل المطبل دام هرجه بلاشي ومن قال لك كامل ترى حكمه اجحاف= الكامل الله عالم بالحشاشي والبعض لو هاجمك في كل اسفاف= لا قلت هرجه ناظرك كالنجاشي ولو هو رجع للحق أو قول الأسلاف= فعينٍ بعين وكل مخطي يداشي
اشوف ان النفاق اليوم ماله حدّ او مقياس= فبعضٍ همه الأول يبي الدنيا وما فيها يخادع نفسه المكشوف لو يضفي عليه لباس= ولو حتى تستر بالديانه بين اهاليها الى منّه تحدّث فالترهبل مظهره للناس = يغطي ما امترض من نفسه العفنه ويخفيها يحسب انّه غدا السباح في عمق الفكر غطاس= الى منه بدى يتفتف بكلماتٍ يواريها ويفتي كل من جاء له من الجهال بالإفلاس= والى منّك حشرته جهّز الألقاب يرهيها فهذا صار علماني وذا في نظرته بلاس = وهذا خارجي ملحد وذا امريكا مواليها واذا من قلت له هذا على المله بدا باضراس= فمحدٍ غير من طاوعه بدروبٍ مشى فيها فلا هو معترف باللي شهد بالله بليا اوجاس= كأنه كاشفٍ نفسه ويدري عن خوافيها يفرق امة محمد على اسداس قبل اخماس = تقاتل بعضها عن جهل يفرح به معاديها وهو ماهمّه الحاصل ولا فكر بمن يحتاس= والى منه كشف امره ترى الفتوى يخليها الا ياسرع ما يقلب ويحني هامته للساس = يقول اني انا الغلطان ما ثمّنت تاليها بعضهم تقل سحليه ولا له في البشر اجناس= تغير جلدها حتى تخادع من حواليها مثل ذولا حجر صوان لاتفكير او احساس= تبرمج عقله الباطن على اطماع ناويها حياته كلها فاشل يعيش الهم والهوجاس = لقى دربٍ تسهل له يطمّعه بغناويها كفاكم ضحك بدقون الرجال بخطة الأنجاس= من اللي ما اهتنوا والدار في الخيرات تجنيها
قناعتنا ترى تحفظ لنا الهيبه بكل إكبار = واذا منّا تركناها جنينا الهمّ والهونه ولو كلٍ على لحافه يمد الرجل في مقدار= لعاش العمر في راحه ولا يهتم بديونه ترى ذل لغير الله طريقه يعمي الأبصار = فلا أحدٍ راحم من يرتمي للناس يرهونه لاجل دنيا قصيره تنتهتي ماتعطي الإنذار= يلف بخرقه ويدفن ويترك عالي حصونه ولا ينفعه غير اللي فعل في مجمل المشوار= يلاقي كل اعماله على الميزان موزونه
حنّا بوقتٍ خسيسٍ من ترهى يدوش = من دون قرشك ترى كالطير من دون ريش وقت تغيّر غدينا فيه طعم الجحوش = من كل وافد نهبنا لو بشغله غشيش ولا حدٍ حمانا تفكّر بالظلام الغبوش = اللي يلف الجواعاء ساكنين العشيش فالفقر ماهوب عيب لو تحسّه رهوش= ما عاب سيد البشر يرعى بهايم قريش فالفقر يدفعك ترقى عاليٍ ما تنوش= بالصبر والجد تاصل لو ملابسك خيش قرشٍ على قرش ينتج ما خفى من قروش= درب التجاره بفكر ومصرفك دون طيش
هذا الذي حاصل بوقتي ويسري =اللي بليا عقل لاشك ربحان وقت يبي ممسوخ من كل فكري= اصم وأبكم واغلب الوقت خدران بضاعته بشتٍ وكشخه ، ونظري= وعنده بيانٍ بالمهمين بالشان ومعها نفاق وكذب في كل مكري= ولو كان اسمه دون ، غيّره بإعلان تلقاه في الطابور والصبح بدري= يبي يسلّم في خشوعٍ وخذلان يخدع ولي الشان ، يحسبه ظفري= شكله مناسب ما درى الفكر تعبان
الحروف رماح في يوم النفير=ومن تساهل في اختياره ذا فدام
معادن الناس تظهر لابدت شده= احدٍ اصيلٍ واحد في معدنه داني
بعض الرجاجيل يبقى طفل ما يكبر= عقله صغيرٍ ونزواته يقودنه يخدعك في منطقه واللبس والمظهر= وتْقول هذا رجل ما ظنّتي منه يمكن تثق به ويصبح صاحبٍ تفخر= انك عرفته وودك تقتبس فنه فبعض الرجاجيل لا منه هرج يسحر= تصدّق بهرجه وما يظهره من كنه يصور لك انه مهم وغاطس بابحر = من كثر شغله ويعرف انسه وجنه اومر تدلل ولا يهمك فهو اخبر = ولو تطلب الشمس يعطيها بلا منه ولا من بدا ينصحك في حكمته يبهر= دينٍ بعقلٍ وخبره ماهي لسنّه ويمكن لأجله تخسْر رجال لك مذخر= ولا تنتبه لين ما افعاله يكشفنه يخور لحظه ويكشف كل ما يستر= حتى انت صعبٍ تصدق ماروي عنه ولا من تأملت وحطيته تحت مجهر= تلقاه سوسه شياطينه يعسفنه ياطيّب القلب ليتك هالزمن تحذر= ما كل رجل تثق في قوله وظنه لاتعطي الغير سرك يافتى تخسر= ولا يخدعك من يجيد العزف والرنه
من كان بيته من قزازٍ يحاذر= لا يرمي بيوت الملا بالحجاره ومن سهر تال الليل والعقل خادر=فلابد ينضح ماخفى من دثاره ومنهو مشى في ليل من خلف ساتر= يجهره نور الصبح يكشف ستاره درب الزلق ممشاه فيه المخاطر= ومن لاحسب لخطاه ماوصل داره فما كل من نشن فصياد ماهر= ولا كل من ركب الفرس قاد غاره خذها نصيحه كان بالعقل ظافر= وابعد عن الشبهات واهل الدشاره فمن طاوع اللي في المذات سادر= يصير مثله في الردى والحقاره يطمع به اللي عارفٍ به وخابر= ويمكن على بيته ينشن عياره
من سار في درب النقاء رافع الراس= يحتار فيه الخصم واللي معاديه كثر العواصف تنفض غبار الادناس= مما علق بطويق لحظة تعليه فمن قدر المعروف فارفعه للراس= ومن فيه بعض اللؤم فاحذر تماشيه ومن بانت سنونه مثل اي نسناس= ماهوب يضحك فانتبه وش يواريه ومن صار طيّب دوم لابد ينداس= فالناس ما ترحم لضعفٍ ظهر فيه الناس غير الناس والوضع محتاس= وصعبٍ تلاقي من تحكمه مباديه
الرجال جمال لا انقهرت تثور= ما يتحمّل قهر ياكود البليد تاخذ الثارات ما تعرف فتور= لو يطول الوقت ما تنسى الضديد القهر ينتج قهر يكوي الصدور= ويتحدر مثل سيلٍ له رعيد كل ما يبنى على الباطل بخور= والعدل لا راح فانتظر الحصيد
الأم تربه والرجاجيل محصول= والأب آلة صرف في كل الاحوال لو جاء يعدل مايلٍ زاده ميول = فالنبت من ارضه شقيصٍ وفحال هذي حنون وترضع الحب معسول= دينٍ وعقل بطيبة افعال وخصال تنتج رجالٍ فعلهم يسبق القول = فيهم فخر للأب والعم والخال وهذي جهنم بالقشر كنها كالغول= اولادها والرجل زادتهم هبال فالشوك يطلع شوك والطيب معزول= وش ترتجي من شجرةٍ كلها اعبال وهذي انانيه على غير معقول = لو وصلت الخمسين بعقول جهال فالأب مهما كان للخير مجبول= ومهما يربي كود يطلع له رجال يطلع له اجسام بلا فكر وعقول= والطيّب اللي ما يدخله باشكال امراض جتنا دون تطعيم مبذول= مع انفتاحٍ زادنا جهل واضلال حبل التراخي زاد بالعرض والطول= فافسد حريم ولا توقف على عيال وانفلت السبحه على عزف وطبول= وحق المره والطفل في كل موال حتى غدينا ما نقلد ابو الهول= ولو كل عانا قال في احسن الحال خذنا قشور الغرب والغرب معلول= واللي امر به ديننا صار باهمال هذا نتاج الوقت في بعض محصول= والخافي اعظم من زمن ضيّع اجيال
فالوقت ماهو وقت خالي وعمي= وقتٍ به اجيالٍ مشت في ضلاله تفكيرها مغاير بنوعٍ وكمي= والنادر اللي ماشيٍ باعتداله هذا يمين وذا يسار المجمي = وهذا مهفه في يدين الجهاله وهذا مطفي النور ماذاق غمي= عايش ليومه ما اشتقى من مآله وهذا اذا اقبل قلت وش جاه يمي= واثره بعد نسيان يبغى حواله ولا من نشدته قال قالت لي امي= ربوة عجوزٍ ما شبع من دلاله ولا قلت اخوك يجاوبك دون لمي= كلٍ قطع وصله وارخى حباله كل لنفسه عايشٍ كالأصمي = ولا هوب داري عن اخوه وعياله تصير مثل اللي لزرعه ينمي = وفي الآخره ييبس ويخسر حلاله هذي نتايج وقت من رسم ذمي= وحنا ننفذ لو عرفنا اعتلاله
لا من لقيت اللي تحسه بوجهين = فاصبر تلاقي له وجيهٍ كثيره حبل الكذب لو طال يقصر بعد حين= وكم جرةٍ تكشف دفين السريره فكم واحدٍ يعجبك حرصه على الدين= ولا من سمعته قلت ياحي طيره وفي لحظةٍ تكشفه من غير تخمين= وتدري بأنه ما يساوي شعيره شخصيةٍ تجمع نفاقٍ وتلوين= وكذبٍ وغيبه فالأمور اليسيره مثله خطر فاحذر تلاقيه بالزين= ولو شفت منه الضعف ليّا تجيره من لاحكمه العرف والعقل والدين= ابعده عن دربك ولا تستشيره
قالوا تحب وقلت مانيب ملزوم = لاني عرفت الحب مثل السياسه داخله مفقودٍ وخارجه معدوم = ومن لا يخطط ينتهي بانتكاسه العاطفه تحكمك فالغطس والعوم= وعقلك تنازل عن عروش الرياسه الحب فن وعلم بالعقل مفهوم= والرجل من يكشف غموض التباسه
لا شاب راس الرجل تبدا عذاريبه = وتبدا تفتح عليه امراض مجهوله مثل القرنبع ولو احسنت توضيبه = لا تامنه لو وقف في درب مأهوله فاغنم شبابك ولا تحياه بالسيبه= فمن لازرع ما حصد لادار به حوله اليوم علمه معك والغد في غيبه= فلا تؤجل لْوقت ما تدري عن قفوله العمر يركض فلا تجهل بتحسيبه = كم شايبٍ عاش في حسرات مدبوله ورجل بلا قرش ماله عز او هيبه = فاحفظه كلٍ يبيك ويطمع بنوله
فلا تشغل لبالك وخل التصاريف= للي خلقك وقدر الرزق باقدار اقنع بمقسومك واذا تاجد رغيف= على معزة نفس يسوى لقنطار تاكْله مرتاحٍ على غير تكليف= افضل من مفطح تجي بعده امرار
لا جتك كلمه تجرحك وانت غافل = ممن جهل بك جامحٍ به حصانه فانظر لمن صاحبه للشر فاتل= معروف ميله للردى والعفانه فاحذر رعاك الله من كل خاتل= ماضيه يحكي عن سبايب جنانه ومن جالك بهرجه يبي كود تاصل = بليا دليله لاتثق في امانه وان كان تاثق فانت عن قصد فاعل= تدفع ضمن ما تفعله من رعانه لانّه يبي حرقك ولاهوب سائل= وتكسب عداوة من جهلت لكيانه ما كل صاحب تعرفه قبل راجل= ماشي على خبرك بعقل ورزانه يمكن تغيّر واصبح اليوم سافل= واصبح يجرك للردى والمهانه فمن صاحب الاجرب فلاهوب ناقل= إلا الجرب مادام يمشي وزانه
"لقيت الناس ما منهم سلامه"= ولو تسكن بغارٍ في تهامه يجيك من البلا مالا توقع = وتدخل في المشاكل والملامه فهذا يشتكي من ظلم هذا = وهذا ما عرف فرض احترامه لأنه داخل في الوسط سوسه= يفرقهم ولا يدروا مرامه بلا خوفٍ من الله لو ترهبل= ولو اظهر صلاته او صيامه على تشتيت شمل الجمع شاطر= ولو اخوّه حرقهم بالنمامه عضيدك لو طغى وإلا تجبر= فلا تترك لاحد يمسك زمامه تصارح معه في حب وموده= واذا ايّست فابعد عن صدامه لعل بيوم يدري من عدوه = يشوف الشمس من بعد الغمامه واذا كان الهدف في العمق مبعد= فنور الفجر يكشف للعتامه يعين الله ماهبت المنايا = فكيف اللي مشى درب الرخامه امد حبال حلمي دامي اقدر= ولكن كل وقتٍ له كلامه
لو كل رجل خاف ربه حقيقه= وفكر ببيته قبل ينهار به ساس ان كان ما يركض بخطوه سبيقه= يطارد ورا الشهوات في غير مقياس فالعاقل اللي العقل دايم رفيقه= متحكم بالنفس ماداست ادناس فالرجل من يعرف ينقي صديقه = ولايقرب اللي في الغوى دوم غطاس
فمن كان معه الله فلا خاب ظني= سامع دعاء من يلتجي له بالاصباح وارضى المقدر لو بهمي امتحني= واصبر لأن الصبر للضيق مفتاح الله خلقنا للكبد والتعني = ومن لا صبر عاش العمر كله جراح مافيه منهو في الحياة متهني= فاقنع بمقسومك وما كتب بالواح وسرك اذا اظهرته ترى بك يدني= ولاعاد به ملكك ولو كنت مزاح من يشتكي للناس ماله محني= شكوى لغير الله كما السم ذباح
من صاحب الأجرب على الحول يعديه= ومن صاحب الخيّر نجح في اختياره فالرجل من صحْبته واللي يخاويه = فاختر رفيقك صقر ماهو حباره رجل نظيف وثابتاتٍ مباديه = عقلٍ ودين ما مشى في الدشاره دينه بقلبه يحكمه في مماشيه= يمشي على سلوم العرب في مساره ماهوب من بالدين يخدع لْموحيه= لامن تكلم قيل كله طهاره وهو خبيثٍ فاسدٍ في تخفيه = ماشي بدرب الغي ظنّه شطاره صاحبك من ينصحك والنصح يمليه= دينٍ بعقلٍ مانقصه الجساره ولو يزعلك ماخاف يومٍ تخليه= ولا هوب من حسّب لربح وخساره فخلك حذر في وقت بانت مواريه = ماعاد تفرّق بين ساير وساره وقتٍ به الشيطان مفلوته ايديه = يرقص على انغام الغوى في الحضاره ويجيش جيوشٍ تخدمه وترضيه= من كل رجلٍ ما درى بانحداره والعاقل اللي من يحسّب خطاويه= ويحسن على طول المدى باختياره
اكبر غلط انك تعمم بلا قياس = على الجميع اخطاء قلّه رديّه فاصابعك ماهيب واحد بمقياس= ومن عمم بحكمه فلا به رويّه فاخوك من كف الأذى عنك باحساس= وعاملك بالمعروف في كل هيّه من عاملك بالطيب حطه على الراس= ومن عاملك بالخبث عامله زيه
عزيز النفس لو حس بمراره= فنفسه سر نحسه والوبالي بوقتٍ ما يبي علم ومهاره= ولا اخلاص لصْعود الجبالي يبي كذب ونفاقٍ في شطاره= ومسح الجوخ لكتوف وسبالي مع التيار يمشي بانحداره= ولا ينشد حرامٍ او حلالي
من لاحكم نفسه عن الميل والغي = بالعقل والحكمه ودين بقناعه تاخذه لْدروبٍ طويله بلا ضي = وفي الخاتمه يسقط من اعلا ارتفاعه ومن طقّ باب الناس في غفلة الحي= ينطقّ بابه جهر بأيات ساعه ومن خادع لغيره خدع قلبه العي= فحبل المكر لو طال سهل انقطاعه
جيت من ضعفك ولازم راجعٍ للضعف اخرا= ولو تاخر في مماتك جا لك الكبر بطريقه داخلك قلبٍ صغير كالمضخه دوم تحرا= بالعطل وإلا التوقف دونما شيٍ يعيقه ولو تكون امهر طبيب وفي القلوب اصبحت حبرا=ما تنبأ عن وقوفه قبل ما يلفظ رميقه فاعمل لْدنياك مثل اللي يخلد دبّ دهرا= واعمل لْ اخراك مثل اللي يبي يرحل حقيقه لا تكبر او تغطرس او تقول اصبحت اثرا= ولا تعيش بذل خوف الجوع ماتقدر تطيقه رزقك اللي انكتب لك يطردك كالموت جهرا = فلا تذمر من حياتك لو تحس بألف ضيقه اقتنع واضحك وصابر تكتسب بالصبر اجرا= وافعل المعروف وانسه تكتسب حب الخليقه وخل قلبك دوم ابيض والتسامح منك يشرا= فليش تحقد وليش تكره دوم في قلبك حريقه ولا يغرك من كبر كرشه حرام وعاش بطرا= داخله مهزوز حتى لو تزايد به بريقه لو سلم وامهله ربه مااهمله لو كان حذرا= ويحتقره اللي يعرفه لو ضحك كنه صديقه
حياة الرجل عزه يعلّي بها رْصيده= ومن عاش في ذله فلا هوب انساني فكوخ على عزه ولا قصر بتشييده= على ذل مهما كان عالي بالاركاني
كلما فكرت في هذي الحياة = التقيها ماتساوي للكبد ولاتساوي ركض من اجل الغنات= ولا تساوي جاه او كثر الولد فاقتنع فيها وسايرها بثبات = باعتدالٍ في طريقك لاتحد مدرك انك راحلٍ عند الوفاة= تارك اللي جامعه مهما تلد غير ذكرى طيبه مثل النبات= مع مرور الوقت يأتي بالمرد سلم بأمرك لرب الكائنات= فالمقدر واقعٍ مهما ابتعد رزقك اللي ضامنه جزل الهبات= ياصلك لو كنت في صحرا وصهد فلا تذل النفس من اجل الفتات= عند من بابه اذا شافك وصد عش بعزة نفس ما تعرف دناة = فالكرامه كنز يازن بالبلد يحترمك الناس في كل الجهات= يحسبونك تاجرٍ عايش رغد دامنا في وقت ماعنّك خفاة= دون واو وظهر حبلك من ممسد
لا صرت لا "واوٍ" ولا حظ ترجيه = تموت مثل النخل واقف مكانه ادنى هبوب يطرحك منت قاويه= ولا احدٍ يسرك لو تحالى لسانه ومن ارتضى بالدون محدٍ مخاويه= يعيش في همه وحيد بمكانه اما حياةٍ بالمعزه تعليه = وإلاّ ممات ينقذه من هوانه
الرجل لامنّه تأخر زواجه = يكبر ولده ولا بوسعه يربيه فلا هوب قادر يفتهم لاحتياجه= ولا هوب قادر بالملاحظ يراعيه يضعف وظهره يبتدي في اعوجاجه=وولده يقوى في العناد وتحديه يتعب ابوه بمشيته والهواجه= ويزيد همه هم ماهوب قاويه بلشان في نفسه يدور علاجه= من كثرة امراضٍ تهده وتهريه ولو سلم منها فالخرف صاب تاجه= مثل الشريط اللي انقلب يوم توحيه وبنتٍ تأخر مثل هرم الدجاجه= لا بيض فاقسته ولا بيض تعطيه ماعاد فيها للرجل اي حاجه= مثل الرجيع اليا عرض محد يشريه ولو هي ببيت العز يلمع زجاجه= ياسرع ما ينهار باقفاي راعيه تعيش في جوٍ كثيرٍ عجاجه = فلا رجل يحميها ولا الولد ترجيه
عمر الفتى لحظات لو كان شايب= امن السعاده دام بالعقل محسوب عقلٍ يفكّر بالفعل والتبايب = لا من رأى الميزان في الحشر منصوب ومن لا اعتبر باللي سبق من ركايب= ما ينفعه لا وقف في الحشر مرعوب دنياك يابن آدم مثل نجم ايب = لا يخدعك لمعه مصيره ألى غروب
ما كل من يزرع يسرّه حصاده= فبعض الزروع اتصير شوكٍ وصبار حتى ولو ارهى عليها اجتهاده = ولو هو سقاها العذب من ماء الانهار تجرح يدينه ما يفيده ضماده= ويحس في قلبه مثل لاهب النار تحوس فكره بين هم ونكاده= ويمكن تجرّه مع همومه للاخطار في غار مستسلم فلا له اراده= النار تحته وان وقف طقه الغار لا صارت التربه صباخ بزياده = فاحذر تقربها ولو كنت بيطار لا تقول انا فلانان عقل وركاده= فمن لا اعتبر بالغير ماعنده افكار قبلك كثيرٍ بالفكر والسداده = وردوا بنفس العد مافاد انذار مكتوب والمكتوب مابه لجاده = مهما اجتهدنا ما منعنا للاقدار
وكلمه بلا ميزان تاتيك نقمه = وكلمه بدرب الحق تنجي من ذنوب وما كل حقٍ حق تدري بفهمه= فاحذر خداع الوهم لا تقربه نوب اوزن بعقلٍ راجح دوم سهمه= وخل العواطف لا تجي لك على دروب ولا تحتقر للي تصاغر لحجمه= وعقله كبير في المهمات محسوب الناس غير الناس والدرب زحمه= وصعبٍ تميّز بين صاحي ومجذوب سم الحضاره واضح اليوم وسمه= اثر ببعض الناس في كل اسلوب صاروا عبيد القرش يحيون لاسمه= لا الدين يردعهم ولا السلَم مرغوب بالفشخره والكذب صابوا بتخمه= انفس مريضه والعقل صار مشطوب والعاقل اللي نظرته دوم قدمه= ما هوب مع شقرا الى الوهم مجذوب والمجتمع بالفرد يعلي لنجمه= ومن قال مالي شغل فالفكر مثقوب ولو كل واحد قام وادى لقسمه = ان كان صرنا فوق في عالي رتوب
ارى العمر يركض ما حسبنا حسابه= ولا حدٍ تفكّر يوم ترحل ركايبه نطارد ورى الدنيا على غير راحه= نبي حلوها والنفس في الحلو ذايبه ولو بعضنا يخدع بعض ما يهمه = وحتى ولو يظلم اخوه وقرايبه ترى الظلم ظلماتٍ بيومٍ القيامه= ومن يمهله ربه فلا هوب هايبه تجيه العقايب غرّةٍ ما تأخّر= وتضرب بطعناتٍ على القلب صايبه فلا تخدعك قوتك فالله فوقك= وناظر لمن قبلك طونّه هبايبه فمن لااعتبر بالغير لاشك جاهل = ومن لاحكمه الدين تكثر مصايبه ومن يعطي اهل الشرّ عقله تندّم= ومن ضحك له به ضحك لاصار غايبه ومن علم الجهّال لعبٍ بلحيته= نطوا على علباه في كل نايبه فطاوع صويب الراي لوما توده= ولو كان قاسي حازمٍ في طلايبه ونفسك وروضها على الخير والتقى= ولا تطاوع النزوات فالنفس خايبه وحاذر هل الارجاف فالحقد كاثر= فحنا بخيرٍ منعمين باطايبه واحفظ لسانك من خفافيش طايره= تمص دمك تنبسط من نخايبه تجر رجلك في دروب خطيره= ويحسب عليك الحرف بادنى معايبه تحسبك آمن لاطلع منك كلمه= وتطيح وسط الفخ تجهل تبايبه ولا من عطاك الله امنٍ بدارك= فاقنع بما ربك عطى من وهايبه ولو شفت بعض الميل ربك يعدله= فالكامل الله من يقدر سبايبه ولو كل واحد ما يفرط بحمله= يتعدل المايل وتصلب عقايبه فالمجتمع بالفرد ترفع حصونه= ومن قال مالي دور يدفع ضرايبه
الظلم ظلماتٍ بيومٍ نعده= ومن يمهله ربه فلا هوب هامله يجيه بالدنيا امورٍ تضده= في النفس وإلا الولْد في القلب صامله ومن لااعتبر بالغير من قبل شِده= ما ينفعه ياليت والضعف شامله ومن غرته قوته كالبحر مده = يجيه مثل البحر جزرٍ يزامله كم من فتى ضيعه ظلمه وشَده= واغواه في ظلمه رجالٍ تجامله فلا ذعذعت نفسك الى الشر رده= فالدين يامرنا بحسن المعامله فالرجل من ذكره وماباح سده= فخلك نقي القلب والخير تامله دنياك يابن آدم مثل فيّ حده= لاحاصرته الشمس يذهب بكامله
خلقنا الله بقلبٍ واحد ما يقبل استبدال= واذا منه توقف نترك الدنيا واهاليها فكم من واحد مشغول في ركضه على الآمال= رحل فجأه بلا انذار ما ادرك تواليها ورغم ضعفه فهذا القلب ياكم شال من احمال= من هموم ثقيله من غثى الدنيا وبلاويها
الى من بلاك الله بحاقد من البشر= يدير المكايد غاطسٍ في بحورها فعلى الله توكّل لاتفكّر بما حفر = "تموت الافاع وسمها في نحورها" ولا صرت مرّه من اعاديك تحذر = فحذراك عشرٍ من قرابه تشورها فكم من قريبٍ منك بالطعن اخطر = من اللي تعده خصم ينوي شرورها فحنا بزمانٍ في مواريه اقشر= ومن يامنه عينه عليها ذرورها واذا من قردك الله تعدد تفكّرا= ولو كنت معذورٍ تنكّد سرورها مدامك اضريت القديمه تذكرا= ترى الأبن لأمه ماشيٍ طوع شورها تبرمجه ضدك دوم بالحقد يضمرا= يشوفك مثل مجرم نحرتَ جزورها وسرّك اذا جاوزك كلٍ به اشترى = وتجيك المصايب ما تجابه دبورها غموضك يحيّر من نوى فيك يغدرا= وكثرة هروجك نقص فاقطع جذورها
ترى مـوت الفتى مرة ولا يمكنه تاجيله = فمـوتٍ في المعزّه يوم ولا عيشٍ بحقراني الا يا صاحبي فكر يجي لك يوم وتجي له = ترى الرحمن لـو يمهل فلا يهملك يالفاني
إذا من الفتى عـزّم يكمّـل نصفه الثاني = يبي له من بنات العرب من تفهم تقاليده بنـات اليوم لو يلقن رجال ابحس إنساني = تلاقي فيهن الطيبه وحبٍ سهـل تخليده تبي من رجلها بعض الثقه في كل ميداني = واذا صغيره يوجهها بلطفٍ دون تعقيده ولا يتصيّد الاخطـاء يعاملهـا بحقراني = فكلٍ فيه من عيبه ولا هي عبد في قيده مشاكلنا عقـول صغار ما تفهم ولا تداني = اذا المرأة تناقش وضع وفكره لو هي جديده يبيهـا جسم لا تفكير وآله مالهـا لساني = تقــاليدٍ ورثنـاها وزعمٍ طال ترديده واذا منه زعل طلق خرب بيته والاركاني = حماقه تكشف التفكير وتفتح جرح وتزيده الا يا بنت لا ترضي خطيبٍ دون برهاني = على عقل وعلى خلق وتعرفي كيف تأكيده حذاري مدمن الخمره ولو مهره بلاوزاني = وراع الكيف والحبّه لعقله نقص ما تزيده ولا يخدعك من تفتف فبعضٍ دون إيماني = اذا منه لعب نكّـد يبي حقّـه وتزويده ولا ترضي {بمتأمرك} يقول الربع خلاني= تعالي خدّمي ربعي ترى التعقيد ماريده مثل خنزير لاغيره ولو حاول بك فلاني = خصوصا لاقلب راسه وصرتي مطمع وصيده ولا من تعرفي اهله ذهب في كل الازماني= ترى النيران بتورث رمادٍ صعب تهجيده
لقيت الحرّ لـو يسكت يحسّ الذنب بالف ذنوب = ولـو يحكي ، بني صامت تكلّم شـاهد بزوره تقعّد له خشاش الارض وبوم وحصني مجلوب = تعـلّم كيف يتسلّق ويـوثق به وفي شوره تـرى بيت خرب ساسه تعرفه لا بتدته شطوب = ولو حاولت ترقيعه يطيح ولو وقف سوره
اذا من خاب ظنّك في الزمن واللي يديرونه = فلا تزعل على نفسك ولو مالت موازينه يجي له يوم يتغيّر على من مال لعيونه= فخلك كالجبل صامد ولو ثارت براكينه قليل الفكر من يحسب سنين السعد مضمونه= وكثير الشؤم من فكّر بأنّه من مساجينه تذكـّر فالـزمن دوّار فـلا يغريك بفتونه = ودروس الوقت وافهمها فهذا من قوانينه الا ياضـايقٍ صدره يحس القهر في كونه = تراها تنفرج في يوم ولو طول العمر شينه الا يا لعنبو وقتٍ يغسل الفكر صابونه = يغيّر صاحبه مبداه وينسى الأصل او دينه عزيز النفس لو خيشه لبسها قال مزيونه = ولا ثوب الحرير اللي يجيب الذل ويعينه
الفقر ما هو عيب لا صرت رجّـال = تحفظ شرفك وسمعتك والقبيله ما مات حرّ الطير بالجوع لـو طال = رزقه على الرحمن في كل ليله ورجل بلا تعليم شبره ولـو طـال = في يوم يقصرلـو بذل الف حيله هالوقت ما ينفعك عم{ن} ولا خـال = حتى شقيقٍ كنت يـوم(ن) تشيله من لا رقى في قـوته شمخ الجبـال= ما ظنتي يرقـى إذا انهـدّ حيله والحر وان حرك له الوكر بالحـال = يشعق لعــال الجو جنحه تشيله اما حيــاةٍ بالمعــزّه والاجـلال = والا ممــات وعـارفينٍ سبيله
الى من بذرت الخير لاتحري الجنا = ترى الخلق غير الخلق والوقت مايل تشوف العجب والقهر من غالي الضنا = الى من تنّكر ماقنته الجمايل إلى من بغيت الزرع يسعدك بالمنى = تخيّر لبذرك تربته والسلايل ولا تنخدع بالأصل والفصل والثنا= ترى النار ترث ما خبث من دمايل واذا من بلاك الله مع الداب تسكنا= تحرى اللدغ منها بخبث الحبايل الى طحت عاجز تدفنك قبل تدفنا = تشوف الأسى والقهر ماله مثايل تدارك سنين العمر من قبل تطعنا = بلحظات ضعفٍ كنك جدار مايل فدارٍ بدل دارٍ ولا يوم تحزنا = على ما مضى فالعمر ماله بدايل ولا تترك الحاقول للداب يشحنا = وتسقيه سمٍّ يتعبك بالفشايل فخله معك يبراك الى يوم يعلنا = زواجه بحمد الله ما به خمايل ولكن تذكر قبل مايوم تغبنا = جمايلك في يومٍ تجي لك وبايل من اقرب قريب لك ولو كان لك ضنا= مدام الزمن انهى سلوم القبايل
اشوف الخـلايق جامحة كنها القطعان = تسابق بها الدنيا وتجهل مواطيها تحتهـا خـلايق قبلها كان ياما كان = لهـا شان في الدنيا ولا جيب طاريها فكلٍ رحل وحـده بلا مـال أو عيلان = الى جنة الفردوس او نـار يصليها بعضهم ترك ذكر حسن نذكره أحيان = وبعضٍ ترك ذكرى ولا أحدٍ يدانيها إذا من تبي ذكرٍ حسن فابتـد الإحسان= بقـول وفعـلٍ في الجهرأو بخافيها تواضع لخلق الله وخلك من الطغيان = فمهما تكن في يـوم لابد تخليهـا وترى في القناعة كنز من يملكه كسبان = يعيش بسعادة ما تقــدّر مشاريها ولقيت الحقـد كالنار في داخـل البركان = مريضٍ عليلٍ صاحبه من بـلاويها فليش الحقد والحسد ياصاحبي الإنسان = تبسّم وسامح لا تقـرّب حـواليها وصل رحمك المقطوع باخوات أو اخوان = وكل القرايب دونما اثمـان ترجيها وخلك رحـوم القلب بالعجز والشيبان = وطفـلٍ يتيمٍ منحرم من حلاويها وخلك صدوقٍ واضح القول بالبرهـان= ترى في المجامل خدعة لزم تمحيها وابنصحك يالعاقـل تأمل بها الاكـوان = فسبحان منشيها وسبحان منهيها تمسك بـدين الله ما ينفعك شيطـان = إذا حضّر حسابك وكشفت خوافيها ترى في صلاتك صحة النفس والابـدان = ونفسٍ بلا إيمـان تكثر مآسيهـا تعيش الحزن والهم مهزوزة الأركـان = تفتش عن الراحه وصعبٍ تلاقيهـا
بعض النساء ماعندهن فكر يفهم = الواحده منهن تبي شبه إنسان أعمى وكل الوقت اصقه وأطرم = ياكل ، ينام ، وفي يديها له رسان ما تقدّر الرجّال .. في لسانها السم = لحظة يطبّ البيت وافاه شيطان الزوج مثل الطفل يا كيف يحرم = عطفٍ ولطف وحب في كل تحنانٍ في مجتمع فيه الرجاجيل تحكم = بيتٍ بلا رجّال ما فيه بيبان
ترى القلب لا منّك رخيته تشدّد= ويجرّك لدربٍ حافلٍ بالمصايب اذا تنوي الاخرى فشوري تردّد= وتفكّر قبل تدفع شديد الضرايب وتذكّر ترى للورد عمرٍ محدّد= مدام البدايه والنهايه قرايب ولكن ترى به فرق مهما تعدّد= به اصلي وبه تقليد فيه الشوايب تعرفه من الأولاد مهما تودّد= تشوف الجفا منهم بليا سبايب غشيش الورد يبدا بشوكه يهدّد= فلا تامنه يتعبك لاصرت شايب وغزالٍ حميته من سهامٍ تسدّد= تشوفه تحوّل ذيب في كل نايب يبي يرغمك تسكت ولا به تندّد= يركب على علباك ماهوب هايب مدام إنّ بيتك بالذراري تمدّد= لغلاهم على قلبك رضيت الهزايب وتحتار بين امرين فيها تردّد= سكوتك عليها أو تشنّ الحرايب خضوعك لها لاجل الظنا لو تلدّد = وترجيه ينفع يوم لاصرت عايب ولكن يقال "الولد لامّه" محدّد= وللي يضمّه كل ويل وعقايب إذا هي معك طابت لقيت التودّد= اذا هي معك خابت غدا الكل خايب ولو قلت مالي حل غير التعدّد= تحوّل لدابٍ يلدغك بالمصايب ومن خلفها جيشٍ بيدها يهدّد= تعيش النكد والهم فالسعد غايب فكل يتشاوى الحق دايم يندّد= يشوفك مكينة صرف تدفع ضرايب فلا بد من تخطيط وفكرٍ مسدّد= تخيّر بدقه من حرار النجايب وخلك حذر وان صار بومٍ تصدّد= قبل ما يفرخ اركنه بالخرايب نزولٍ من اول زلفه ابلا تردّد = ولا طيحةٍ من فوق عوج الركايب
الشعـر كلمة جت لعكس المشاعر = من داخـل الإنسان تظهرخوافيـه ومن لا يقـدّر حس غيره يخاطر = ومن لا عطى محدٍ على الطول يعطيه ومهما علا نجمه ترى الدهر داير = يطيح بالـوديان والوقت يطفيـه وينسى مثل غيره ولـو كان كابر = من غير ذكـرٍ للمحاسن بطـاريه خلّ التواضع منهجك قوم بادر = واكسب زميلك بالجمايل وخاويـه زود الكبر بالنـار احذر وحـاذر= ان كان بك إيمان في يـوم ترجيـه العمـر فاني لـو تزور المقـابر= يمكن تـذكّر شي شـايفك ناسيـه اليوم عايش ، تضمن العيش باكر =أوّل حسابك هالكبر وين تخفيـه
اذا تبغى تعيش الـوقت صكّ العقـل بالف قيود = ودرب الراس مثل الناس وسلّم بالف ترحيبه على من شفت في دربك ولا تحقـر ضعيف هنود = ترى ياما توسط وافدٍ ما يوم تحري به وراقب وين روس القـوم تمشي ركـع وسجـود = تمسمس بالبشت ساعه ولو بايجار تحظي به وخلك ذرب في هرجـك بكلمه تفـرح المقصود = واذا ما تضبط اللهجه تعلّم مثل اجانيبه لقيت انّ الجهـل نعمه ونقص العقـل مثـل الزود= وعرفت العلم ما ينفع ولا يخدم مواجيبه مادام الوقت وقت الجـاه وراع المـال به معدود = ولايسأل عن المصدر ولو يدرا به نهيبه قليـل الفكر يسعى له ولـو هو ما بـذل مجهود = ومن فكّر ولا غامر خسر في الدرب ترتيبه تجي فرصة ورا فرصه يحـددها الـذكي بحدود = وذاك الخبل ياخذها بديونٍ دون تحسيبه ركض كالخيـل يا شقرا ولا يـدري عن المردود = وصار الشيخ في لحظه نسي تاريخه وعيبه عرفت ان العقـل نقمة بهـذا الـوقت ما به فـود = وفهمت العلم ما ينفع بدون (الواو) لصحيبه
فكم تحت السواهي من دواهي= وكم من قاتلٍ شيّع قتيله وكم في الحب من ظنيت فاهي = لدغك بلحظة الحلم الجميله وكنتَ به من اعجابك تباهي = كأن الله لم يخلق بديله وكم من نفس تتبع للسفاهي= تدوّر وردة الحب الأصيله ولو هي فكّرت في امرٍ بداهي = اصيل الورد شكله مو دليله
وزواج الغصب ينتج كره مهما كان تدليله = وزواج المصلحه يفشل ولو خفيت مراميها عليك ابحـرّ شيهانٍ ولـو قلّت به الحيله = وخلي البوم والحصني ولو كبرت مخابيها
من يضرب الحرمه جبانٍ من اقصاه = لو به شجاعة كان حلمه يباريه حرمتك سترك تحفظ اسمك وتحماه = ان كنت حاضر او مسافر وتغليه لاتحـدّها تثـأر بلحظـه من الآه = من حرّ ما توجس ببيتك ولاضيه تنـدم علـى فعـلك بحبٍ ترهّاه = وتهدم حصين البيت لا شئ يبنيه يا غـافل استيقـظ تفّهـم لمعناه = حكم ضميرك والعقـل لا تخليه "يا انجشه رفقاً " ، كـلامٍ بمغزاه = سيد البشر قـاله ، ولازم تراعيه بالعقـل سايسها مثـل مهر ترعاه = وبكلمة حنانٍ تملك القلب تشريه
من قدّم الإحسان يجزى بالإحسان = ومن عـقّ شيبانه يلاقي التبايب يطلـع له اولاد يجـازوه حقران = ولا يسألوا عنه إذا صار عايب واللي بقلبه لـو قليـلٍ من إيمـان= يعرف حقـوق لوالدينه وواجب الأمر واضح ما عرف فيه قولان = أمرٍ من الرحمن جزل الوهـايب
ما يلـدغ المؤمـن مـرارٍ توالـي =تكفيه مـرّه ينتبـه ويـن ماطـاه لا من بدا لك مـن حبيبـك تعالـي= خلّـه يربّيـه الزمـن لا تـرجّـاه من ما له أوّل ..ماله بيـوم تالـي= ومن فيه طبع.. الطبع مايوم خلاّه حب المصالـح ينتهـي بالزوالـي= مهما تغطّى يكشف الوقت مرمـاه
لو حزنا ، لو بكينا ، فالحزن ما فيه فاده=ما يحضّر من فقـدنا ، ما يرّجعهم إلينـا حكمة الله في كتابه ، قبلما يخلق عباده=لازمٍ نرضى المقدّر ، مهما شيئنا اوأبينا كلنا نولد فرادا ، نصرخ بلحظـة ولاده=وكلنا نرحـل احادا ، غيرنا يبكي علينـا قبلنا كل الخلايق ، انتهوا من غير اراده=اسـألي التربه تجيبك عن سجّل الزائرينـا كل واحد جاه دوره ، قبلما يقضي مراده=ما حسب لليـوم زاده ، نحسب انا خالدينا واجبٍ ، فرضٍ علينا أن نفـكر بالعباده=نـزرع لباكر ونخشى من إله العالمينـا لو نصلي ما حزنا ، لو نطقنا بالشهاده=يجلي الله كل غمٍ ، منجـلى يومن بكينـا
مخطيٍ منهو توهق نام باحضان الذياب = ناسي إنّ الذيب ذيبٍ لو يغيّر في الهويّه واعرف إن الوقت غيّر في البشر شيب وشباب= انطفت ذيك العقيده وخبثت ذيك السجيّه تحكم الناس المصالح في الذهاب وفي الإياب = كان ما تعطي ما تاخذ حتى لو حالك رديّه وكان منتَ ذيب تفرس ما تعيش بوسط غاب= وكان قلت الحق تخسر محد يرضى بك خويّه لعنبو هالنفط حوّل كل شيهان لغراب = لعنبوها من حضاره افقدتنا للهويّه لو رجعنا للعقيده ينتهي كل المصاب = دامه مقدّر علينا لا اعتراضٍ للمشيئه ونعرف الدنيا قصيره تنقشع مثل الضباب = عمرها مايوم دامت لاحد من كل البريّه
ادري الدنيا قصيره ظل واقف فيه عابر= لحظه ولابدّ ماشي بعد لفه بالكفاني ما يبيها من عرفها او تمشى في المقابر= وابتدا يسأل لنفسه ثم فكّر في المعاني وين كل الناس راحوا جاوبيني يالحفاير = وكيف في لحدك تساوى كل مظلومٍ وجاني ليه راع العز وجهه في التراب اليوم صاير = ما تعوّد للغبار ولا عرف ضيق المكاني وكيف معدم في حياته قبره بجنب الأكابر = وطول عمره ما يقرّب قصر لفلان الفلاني كلهم راحوا لربٍّ عادلٍ بالنفس خابر= رحلةٍ من دون رجعه للجحيم وللجناني الصقر بالفعل يذكر ما خبر للبوم ذاكر= والرجل يحييه ذكره عارف إنّ العمر فاني والنذل لو طال عمره في كلا الحالين خاسر= لا حياةٍ في كرامه ولا مماتٍ له معاني والرجل فعله وسامه ماهو باجداده يفاخر = سالكٍ درب التواضع لو وصل فوق العناني
لا خاب ظنّك في الزمن لا تجاريه = ولا تعكس التيّار يجرفك للقاع خلك بعيد ولا تجي في محاريه = فالوقت مثل الموج في كل الاطباع من لاحسب للمد والجزر قافيه= تلعب به الامواج ما عنه منّاع تعمي عيون اللي توهق خطاويه= يحسبه يكفي له مجاديف وشراع يا جاهلٍ به تشتكي من بلاويه = الوقت وقت البوم ما هوب لسباع لا تحسب ان العلم والجهد يكفيه= لانّه يبي تلبس خلاخيل وقناع اللي يلبّس ثوب جاوز عراقيه= يرفع شليله لامشى .. دوم مرواع يا سرع ما ياقع ولا من يدانيه = عورته بانت وانكشف ذيل وكراع
المره يا عيالي عقل لا مشهدي = فالشهادة خديعه دون عقل وثبات والمره دين باخلاق بها تحمدي = ولا تزمّت تحارب رجلها بالفتات دوحة له ظليله لوهو هيس أربدي = لزم تصبر وتسعى تْغيّره في سكات ومن بغاها لراتبها فساسه ردي = ومن بغاها لاهلها بومة أو حداة والرجل ياعيالي درعي ومسندي = عقل ناضج وراسي ما تهزه قناة ان بغيت الشهامة والم ينجـدي = وان بغيت الشجاعة مرهبٍ للعداة وان بغيت السموحة طيب الماردي = البشاشة بوجهه يبتسم للعنـاة مايهين المـره بالـذل مستعبدي = وما يذلل عياله بالشتم والعصاة رافع الراس حر هيبته ترعـدي = يكفي انه يطالع دون حكي الشفاة لو فقير ولو حظه تقاعس ردي = نعضده بالصبر ، لين يقوى بثبات لو تجوع المره ، صوم متعبدي = تحمد الله وتشكر في الفقر والغناة
البنت وردة يوم تقطـف وتنصــاب = هشيم تصبـح مـع خمام البساتيـن يجري بها التيار ما تحسب حساب = وفي الآخرة بالذل مكسـورة العيــن يطمع بها الجرذي ولو ماله انيـاب = وتخاف من بعض السلق والكلابيــن تعيش باقي العمر في خوف ورهاب = مشغولـة بالنفـس مثـل المجانيـن بنت العرب جرح الهوى يوم ما طاب = حذراك من درب الحصاني الملاعيـن العقل سيفك فالعقل يـوم مـا خاب = والدين درعك في زمـان الشياطيـن والرجل سترك هو عمودك والاطناب = تخيّـري حـر الصقـور الشياهيـن لو هو فقير ، الفقـر في يوم ما عاب = كـم مـن غنـي تافه في المضامين ولا تهيني الحر باللوم وعتـاب = يطير مـن يـدك وصعـب ترديـن الحر ينتج حر ، والبوم لو طـاب = عنز ولو طـارت وفل الجناحيــن الحر في وقت الشدايد له أنيـاب = سبع شجاع نظرتـه تحـرق العيـن ووقت الرخى دوحه ظليلة ولو شاب = وسيع صـدرٍ عـادل بالموازيـن يتقاسم اللقمة معك ويش ما جاب = رزقه حـلالٍ لا طـرارة سلاطيـن
ياهـل الحرف ربعي بين كاتب وشاعر= الحذر من حروفٍ مثل نار الـوقيد تكتب الحرف لاعمى ما حسبت المخاطر= ومن كتب لك تظنّه عادي{ن} او بليد الـركاده سعــاده لا تعجّـل تقــامر= لين تسمـع وتنظر وتفهم اللي يريد الرجـاجيل مخبر لا حـروف ومنـاظر= بعض صفرٍ وبعض الماس سعره يزيد اضبط الحـرف دايـم واترك العقل يامر= والـوساوس بعيـده دون شيّ{ن} اكيد ناقـل الهرج احـذر ثم حـذّر وحـاذر= من حكى لك حكى بك لو بدى لك عضيد احضر اللي نقل لك ومن نقل عنه حاضر= تكشف الصحّ والكذّاب لـو هم عـويد كان جاهل يعـلّم ، وكان حـاقد ومـاكر= اقطـع خطـوط وصله لا يجي له بريد مثـل هذا ترى حقـده بقلبـه خنـاجر = يقتـله ما يطـوّل مثـل سـمّ الـوريد وانتبه للعـذارا بعضهن خـوش تاجـر= صيـدة الرجـل مهنة من شرفها زهيد ولا تفكـّر تصيد اللـي عفيفـة وطاهر= من رمى بيت غيـره ينتظـر للحصيد العقـوبة قـريبـه من عليـم السرايـر= يـوم تبلى بعرضك وكل صـايد مصيد ويا بنـات النشـاما احـذرن كل داشر= في حـروفه خـديعه رامي{ن} للبعيـد ينصب الطعـم في ردّه وفي الخبث ماهر= يعجب اللـي خفيفـه بالكـلام الحميد تبتـدي الشـات تثغي ثم نقض الظفـاير= ثـم جـوّال يرقص عند موعـد سعيد لين ياخـذ مـراده ، سـددي للخسـاير= وردة العمر ديست ، بعـدها وش يفيـد
انا مالي بدنيـا الـذل ولو عشت العمـر تنكيد = ولا ني عـابد المخلـوق لاجل الجـاه والدولار ولا لي في زمـان الصمت دامي معرف التغريد= وانا مالي نظر في وقت يشـوي الصقر بالامرار انا داري بهالدنيـا قصيـرة والعمـر مايزيد = مصيري راحـل عنها مثـل غيري من الزوّار ولـو اعطى كنـوزالارض ابتركها واروح وحيد = خسـاره ارتحل عبـدٍ وانا حـرٍّ من الاحـرار تري مـوت الفتى مرّه .. وذل النفس كالتأبيد = حرام النفس تسجنها وتركض تتبع التيــار
فالـوقت اشوفه ممتلى بالـرذيله = واللي يبي حقه من الظلم مقهور لا صـار ظلمك من بعيـدٍ تشيله = المشكله لاصار منّك ومغرور وقتٍ يغيّر في النفـوس العليـله = ويطمّع ابنك فيك لو كان ميسور من يظـلم الايتـام فالويل ويله = ياتيه يـوم وكل موعود منظور ولو هي صفت له بين يوم وليله = يا سرع ما تقلب ولا تطلب الشور
احدٍ هداه الله طلع خوش رجال= واحد طلع من جنبها جدار عايب بالرغم من جهدك تلاقيه قد مال= وكل يوم له شله وربع وحبايب يهمل بدرسه دايم الدوم بطال= ومهما دفعته للشغل جاك خايب همه ببطنه لاطموحٍ ولا آمال = يدربي براسه بين غيم وسحايب ويمكن يصل خمسه وعشرين بهبال= ميّت ضمير ولا احتزم للنوايب ان كان سيّبته على مايل الجال= يروح عمره ما جنى للكسايب عاله عليك ولو تحملت الاحمال= تضعف مع الايام لاصرت شايب ويستضعفك ماعاد يسمع لك القال= وتلقى على اسبابه كثير المصايب مثله يبي له حزم في كل الاحوال= وان ما قدرته بعد فعل السبايب شطب عليه ولايجي لك على بال= ولا تاخذك رحمة ذوات الذوايب اما رجع لك رجل في قول وافعال= وإلا جدارٍ طاح مادام عايب وان كان جوزته فلا تضمن الحال= يمكن على غيره تصير التبايب مايترك الماضي ولو عنده عيال= لو صار حاضر جسم فالعقل غايب لا صار هذا قدوه لقادم اجيال = فالبيت كله في وجيه اللهايب فالأم لو ترسي مثل شمخ الجبال= تشوف مالا تحتمله الركايب والبعض منهن تسكت لرخي الحبال= فالرجل مقلع والوضع دوم سايب ولوهي شريفه ماتفكر بالاطفال= دوّاجة بالسوق تشري الأطايب ما تستقر وبيتها دوم باهمال= ودايم تنقل بين اهل وصحايب فبيتٍ تقطع بالمشاكل إلى اوصال= وش ترتجي ينتج سوى جيل خايب
مما اشوفه في زمان الخيابه= من شئ يدمي قلب صافي نواياه غير نفوس الناس من كل لابه = ولا عاد تلقى من تسرّك سجاياه عصر التحضر في طيوره تشابه= تساوت صقوره مع اردى حداياه ركضٍ مع التيار تطرد سرابه = تاخذ قشور الغرب واتفه نفاياه وكلٍ ولا هو داريٍ عن صحابه= اصبح يعاني منطوي في زواياه هذا مريض ولا لقى له طبابه= وهذا المخدر طيّحه في هباياه وهذا الطمع جره يكبر جرابه= لو بالحرام وعايشٍ في عماياه يحسبه بالأموال وصل السحابه= يخفي بلاه وما بطن من خزاياه يقلب على اهله لو هم اقرب قرابه=امه وابوه ومن طلع من غذاياه وهذي عجوزٍ مهمله في خرابه= وهذا عويدٍ رمي تؤلم حكاياه وهذا بإسم الطب ينهب نهابه= محد ردعه ولو تزايد ضحاياه وهذا بإسم الدين يعلي قبابه= ولا من تتبعته تعرف لْرزاياه خدّاع ماكر لاعبٍ بالذيابه = وكم واحد ووحده غدوا من سباياه
والزمن من عرفته ما يبي الا الرخوم = ما يبي الحر الاشقر دام فكره معاه ابتعد عن طريقٍ ما وضـح بالرسوم = واترك اللي مشى به تايهٍ في عماه يمـدح السوق رابـح يحسبنه يدوم = لو حسب للخساره ما تكدر مساه وبيت يسكت على عيبه وساسٍ هضوم= يوم يسقط على راعيه هذا جزاه
وش يفيد النور الاعمي دام ما شاف الطريق= وش يفيد الشوف من قلبه عمى طول الحياة
وش اللي تنتظر من بوم ما ترجي وراه الفود = ولو يغريك في شكله مصيره مثل جدانه ترى الحره تبي حر ولو به شي من منقود = فمن فينا مطهّر طاهر ما فيه نقصانه عريب الساس لو يخطي لاساساته بيوم يعود= ولكن الغراب غراب لو طولت جنحانه اذا من جاك رجّالٍ يبي بنتك عريب جدود= فلا تشاور ولا تفكر .. شريت الماس باثمانه وحذاري فالصفر يصبغ تحسبه كالذهب منشود = ولكن سرع ما يكشر ولا يثبت على الوانه
هني عينٍ ما شكت قلة النوم = وهني قلبٍ دالهٍ عن همومه
كل طفره لو تطوّل هيلمه في هيلمه = سرع ما تطفي وتغرب مثل شمس المغربيّه ما حصل للغير حاصل درس لازم نفهمه= ومن كفر بانعام ربّه ينتظر رد الهديّه
والبعض في درب المراجل على الجال= نسي الكرم واطفى مع الوقت ناره يا ناسيٍ اصله ترى الدهر ميّال = ياسرع ما يقلب على اهل الحضاره
الوقت غير الوقت في الفكر تغيير=وبعض الرجال اليوم بالشكل صوري والنفس تحصيل الزمن والمقادير=والعقل صمام الأمان التجوري البنت ورده والحصاني دبابير=وعمر قصير ولو تعيش بقصوري في وقت صار الدين شكل وتنظير= والبنت مطمع خايبات الطيوري وقت الخكارى بين قردٍ وخنزير= وحصاني تلعب بذات الخدوري
من تبع نفسه فدربه مهلكي = ولو ضحك وقته ترى يقلب عجال ومن تصيّد صيدته ما تتركي= ومن رمى غيره ترى رميه حلال الرجل ماهو بثوب وكبكي = ولو لبس مشلح وميل للعقال الرجل بالعقل حر مدركي = ما يطيع الرجل تمشي في الميال وان نوت بالأمر قال الها ابركي= ولو ربطها بالسلاسل والحبال
الا ياوازنٍ شعره قبل ما تازنه ينصاع = عليك بوزن تفكيرك ترى العقّال يحصونه يبان الرجل من حرفه وبعض الهرج ماله داع = فكم من واحدٍ زلّة لسانه تهدم حصونه وكم من كلمةٍ قالت ترى في مخرجي اوجاع = فدعني وابتعد عنّي الى كلمات مضمونه واذا ما تلتقي غيري فصمتك سيّد الأطباع = مدام الصمت حكمه لو قليل الناس يدرونه ترى ما تنفعك آسف فلا هي تنشرى وتنباع = ولو بعض العرب سامحك ما تدري بمكنونه
كنت اظن الكون جنّه/ واثري بظنّي خطيت = كان ما انته ذيب تفرس/ تفرسك بعض البهم وقمت افكر في حياتي/ وافتكر في اللي بنيت = وهل يساوي عمري اللي ضاع من دون افتهم إنني راحل/ مثل ما جيت/ لوما ارتضيت = تاركٍ خلفي رصيدٍ/ اجتمع بعد النهم مثل من غيري ترجّل/ شوف عيني ما قريت= اندفن وحده/ وراحوا عنه لو كانوا أمم لا رفيق ولا صديق/ ولا قريب لك غذيت = ترتحل وحدك/ ولا من صاحبٍ مهما لطم ومع مرور الوقت تنسى/ مثلما يومك نسيت = من تسبب في وجودك/ وشال عنّك كل هم في القبر تبدا المسيره /دون لو او قول ليت = تحصد اللي قد زرعته/ يوم ما ينفع ندم وش تقول اليا حسابك كشف من ساعة بديت= وشفت قدامك مصيرك يتجه بك للظُلَم لو تفكّر لو تدبّر مقصدي واللي عنيت = تعرف الدنيا سراب ولو تصل لاعلى القمم
الحر هالوقت يشوونه على الملّه= يمكن مع الشوي يسجع عذب الألحاني ما يدروا إن الذهب باقي على حلّه= مهما تحرقه فلا ينقص بالاثماني والحرّ عزّته سيفه دايم يسلّه = في وجه مغرور باموالٍ وبنياني والحر بالفكر يدري الدرب ويدلّه = مسكنه فوق الشواهق عز الاوطاني ولو جاع ماهو من اللي يرتضي الذلّه= ولا هو من اللي يبات الليل جوعاني يبحث عن الرزق دام الله ضمينٍ له= ويعيش عمره بلا همٍّ ولا احزاني امّا أنت ياللي جمعت المال كالجلّه= ما ينفعك مال قارونٍ وهاماني ودّك بلحظة سعادة نفس معتله= تشعر بداخلك نقصانٍ وحرماني تغبط فقيرٍ بجنب النار والدلّه = في البر عايش بلا سقفٍ وبيباني من كان يبغي السعاده بالعمر كلّّه = يقنع برزقه ولا بالعمر ينهاني دنياك يا صاحبي لو شفتها فلّه = يا سرع ما تنقلب شوكٍ وعيداني
مشكله لاصرت مع خلٍ غيور = لو بكيفه حطك بشبكٍ حديد فالجهل لاصار من ذات الخدور= يهدم الآمال في البيت السعيد الرجل لا صار من حر الطيور = فل جنحانه وهاجر للبعيد
فمن حكى لك حكى بك لو من الأقربين= ومن كشف ستر بيته كاشفٍ لدبره وكل سرٍ تعدى اثنين لازم يبين= ينتشر ثم ياصل من جهلت خبره القناعه مناعه درعك اللي حصين = سدّ باب الطمع بالياس لا تدفره
يقولون في الأمثال من زود حقدها= "تموت الافاعي وسمها في نحورها" وانا اقول ما ظنيت لو شفت لحدها = مدام تزْعج سمها في بذورها فمن غاص وامواج البحر زل مدها = لزاماً تجرّه لابتدت في جزورها ومن يامن الافعى ولو طال فقدها = تبيّن عليه وتلدغه من شرورها فمن راد يامن باقي العمر حقدها = فلابد ما يقطع من ارضٍ جذورها
"الولد لا طاب طيبه من خواله" = عنه لاتسأل ولا عن والدينه قالها "ابن الذيب" في ماضٍ مضى له= ما درى اللي صار بالوقت وسنينه يوم صار الرجل طيبه من حلاله = لو سرق والاّ نهب محدٍ يدينه دام يتصدّق ولو من سحت ماله = صار له شانٍ ولو هم خابرينه في زمان كاسبٍ فيه الحثاله = ومن حنى ظهره لاجل يملى يدينه لين كل صار يعشق لابتذاله = كود ياصل مثل غيره من هجينه لو مشى دربه بمكره واحتياله = الزمن علّمه ياخذ كل شينه ما ورثها من عمامه او خواله = ولا كسبها من ضميرٍ فيه دينه تاركٍ عهد الرجوله عن شماله = وواخذٍ عهد الحصاني من يمينه ومن حفظ مبداه واعزي لحاله = عايش محتاس ماله من يعينه الفقر واطيه بلشٍ في عياله= والزمن لو هو قسى ما ارخى جبينه فالله اللي واهبٍ أطيب خصاله = ومن يظنّه ورث ما يدري يقينه فكم لهيب ما قدرنا لاحتماله = انتجت ناره رماد وطار حينه
عذروب في الرجال لاصار مطفوق = قلبه يقوده في سراب الأماني تضحك عليه البيض بالحب والشوق= ويطيح في فخٍ لبعض الغواني ولا من تنبه لا نشا رعد وبروق = ممداه يلحق وانجرف للطماني فاللي لدغه الداب لا شاف بالسوق = حبلٍ توقّف خايف اللدغ ثاني مثل الحرامي لا تصدّق بمسروق = والله ما يقبل خبيث المجاني
بعض العرب يسحرك منطق كلامه = واليا بغيته للفعل ما تلاقيه بياع هرج ولا يخاف الملامه= دامه يلاقي من يخدعه ويغويه لا من سمعته تغبطه بافتهامه = عالم خبير وتندهش من فتاويه ولا من حشرته انكشف لك طمامه= فحبل الكذب لو طال تقصر خطاويه مثله كثير في زمان الرخامه = والمشكله هرجه مع البعض يعليه يقرّب وياصل ما بغى من مرامه = ويصير له جاهٍ ولا احدٍ يضاهيه واللي وضوح ولا يعرف العتامه= يشكي زمانٍ ما يعيش الرجل فيه حتى ولو هو عالي في مقامه = يوطيه وقتٍ يشوي الحر لاظيه
من تقاعد لايدوّر زود مالي = يرتضي المقسوم يكفيه ادخاره ولا يقابل حرمته مثل الكحالي = جاهزٍ للشرّ عند ادنى شراره ينشغل في شئ ما يجلب وبالي = ويبتدي يفهم لنفسه عن جداره يرجع لأصله بعد زيف الجمالي = بعد عمر ضاع يطرد في غباره يكتشف قدرات في يومٍ محالي = يكتشفها لانشغاله في مساره ينفع الأجيـال من عذب المقالي = وفكرةٍ منّه لمن فاته قطاره في زمانٍ كل شيٍّ صار غالي = غير ذلّ النفس في زيف الحضاره الدراهم كالمراهم لا جدالي = لكن ان زادت غدت هم ومراره
لا صرت في بيتك وحيدٍ لحالك = اطيب من اللي كل يوم جماعه حتى ولو في وحدتك ضاق بالك= العاقل اللي من يكيّف طباعه في وقت صار الكون كله قابلك= تشوف ما تبغاه في كل ساعه دشٍ و "نتٍ" تشغلك عن سؤالك = وتجني فوايد تنفعك باختراعه ولوك تفكر بالعقل في حوالك = فانته وحيد قبل سن الرضاعه وترحل وحيد وتنتهي في مآلك= مثلك مثل من لف يوم شراعه ماهوب عيب انك وحيد لحالك = العيب لا خاويت راع الخداعه
وصلت للدنيا ولا شي بيديّ = وارحل مثلما جيت واترك غثاها دنياي هي دنياي ما دامني حيّ = ولا مت ماني داريٍ من خذاها من ظنها تبقى ترى بالفكر عيّ = ما دامت لغيره ولا اشتراها الملك لله مخرج الميت من حيّ = اللي رفع سبعٍ وطمّن ثراها
ينقهر من عاش في وقته ذكي = يدرك الأوضاع ما يجهل خفايا لو يشوف الظلم ما يقدر حكي = كلمته في الحق تخدش للمرايا ولا بغى الإنصاف وإلا يشتكي= صارت الشكوى على راسه شظايا غابةٍ هالكون مافيه شككي = والوحوش كثار تفرس في الحدايا لعنبوها من حضارة مشركي = ما عطانا غير منحوس العطايا والحظيظ اللي غبيٍ ويضحكي = ما شغل فكره بهم ولا قضايا
اعلمه الرمايه كود يكبر = ولاقي فيه درعي والسناني وياليتي سالمٍ من علم مااثمر = بعد ما كبر بسهامي رماني خطيت بفهم وقت صار اغبر= غطى عيوني فلا شفت الحصاني تشوف الشكل بالمنطوق يسحر= وتاثق به تحسب انه حصاني ولكن الحصيني لو تصبّر = يختلك لين يطعن في المحاني وطعنه من شجاع ولو تجبر = عليك اهون من طعون الجباني وطعنه من عدوٍ فيك يظفر = ولا طعنة صديق قلّباني فكم لك من صديقٍ فيه تفخر = يخونك وانت في لحظة وماني وسرك لا طلع مهما تحذر = وباله يلحقك قبل الأواني فهو ملكك بصدرك لو تأخر= وملك الغير لا زل اللساني ومعروفك ولو بالخير تؤجر = على ذيخٍ حصيلته الهواني ترى الرجال مخبر قبل مظهر = فلا يخدعك شكل المودماني
لا رحل غالي يعاودك الصراع = خايف الاقدار تضرب من قريب فالزمن غدار ما غيّر طباع = كم وكم فرق حبيبٍ عن حبيب "في أمان الله" تخفي في القناع = ما جهلنا عند لحظات المغيب ليت علم الغيب للمؤمن مشاع= ليت يدري بالمقدر والنصيب كان عاش بدنيته دون التياع= وما ذرف دمعه ولا حس اللهيب
حظك الى من طاب خلاك باشا = تكسب ولو بعت الهوى في الخياشا واليا تردّى سكنك بالعشاشا = ولا انتاب سالم من مسلف وديّان مثلك كثير كان حظك تردى = فانظر لغيرك لا بنفسك تبدى وان كان تفطر ثم بعده تغدى = فالبعض طول اليوم بالشمس جيعان
ما يجتمع مالٍ على غير تدبير= ولا يغتني رجلٍ كثير الشهاوي فاحفظ لمالك ما يحوجك الى الغير= وتلجأ بذله عند حصني وواوي في وقت ما يقدّر صغير ولا كبير= لا صار صفر اليد ما له مخاوي لو هو اخوك وتذكره دوم بالخير= وعنده كنوز ولملايين حاوي لاجيت له مره بذل لك بتقدير= وبالثانيه ينصحك نصح المداوي وبالثالثه يعطيك لكن بنحذير = وبالرابعه عذره مولم وكاوي فارفع مناحيها بعقلٍ وتفكير= فقرش معك تلقاه لاجاك عاوي وكانك غني لا تفكر بتقتير= انفع هلك واللي به البطن خاوي وخلك وسط لاتكون عبد الدنانير= ولا مسرفٍ بالصرف للصرف غاوي المال يرفع كل طبل وطرطير= والفقر ينزل كل حرٍ نداوي
الأب لا منه بذل كل مجهود = مع العيال فلا عليه الملامه لامن طلع فيهم نكيدٍ ومنكود = ونفوٍ غريب بين بوم وفدامه كم من رجل بالطيب ما عنه منشود = خلف لئامٍ ما مشوا باستقامه وكم من لئيمٍ منحرف ما وفى عهود= انتج رجال بالوفى والشهامه فالطفل من صغره وهو تو مولود= يطور صفاته قبل يبدا فطامه كانت حنون وعقلها يازن الطود= يصير ناضج بالفعل او كلامه وكانت انانيه تصعفق بلا ركود= يصير مهزوزٍ بعقل الحمامه لا من كبر ما همها أي منقود = يلحق ولدها لو مشى في عتامه تغطي عليه ولاتبي يدري العود= حتى يفاجى بعلته والرخامه
لا صرت لا شيخٍ ولا عبد للشيخ= ولا تابعٍ له ماشيٍ في ظلاله ولاّ حرامي ما خشى أي توبيخ = او مرتشي ماخاف ناتج فعاله تتعب بوقتٍ فيه الاخلاص تاريخ = وحتى الأمانه والوفاء به محاله فاللي ضميره حي ماداس توصيخ=يحسب حساب ليوم يبدا ارتحاله الله خلقنا احرار باجمل تناسيخ= نعبده وحده ما ندور بداله ومن يخضع لغيره بذله وتنويخ= يموت عبد ولو جبالٍ حلاله
بين زيف الحضاره وانبطاح وفساد = تاه راع المبادي مالقى له عضيد دام فيه الأمانه والوفاء للبلاد = ما يقاوم عواصف تتعبه لو عنيد في زمانٍ بقهره زاد ذل العباد= لين صار الخلايق يتبعوا كل سيد معظم الخلق تركض دون فكر ورشاد= كل واحد وهمه كيف يعلي الرصيد لو تذلل ونافق لاجل اخذ المراد = كل شي حلال بملته لو زهيد غابةٍ صار فيها الذيب يخشى يصاد= من شراك الحصاني بالختل والمكيد
ياللي تنادي بحكومات ديمقراطيه= ماكل شعب تناسب له مباديها وشعب العرب اغلبه في شبه محميه= من الجهل والثقافه ما وعى فيها
بالعالم الثالث تشوف العجايب = اللي بليا واسطه راح بالطين لو كان عالم في مجاله فغايب = ولو كان مخلص يحكمه ضامر ودين يشوف قدامه صنوف المعايب = الروس تحت وفوقهن الكراعين
في زمان الفبركه لا تصدق ما تشوف = من صور باية خبر دونما تاقف عليه كثرت اخبار الكذب من اشاعاتٍ تطوف= تشعل الفتنه فلا تنقل اللي لك عليه ولا تظن انك فهيمٍ بالسياسه والظروف = غيرك اشطر مالقى شي منها يبتغيه كلها كذب وخداع لا تجرك كالخروف = ابتعد تسلم من اخبار جاهل او سفيه
بحر السياسه صفحته خداعه = الوجه ظاهر والعموق خفيه والعاقل اللي قاصر باطماعه = ما تخدعه شهره ورقصة حيه ماكل نجمٍ صادقٍ باشعاعه = يمكن صناعي صنعته صينيه وما كل ما ينقال يعكس قاعه = فخلك حذر في فهمك الحريه ساير امورك وانتبه للساعه = وقت يتلاقى الليل والفجريه الليل ما ينهيه وقت اقلاعه = والفجر ما يبدا بشمسٍ حيه لسانك حصانك فاربطه بكراعه= من قبل ما يرميك باسفل طيه
جيت للدنيا وحيد وارتحل منها وحيد= تاركٍ ما اكتسبته من حلالٍ او عيال ودام هذا الحال احسن عيشتي وحدي بعيد= خير من ناس تدور للهرج قيلٍ وقال او تدور للمصالح كود تلقى ما يفيد = وكان ما بك من فوايد ما تنزل بالسؤال كل واحد كل همه كيف يعلي للرصيد = ما يفكر في حرام ولا يفكر في حلال ضامره ميّت ولا هو خايفٍ يوم الوعيد= داخله نفس مريضه لو ملك ثقل الجبال
اسم العرب ماخوذ من اربع ارباع = ربعٍٍ اصيل ولو يحده زمانه وربعٍٍ شهاوي كل همه اذا جاع= يملى لبطنه والشرب والعفانه وربعٍ اناني دوم يبحث عن اطماع= يبيع دينه والأهل والأمانه وربع ثخين المخ احمق اذا فاع= خرب على نفسه وهدم كيانه ثلاثة ارباع العرب مالهم داع = ودك تعلق كل واحد مكانه
تكثر هموم الرجل لا كثروا عياله = قلبه عليهم وبعض بعالمٍ ثاني وبعضٍ على خر اذنه دالهٍ باله = ما ينشدوا عنه إلا بعض الاحياني هذا زمانٍ اشوفه خرب اجياله = انتج لنا جيل من بومٍ وغرباني
لقيت الناس في عصر الحضاره = تبيع الدين لا عقل وبصيره تخادع نفسها في كل تاره = وتخدع غيرها في كل سيره تبي المكسب بعرضه للتجاره = ولا تخشى لعلام السريره
كل شعب له خصوصيه وشخصيه فريده= بالتدين والتأمل والتعايش والسياسه ماصلح للغرب مايصلح لمن عنده عقيده=تحكمه في كل درب ف العلاقه بين ناسه
الدين لله والوطن لاهله جميع = وكلٍ على فعله يحاسبه الإله ومن راجع التاريخ يفهم به سريع= بعصر النبوه او بتاريخٍ تلاه الدين لله من مشى به مايضيع= ما خيب الله من يبي يكسب رضاه
كل شيٍّ زاد سعره من فواكه او خضر = وقيمة الرجال تنزل دام اصوله يعربيه ما يساوي سعر قطوٍ عند من يرعى البقر = ولا يساوي قدر كاتم عند شرطه امريكيه راضع مر المذله بالطفوله والصغر= ومن تربى بالمذله يصبح لذله ضحيه
قالوا الأرزاق قسمه وغير رزقك ماتحوش=قلت ذا هرجٍ يخدر كل محتاجٍ نزيه كل متنفذ وصاحب ظهر من اهل الكروش= ياخذ لرزقه ورزق الغير واللي ينتويه ومن عمل في كل امانه ساهر الليل الغبوش =ماله إلا راتبه لو كان في شغله فقيه ومن وطاه الفقر لو يجري مثل جري الوحوش= دام ماشي بالنزاهه فالفقره يركض اليه
شعرٍ بلا معنى وحس وميزان = ماهو بشعرٍ يستحق القرايه ولو كان من شاعر كبيرٍ وفنان= له شهرته بين العرب بالدعايه
لامن بغيت تعيش بامن وسلامه=لا تصير راس ولا تكن موقع الذيل راسٍ بلا اكتاف سهلٍ صرامه = واكتاف ببلا ظهر ما تحتمل شيل والذيل ملفى ما خبث من قمامه= حتى ولو هو ذيل للذيب والخيل خلك وسط لو قيل فيك الغشامه = ولو قيل متبلد وبارد وتنبيل وابعد عن اخبارٍ تثير الندامه = تزعلك ماتدري بها كل تظليل لانّ السياسه لغز تجهل مرامه = حتى ولو معها شروحٍٍ وتحليل
غسيل المخ لا منّه بدا بأمه يشتتها = = خصوصا لا استغل الدين في نهجه ومشواره بامه ينتشر فيها الجهل يطوي مسافتها = سوى من قلةٍ يادوب تفك الخط واسطاره
فالسياسه بها كذب ونفاق وغلاسه= والسياسه بها اسرار تخفى الخبير كل تصريح تسمع لو بتبحث اساسه=تعرفه مخفي خلفه غموضٍ كثير فالمصالح تجمّع بين اهل الرياسه = ولو ضرب بعضهم بعض بهرجٍ خطير تحسب الحرب قامت منذره بالتعاسه= وسط غابٍ وتسمع للأسود الزئير والهدف ظبي في لحمه يلاقوا الوناسه= غير لابد يقسم قبل وقت النفير اتفاق الأسود بكل خبث وخساسه = واحدٍ له يهدد وآخرٍ له نصير
يقولون الشعب يختار من يحكمه بالصندوق= واقول الهرج ذا خدعه توصل من يريدونه يبيعوا ويشتروا باصوات جايع او لحقه العوق= وياصل طبل بيديهم يوجه كيف يبغونه هوامير السياسه تحكمه ف الظل مثل الطوق = وتلعب ف البلد واللي يعارض ما يتركونه واذا منّه تمرد او بدا يحتج لو بالذوق = لوو منه الذراع بتهمةٍ ثمن يشيلونه فلا من حكم لشعوبٍ تباع وتشترى بالسوق= وتخدع في شعارٍ للعدل واللي يرزونه بغابه ما بها غير الحصاني لاعبه برفوق = على اوتار حاجات الشعب باللي يعزفونه
الشر يجلب شر والخير للخير = والثأر عند المودماني سجيه اما لنفسه او لأهله او الغير = من الأقارب او لعرض وحميه
في العالم الثالث اذا صرت حاكم = فكل الذي حولك على الناس حكام ياصلك واحدهم وهو شبه خادم= واليا تمكن عنك يختم بالاختام ومن قبل ياصل يبحث لشخص قادم= يصير له جسرٍ يعبره لقدام يثني عليه بقولة الرجل عالم = ومخلص وفيٍ وبالمهمات ضرغام حتى ولو هو طبل ماهوب نادم= يسهل اموره رغم قانون ونظام ويتحولون الشعب مثل البهايم = كلٍ يبي المرعى وفي خشمه خطام خدام تطمح في فتات الغنايم = متبلدين وعايشينٍ كالانعام فالعالم الثالث يعيش بتقادم = وغيره تطور والسبب شعب خدام
موت الفتى في ماقف العز ساعه = ولا حياةٍ بالمذله مية عام والعز ماهو جمع مال وطماعه= ولا هوب جاهٍ تاصله عند خدام العز حب الدار والدين طاعه = وضمير حي ماتبدله الايام وحقٍ تقوله عن يقين وشجاعه = حتى على نفسك وتقبل للاحكام وعدو جدك لاتصدق خداعه = لو هو تبسم في ضميره لك الغام ياتيك من كل الفجوج بلكاعه = من شان تامن له ويغدرك قدام
لقيت الحب من وهج الغريزه= يتلاشى لا غدا الرجال شايب ولو لاحظت هرجه وقزيزه = مراهق مايثمن للعقايب مثل هذا يبي كربة قفيزه= لعله للعقل في يوم آيب كثير الناس يخدع مع لزيزه= يدور حب مايخشى الصعايب ولو فكر بلحظاتٍ وجيزه = عرف سره ومابه من لهايب ترى الرجال مايسوى بريزه= اذا من طاح في بعض المعايب فخل العقل يحكم لا الغريزه = تعيش بسعد ما شفت المصايب
الموت حق وواطيٍ كل الانام = ومن لا اعتبر بالغير فاقد رشاده والانسان لامن وصل تسعين عام = يرجع مثل ما كان عند الولاده عاله على غيره اذا من صحى وقام= وفي ملبسه او مأكله او عتاده والذاكره تمسح مثل مسح الافلام= ولا عاد يذكر غير وقت القراده يومه يطامر كنه الليث ضرغام= وقت المراهق والشباب ببلاده ومع كثرة امراضه حقيقه واوهام= ماعاد يتحمل ولا له جلاده
كم من فقير مهتني في رقاده = وكم من غنيٍ ماعرف لذة النوم وكم من فقير عايشٍ في سعاده= وكم من غني بالمرض دوم موهوم فلا صرت في صحه فكبر وساده= غيرك ولو عنده ملايين محروم كثر الدراهم محدثٍ للقراده = وفي قلها علاجٍ فلا تكثر اللوم اقنع بعيشك ملتزم للعباده = تلقى بها الراحه ولو كنت مضيوم فالمستريح اللي رحل في سعاده= واحسن لغيره من حبايب ومن قوم يذكر بطيبه عند وقت ابتعاده = ومجزي بالخيرات في يوم معلوم
اشهد ان الرجوله انتهت والرجال= واشهد ان الحريّم دحدرن للحديره يحسبون الحضاره تنشرى بالريال= او بتقليدٍ اعمى للشعوب الحقيره الحضاره عقولٍ ما تعرف المحال= بين علمٍ وبحثٍ ف الأمور الكبيره والحضاره مبادئ راسخه كالجبال= ما تغيّر بمد الغرب لحظه يسيره والعمل باجتهاد وجد ماله مثال= كل واحد يحس بقيمته بالمسيره كل واحد امين وكل رزقه حلال = لاجل عز الوطن يعمل بطيب السريره
لو تصدق الامثال في كل الاحيان= كان العرب اذكى البشر بالفطانه قالوا الفتى لازاد هرجه بنقصان= ولو هو صحيحٍح فكل اطرم تكانه وقالوا ترى الجدران تسمع لها آذان=واقول ما تمشي على اهل الذهانه فكلمتك دامت عن دليلٍ وبرهان = يهاب منها من فقد لاتزانه اصدع بكلمة حق لاتخاف انسان= تكسب رضا الرحمن باعلا مكانه لكن بعقل وكل كلمه بميزان = واسلوب راقي دون سب واهانه ولا يخدعك شكل الرجل ويش ماكان= حتى ولو تدري بعرقه متانه
تدري وش اللي يقتل الحر بسكات = انه يشوف البوم هالوقت مطلوب وتدري وش اللي يحرق الحر بآهات = انه يشوف الوضع بالحيل مقلوب
لاجتك غلطه من عزيزٍ تودّه = وانته تعرفه من قبل باتزانه فحاول تفهّم حالته وقت شدّه= يمكن تغيّر وانت تجهل بشانه ويمكن بلحظات الغضب جاك مَدّه= وشملك مع غيرك بزلة لسانه فدور عن الأسباب حوله وحدّه= يمكن يعاني ضغط هزّ لكيانه انصحه يتعالج فضغطه يهده= ويجعله ما يدرك لهرج الرعانه ومن لاحكم نفسه بهزله وجده = يدفع ثمن غلطته بآخر زمانه
تدري وش اللي يفرق الحي من ميت = انه بنبضٍ ينعرف من عروقه نبضه مبادي في ضميره بتثبيت = يأبى المذله لو يوقّف خفوقه عزيز نفس رافع الراس له صيت= يهابه الأنذال لا دار موقه قانع برزقه ماركض خلف هلفيت = حتى ولو ضاعت بوقته حقوقه والميت ميّت ضامره لاجل حلتيت = عبدٍ ولوهو حر لو قام سوقه من يوم جانا النفط في غير توقيت= صرنا خيولٍ للدراهم سبوقه لا دين لا مبدا نعيش بتوابيت = جسم بليا روح تروي عذوقه واللي على المبدأ حياته بتشويت= من كل واوي بالرماح الدروقه
من صد عني اعذره وابحث الداعي=مره وثنتين وابعد عنه ودروبه لأني اعرف الخلايق عينها تراعي=للمصلحه في زمان بان عذروبه من كثر ماله كثر ربعه والاتباعي= ولا قل ماله فلااحدٍ ماشيٍ صوبه
نفوس البشر ماهي سوى فانتبه ياصاح= ولو شفتها في بعض الاحيان تتشابه نفوسٍ تحمل ما يجي جد ولاّ مزاح = ونفوس تثور وكنها النار شبابه ونفوس ولو تضحك تعاني نزيف جراح= ونفوسٍ ولو مرتاحةٍ دوم سبّابه ونفوس عطت للعقل دوره تبي ارباح= يتحكم بها من دون نزوات لهابه فصديقك هو اللي تاجده دوم لك نصّاح = مرايه تعكس الصدق ماهيب حجّابه
يا ابن آدم لو تفكّر في حياتك من جديد= كيف جيت ووين رايح في مسارات لحياة جيت للدنيا وحيد وترتحل منها وحيد = ولا يعرف الناس عنّك كود طيب الذكريات جيت من ضعف وعمرك لو تشوفه بالمديد= النهايه ضعف ترجع كالطفل ماله سواة لا متى تجهل مصيرك لا متى وانته عنيد=يخدعك مال وجاه ولا تفكّر ف الممات ناسيٍ انه قريب منك ما عنّك يحيد = اذكر اللي راح دون انذارٍ لحظات الوفات
كلما درت فكري في زمان الغرابه = شفت شيٍ عجيبٍ واضح للضرير من مشى باعتدالٍ ماشيٍ وسط غابه= مالقى له خوي ولا لقى له نصير غابةٍ ما بها ياكود بعض الذيابه = وانقسام الخلايق بالفكر والمسير قسم متشددٍ ف الدين حامل كتابه= ضد اية تطوّر لو بقدرٍ يسير وقسم مترهبلٍ لو شفت قصّر ثيابه= كل همه يبي الدولار مهما يصير وقسم لو كان عالم مامشى في صوابه= خادمٍ للقوي ولو ظلم للفقير وقسم متحررٍ للغرب وجه ركابه= وصار مثل الغراب اللي عجز لايطير كل همه يبي المنصب ولو بالنصابه= كل شيٍ يبيعه ميّت للضمير وكل هذا يفسر وضعنا بالخيابه = من فساد نشوفه في كبير وصغير
الرجل مستقلٍ بالفكر ما يحير = وما جهل به بحث به لين يلقى اليقيني فلا تكن نعجةٍ مع كل عجه تطير = تسمع لقول حصني لو حلف باليميني
الرجل لا ادى واجبه غير مسؤول= عن النتايج صالحه او سقيمه يمكن بعد بذره يلاقي لمحصول= ويمكن رياح الوقت تذري هشيمه خطو الولد يعجبك بالفعل والقول= وخطو الولد مهما كبر كالبهيمه
كنت احسب الدنيا تجي باجتهادي= ولقيتها حظ ونصيبٍ ومقسوم تشوف بومٍ كل مافيه عادي= من بعد ماهو خادمٍ صار مخدوم وتشوف صقرٍ من فعاله قيادي= يشعر بقهر ودوم بالضيق محكوم
حراميٍ يحرسك لو خذ نصف مالك= ولا مخادع محلل للحراميه وان كان تبغى السلامه انت وعيالك=اقنع بقسمك ولو واحد من الميه لاسلم عودك زمانك يرجع لحالك = فسلم امورك لربٍ يعلم النيه وان مت من جوع ماثقلت شيالك= لكن بلا ذل لاوغادٍ وواويه من كل متغطرس يصفعك بنعالك= يبيك عبدٍ ذليلٍ في قهاويه موتك عزيزٍ بنفسك يوم ترحالك= ولا يقال عبدٍ توفى لاجل ربيه
اشره على الغالي اذا اخطا عليّه = والاّ الردي ما يستحق المشاريه واجنّبه من شان يدري الخطيّه = حتى ولو عانيت لا جيب طاريه
كلمة مسبه من عزيزٍ توده = صفعه بوجهك كنها السيف بتار ومن لا احترم نفسه ترى الناس ضده= محدٍ يسامح من رمى الغير باوزار ومن لاتحكم في الغضب وقت جده= دهوره هرجه دوم ف الدرب محتار ومن لانظر عيبه بعقلٍ يمده = نظرته لعيوب الملا تورث النار فخل العقل يحكمك ليا ترده = تمشي بدربك رافع الراس باكبار ومن قال هرج بالصدر دوم بده= ماهوب عاقل ما يثمن للاخطار كلمتك من عقلك فلا يبين سده = إلا بكلمة ناضجه مابها اكدار والا ترى فالصمت حكمه يعده = من كان عاقل ماشي بدرب الاخيار
مقعدك وحدك بين شم العرانين = اريح لبالك من مطارد سرابي من يزرع بأرض الصبخ يلحقه دين = وما يجني الا حنظلٍ للشرابي ومن تاه دام الشمس فوق الحجاجين = وشلون لا جا الليل والبدر غابي ومن طاوع لقلبه يخدعه الى حين = ولا من صحى عانى الألم والمصابي ودامك تعيش بوقت كله ثعابين = فاحفظ لقرشك يرفعك للسحابي الخلق ما تنفعك لو هم قريبين = من دون قرشك ما تساوي ترابي محدٍ بهذا الوقت محكوم بالدين = تقول يرفعني اذا الظهر عابي إلا اذا يعرف وراك الملايين = والا تخلى ما طمع في ثوابي قرشك يخدمك ما تبي منة ادنين = فطرب لعمرك وانتظر للمآبي
الخفافيش ترقد روسها مقلوبه= ماسكه بالسقوف وثابته رجليها من دم الغير تحيا ماتلاقي صعوبه= شوفها لو قليلٍ سمعها يقديها تصدر الصوت حتى من صداه اعجوبه= تعرف تطير ماتخشى حدٍ يرميها بالمراوغ سريعه ماتهدي نوبه = لين تلقى الضحيه مغمضه عينيها مثل بعض الخشاش بغابةٍ منكوبه= ناخشه للجذوع وبالحرق تنويها لو تشوف الورق اخضر فهو اكذوبه= بين حينٍ وحينٍ ينكشف ذاويها كلما هب عاصوفٍ تشوف ندوبه = الورق بان اصفر طايحٍ بادنيها لو بها النيل جاري بالحلا وعذوبه = نبتته دوم حنظل لو شهد يسقيها من بنى جدار عالي لو يليص طوبه= دام ساسه رديٍ فساعته تحريها الضماير توفت واصبحت العوبه= عن جميل المعاني غاسله يدّيها لو تشوف المطوع قاصر في ثوبه= اسبره لين تدري فعلةٍ ناويها دام كلٍ يفكّر كيف يملى جيوبه= لا تحرى اخضرار او غابته يحييها
لاصرت ما تعرف تجر الربابه= ولا تدق الطار او تعزف الناي فانته نشازٍ في زمان النهابه= حتى ولو حطوك فراش للشاي فالمرجله راحت بعصر الكوابه= كلٍ يبي ينهش ولو كان صواي فالكل صار اليوم فاقد صوابه= واللي بعقله صار كالغصن ذواي
اكبر خطا ان العقل ما يقديك = وان العواطف تحكمك في مسارك واكبر خطر انك تدور شهاويك= وان الغريزه تدفعك لانهيارك واكبر خطر كاسٍ مع الوقت يعميك= وما تدري انك تنتحر باختيارك واكبر خطا هرجٍ ومزحٍ يسليك= ولا تدري انك تفتقد به وقارك واكبر خطا انك بعصر المماليك= تحسبك حر بقيمتك واعتبارك فاحفظ لسانك وانتبه لا يوديك = تروح طعم جحوش ببلا معارك المجتمع بالفرد من دون تشكيك= واليا اهمله يلحقه ماجاء مبارك
خطو المره من دون رجلٍ يصونها = ياسرع ما تاقع بكثر المصايب مثل بقره لاعنفصت من يردها= حتى تطيح بجفرةٍ من لهايب فبيتٍ بلا رجال يشكم حريمه= يضيع في وقتٍ كثر الشوايب يعثى به الحصني ولا من يرده= ويحتل جدرانه بفعل الهبايب في مجتمع فيه الحصاني كثيره= تفرح اذا من شافت الذيب غايب العقل نعمه ينقذ البنت في الدجي= لا صار ليل "النت" ف الشر ذايب
لا طاول الهم يضعف عالي الهمه= حتى ولو كان ضلعٍ شامخٍ راسي واكبر هموم الرجل لاجات من يمه= من اقرب الناس ممن مابه احساسي فالنار ترث رمادٍ يجلب الغمه = والنخل يمرض اذا من جاه دباسي
نقفي عن المقفي ولو كان غالي = ومن باعنا بالرخص نهمل لطاريه لا جت مسبّه من قريب موالي = خله على فاله زمانه يربيه الشمس ما تحجب بواهي الظلالي= والحق يحرق من يحجبه ويعميه ومن لاحكمه العقل في كل حالي=يتوه في دربه ولا من يقديه ومن يجهل بعيبه من العقل خالي = غافي بوهم ولا لقى من يصحيه ومن لا عرف حجمه فهو كالكحالي=يحسبه صقر ولو خسر في تحديه ومن لا احترم نفسه فلا به جدالي= ما يحترمه الغير لو هو مواليه فلا تندفع بالعاطفه في عجالي= اوزن كلامك دامت الخلق تحصيه لاتاخذك نخوتك دربٍ ميالي= لا جاك من يشكي وتجهل خوافيه خلك بحكمك ماشيٍ بالعدالي= تسمع لخصمه قبل تقبل شكاويه نور الحقيقه يتضح بالسؤالي= والغوص في اعماق هرجٍ توافيه بعض البشر يخطي بفهم المقالي= وبعض البشر يكذب على من يداريه ومن خسر لاقرابه يشوف الوبالي= يرهاه طامع مالقى درع يحميه
شريك عمرك من اذا طحت تلقاه= يسهر على راحتك لو حرم نومه مهوب من يعجبك مادام برضاه = واليا زعل بانت خفايا علومه البيت له حرمه والاسرار مبناه= ولا من تفشت طاحت اعلا رسومه عليك باللي كالحصن يوم تنصاه= ذراك يوم الوقت ينفث سمومه ولا تنخدع بالأصل فالعرق تواه = فاللي تظنه صقر تلقاه بومه ولا تقرب اللي المصلحه دوم مبداه= يبيع خله لو لقى من يسومه ركز على اللي تعرفه كيف منشاه= وشلون عايش بين اهل وعمومه ماشٍ يعيبه وين ماكان ممشاه = عن قلب دينه ماسكٍ في سلومه
كثر المقابل محدثٍ للمشاكل = مع من تحبه من ضميرك وتغليه فلا تطول الجلسه ولو كنت غافل= يجيك شيٍ منه ماكنت محريه الناس حساسه ولا انتاب جاهل= واحد مريض وآخرٍ فيه مافيه فالعقل مع من ترى غير عاقل= يجعله يطمع او يصعد تحديه فاضرب على الكايد اذا كنت باحل= ولا تخشى غير اللي بسط لك اراضيه فللصبر حد وكل طالع بنازل = ومن لا حمى حده ترى الناس ترهيه
زلة لسان المرء تكشف كنينه = وعند الدراهم ينكشف كل مستور لا تامن الدنيا تراها خوينه = واللي تثق به ينكشف يلعب الدور لا من بدا ضعفك يطلع دفينه = من بعد ماهو صامتٍ عمر ودهور هالعينه ماهي لعمرك امينه = لا طحت ولاّ صرت بالداء مأسور ارفع مناحيها بعقل ورزينه = وابعد عن شعيبٍ به السيل محجور فالحر حر ولو نزح عن عرينه= الجو ملكه والأرض بر وبحور يفرس بمخلابه وحوشة يمينه = ولا يطرد لبومٍ تعلا على السور الله خلقنا احرار ياعارفينه = والحر ما ينذل لو كان مكسور جينا فرادا كل واحد بعينه = ونرحل فرادا لا عيالٍ ولا قصور عيشتك وحدك في هدوء وسكينه = ولا رفيقٍ غير الدرب بالجور غره زمانه فالدراهم لعينه = ياما تغيّر كل واطي وطرطور
لا صرت في وقتٍ كثير المذاهب = وكلٍ يقول انه على الحق ف الدين والبعض يشعل فتنته للمكاسب = اما لشخصه او لبعض الموالين فخلك بحالك دوم نفسك تحاسب = ولا يجرفك سيلٍ وراه المعادين كلش ولا التعميم لاقوال كاذب= حدد هدفك ولا تضم البريين وحكم لعقلك واترك الجهل جانب = فمن لاحكمه العقل يخسر بعد حين
الكاس لا منّه دخل في حياتك = اصبحت عبدٍ له ولو كنت حلحيل ياخذك في دربه ويعلن وفاتك= لو كنت حي يدفنك دون تأجيل كم ضيّع رجال بهم من سباتك = يومٍ غفو واقفوا بدرب المساطيل وكم هدّم بيوتٍ تعرف لثقاتك= وشرّد عيالٍ في طريق البهاذيل واجبر بناتٍ تعتبرهن بناتك = يمشن بدرب الذل يجرفهن السيل
لاتامن الوقت يقلب فيه اقرب قريب=ويصير ضدك لأنك ف الجهل ما تطيعه يقول قالوا ويلعب فيه هرجٍ غريب= ويجيك هايج وينسى انك حماه وربيعه عقلك ليا من عطيت الغير مالك نصيب= محدٍ يناظر لحالك لو تحسّ الوجيعه
يقولون قطع اعناق لا قطع الارزاق= وينسون قول المصطفى في وصاته فرزق ابن آدم يطرده وين ماساق = ولا يتركه لو قربّبت به وفاته فلا شفت باب انسد او شفت ماعاق= فدور بديلٍ دون يأس بلقاته واذا ضقت من ارضك ترى الكون ماضاق= فغيّر مكانك لاتحمّل عناته
لا صار ماللرجل راي يسره = ولا ياخذ براي الرجال الحلاحيل فخله يدرعم لين ياقع بجفره= اما اندفن ولا طلع كالرجاجيل وما كل من شاورت تاخذ بفكره=وازن وقارن واختر اللي بلا ميل حتى ولو تكره فليا تحقره= اخير من راي لصديقٍ مهيبيل صديقك اللي مايبي لك مضره= لو خالفك بالري من غير تعليل وعدوك اللي لا ضحك سرت بامره=تحسبه صادق مامشى بالتخاتيل
لاصرت تعرف من تعزه وتغليه =ولا حظت تغييرٍ بدا فعاله فتابع بصمت كود تعرف خوافيه= يمكن يخطط للردى والجهاله تلقاه يخفي عنك ماكان ناويه= ويضحك بوجهك ممعنٍ ف الختاله فناصحه بالمعروف ان هو نفع فيه= ولا من وجدت النصح فيه استحاله دامك كشفت اللي خفى من هقاويه= فلا تبيّن انك عارفٍ باحتياله اظهر له انك ماعرفت لخطاويه= وبادله بالضحكات واترك سؤاله وخطط بفكر ما يجي في حراويه= واضرب بوقتٍ ماهقى باحتماله ابعده عن دنياك لا تنخدع فيه = واقطع حبالٍ تجمعك في وصاله واعرف ترى الحاضر مهو مثل ماضيه= والخلق غير الخلق في كل حاله واعرف ترى ان الدين في قلب راعيه= ماهو جدارٍ يلتجا في ظلاله يلجا له اللي به بلى ما يخليه = يخدع لغيره كود يخفي مياله تلقى يتصدق عن خطايا مواطيه= من مال يدري من حرامٍ سعى له والله طيّب واضحاتٍ نواهيه = ما يقبل إلا كل طيّب نواله ومن خادع الله ما نجح في مساعيه= ياسرع ما يرميه باعظم وباله ومن لايخاف الله فلا يوم ترجيه = خله على فاله وتلقى بداله
الطفل لامّه ألا ياويل من ضمّه = تسقيه من طيبها او خبث الافعالي اما طلع صقر يرفع راس ابن عمه= والاّ طلع بوم ما يسوى ولا ريالي مهما فعل له ابوه ولو يذل دمّه = يراه ناقص وعينه دوم للمالي من ينوي الخير يجزا الخير لاتمّه = ومن ينوي الشر يجزا شر الاعمالي فالله يعلم بخبث القلب والذمه = لو كان يمهل يعاقب دون اهمالي
بشروا كل قاتل بالقتل بعد حين = وبشروا كل طاغي فالنهايه قريبه يمهل الله ولا يهمل وعينٍ بعين= ومن يظنه بمنجا فالله اللي يجيبه
الحنظله لو تنسقى نهر سيحون= ما تنتج إلا حنظلٍ بالحرايا والعقربا من بعد ما تاضع ضعون= تقتل ذكرها ما تحس الخطايا والحر حر دوم ف الجو مفتون = مسكنه عالي ما يدور دنايا ولو هو توقف فوق ذبلات الغصون= ماهوب يبحث عن ظلال ومزايا له نظرته في وقفته تقل مشطون= يمكن يبي يكشف غبار العمايا غلطان ياللي تشري الدون بالدون = تحسبك كاسب وانت ضمن الضحايا فمن لاحسب للبرد والناس يدفون= لاهنبت النسر يشوف الرزايا
دام المصالح تحكّم في ضعاف النفوس= فلا تامن الغدر ياتي من صديق وقريب احفظ لقرشك وسرك لا تصله التيوس = وخلك مع الله يحفظك ف الزمان الغريب لا تقول هذا اثق به خابره عن دروس = ترى الحصاني تغيّر ف اللباس المريب ولا تقول هذا الذي ربّيت مابه حدوس = دمه ولحمه اصيلٍ من اصيلٍ عريب ولا تقول هذي ملاكي فتنتي والعروس = ياما سنينٍ مضن لي تحت غصنٍ رطيب وقتٍ به الناس باعت دينها بالفلوس = ومعه المبادي توارت مثل شمس المغيب قانونها دوم واضح ما حصل له طموس = خلك حصيني وتفرس لو بغيت الف ذيب
الوقت يكشف معادن كان يخفيها= لو هي تلون بياقوتٍ ومرجاني والعاقل اللي يقيس اعماق ينويها= من قبل غوصه قبل ما يصير غرقاني ومن غرته وردةٍ من عطر يقفيها = تجرحه من شوك تخفي بين الاغصاني والنفس لا خبّثت والحقد يعميها = لو صرت اقرب قريبٍ تصبح الجاني ما تدري الحقد مثل النار تشويها = وتصبح مريضه تعاني مر الاحزاني كم من كريمٍ عزيز النفس معليها= رماه حظه بدرب فيه ديباني تلسعه من لؤمها لو هو يداريها = وتنفث سموم الحقد في كل ميداني وما دام حر فنفسه من مباديها = تمنعه ما ينحدر باعماق ودياني يفل جنحه ويبعد عن مهاويها = فالأرض ملكه بدال اوطانه اوطاني
الحر لا منّك كرمته ملكته = والعبد لامنّك كرمته تمرد يبان عرق العبد لو ماعرفته= ولو هو تغطى تكشفه لا تجرد ساس الردى يرديه لا من بحثته= مافيه غيره لو بعزه تفرد فالعرق دساسٍ لو انك جبرته= لو ينتج عروقٍ بشوفك تورد لا تامنه في يوم مهما سبرته= ياطاك وانته في ظلالك تبرد يشوفك ضعيفٍ اذا من تركته= ببلا عصا يمشي بدرب المقرد فاضرب على الكايد لو انك كسرته= عرقٍ عثاه السوس حتى تعرد
كثير الهم مع زود البلاوي = على المؤمن ترى فيها امتحانه من اللي عالم حال الشقاوي= يبي ينظر لصبره واتزانه بعضنا ليّنٍ كالغصن ذاوي= على ادنى عاصفه تكثر حزانه سجين النفس للاحزان غاوي = ويمرض كل من فكر بشانه عنيد الراي مايبغى مداوي = يشوفه بالحزن يكسب مكانه يطيع ابليس في كل الخطاوي = يجره دون يدري للمهانه مثل هذا فلا له يوم تاوي = وخله دام راضي بانسجانه حياته مثلما الموت متساوي= مادام انه رضى حيٍ دفانه وبعضٍ كالجمل للحمل قاوي = على الويلات معتادٍ حصانه ولو هبت عواصيفٍ قساوي = فلا هي من يؤثر في كيانه رضا باللي انكتب مابه جداوي = يبي ياقع ولا يدري اوانه واذا منه وقع حرٍ نداوي = يضمد جرحه النازف سنانه واذا من جارت ارضه بالبلاوي= يفل الجنح مايدرى مكانه ولا يكثر لغير الله شكاوي = فشكوى للخلايق فيه اهانه
كم من عزيزٍ راح والأهل يبكون = وهم على دربه يلاقوا مصيره محدٍ يعمر لو ملك ملك قارون = فالباقي الله عالمٍ بالسريره تغرنا الدنيا وحنا بها فتون = نلهث وراها دون فكر وبصيره ومن فكر بنفسه فلا العمر مضمون = والعاقل اللي من ذكر دوم خيره يدري بأنه راحلٍ ما بها ظنون = يعيش في دنياه حيٍ ضميره ما يتبع التيار لو كان مغبون = ولو كان مقهورٍ بحالٍ عسيره يخاف ربه ما خشى أي فرعون = فاللي مقدر واقعٍ بتْقَديره يعمل لبكره في فكر دوم موزون= ويحسب حساب ليوم جا له نذيره
جيلٍ ظهر ماهوب داري مساره= ضيع دروبه مادرى وين مرساه خذا قشور الغرب ظنه حضاره = وفي غبة التيار يتبع لمشهاه فلا طور لعقلٍ فرض انتصاره = مثل الغرب بابداع في كل مسعاه ولا هو تمسك في جذور انحداره= بعلم الرجوله والمبادي وتقواه جيلٍ سريع بثنيته وانصهاره = كبر الجسوم وعقل عايش بمنفاه نادر تلاقي من يسرك وقاره = فالغالبيه صفر فاشل بدنياه
الشيب شيب القلب ماهوب بالراس = كم من شبابٍ شاب من قبل حله يطرد ورا الدنيا على غير مقياس = وده يجمعها ولا هو حصل له يكذب ينافق ميّتٍ فيه الاحساس= ولا فكر بعقله ولا ما يدله مايدري الدنيا سراب بلا ارماس= مهما تطارد ما تلاقي محله ولو كان عاقل قال من غير اوجاس = من طارد لدنياه يلقى المذله ومن شال للاحقاد يرجع بالافلاس= يموت من حقده وكرهه وغله فالحقد كالبركان والنار له ساس = يحرق لنفسه قبل يحرق لظله ومن لا قضى عمره سعيدٍ مع الناس= يرحل بغمه مادرى فيه خله فخلك وسيع الصدر محبوب للناس= ذكرك حسن مع كل دينٍ ومله واضحك تفرج كل همٍ وهوجاس = ما ارتاح من همه بقلبه يشله تعيش عمرك في شبابٍ بلا اتعاس= شباب دايم ماشكى القلب عله
اعمل المعروف وارمه ف البحر = ولا تفكر بالربح والاّ الخساره واعرف انه لو يجي منه الضرر= جالبٍ للخير لو طال انتظاره ادري انك قد تواجه من نكر = جاحد المعروف يحسبها شطاره وقد تلاقي من يبادرك الشكر= لو نسيته دايمٍ فيك افتكاره الرجل مثل الذهب طول الدهر= ما تأثر بالغبار ولا الحراره والرجل منهو تسامح لااقتدر = ماهو اللي كل همه اخذ ثاره
بعض الخطا كالعظم في فخذ شايب= اليا انكسر ما ينجبر في سهوله ولا من خطا الإنسان في حق نفسه = لابدّ يتحمّل نتايج فعوله واكبر خطا لا صار والعقل غايب = ما ينترقع بعد شيب وكهوله ومن طاوع الشيطان افقده حسه = واعماه عن درب الشرف والرجوله ياما انحدر شيهان من راس نايف = باسباب فعله لحظةٍ من ذهوله وياما تعلا بوم دربى لراسه = مادام له ظهرٍ يعدل ميوله زمانٍ به الرجال ماعاد يامن = رفيق وصديق ومنتسب للحموله فكلٍ بهذا الوقت يبحث عن الثراء= او الجاه لو بالذل يبغى وصوله فخلك حذر ما كل غلطه بغلطه = مادام مالك ظهر يسندك طوله
الانسان مهما طال عمره إلى الفنى = ولا ينفعه جاهه ولا مال طايل فكم من فقيرٍ راح ما حصل المنى = وكم من غنيٍ يوم شد الرحايل فالباقي الله منبت الخير والجنى= وكلٍ بها الدنيا فلا شك زايل ومن لا اعتبر بالغير بالعقل ما اهتنى= وش فايده من جسم والعقل مايل تخادع بنا الدنيا وكلٍ لها انحنى = مثل مهرةٍ تغوي بسمر الجدايل ونطرد وراها كل يبغى بها الغنى = وما فكر انه في سرابه يخايل
(المستريح اللي من العقل خالي)= مافكر بغيره ولا تابع اخبار في وقت فيه الفكر لازال بالي=واللي بعقله فكر بالوضع محتار لو هو تكلم قيل هذا خيالي= ولوهو سكت يشعر بجوفه كما النار فاللي يعرف الأمر ماهو مبالي=يمكن رصيده ينقذه وقت الاخطار ولو هو فقيرٍ قال ماهو مجالي = همه بفقره مالقى نصف دينار
الظلم لامن ساد في بعض الاوطان= فابحث تلاقي الخوف ف الشعب مزروع يجعل جميع الناس ف الذل اخوان = حتى ولو عانوا من الفقر والجوع ويستأسد اللي كان من جملة الضان= والذيب يتحول خروفٍ من الروع موت الفتى مره ولا فيه فولان = وموت بشجاعه خير من موت مفجوع وعيش الفتى بذله على مر الازمان= ينتج عيالٍ دايم الدوم بخنوع ما زاد عمر اللي جبانٍ بحسبان = ولا انتقص من شهم مقدام به فوع الله خلقنا احرار نعمر للاكوان= ومن يرتضي الذله وضيعٍ ومخنوع وان لم تكن ذيبٍ اذا صرت جوعان= يفرسك حصني مخفيٍ ذيل مقطوع
الرجل لامن صار له كومة عيال= وبذل جهوده بالرعايه وتوجيه من شان اذا كبروا يلاقيهم رجال = ويفخر بهم لاجيب كلٍ وطاريه ويلقى بهم عضدٍ اذا ساء به حال= او صار عودٍ ثاقلاتٍ مواطيه فليّا يفاجا لا طلع فيهم حثال = فالمصلح الله من الى الخير يهديه فلا هو لوحده من يربي للاطفال= فالطفل لامه لو تباعد خطاويه فالام تربه يابها ملح واوحال= او تربة خصبه بها الخير تعطيه فكم من رجل حلحيل مضرب للامثال= يجيه من صلبه غثيثٍ يعنيه ولامن تفكّر يدرك انه عن اهمال= يحسبه وحده من لطفله يربيه تزرع به امه ماتبي قول وافعال= بسنينه الأولى وهو ما درى فيه يكبر مبرمج ما تغيره الاحوال= ما قالت امه يسمعه كالدهاديه ولا من حدث اية خلافات وجدال= تدفع ولدها لين يقلب على ابيه يصير ضده في عقوقه ولاهمال= ويدوّر الفرصه مع الأم يشنيه فحك الذهب ينبيك ياطيب الفال= ان كانه اصلي اوبه الغش يخفيه فحرمه تعود لمعدنٍ فيه اشكال = لا من لقت فرصه على الزوج توذيه يطلع ولدها مثلها ضمن الانذال= ولا تامنه يقلب عليها بتاليه وبنت الرجال بعقلها تازن جبال= مهما تعاني طيبها ما تخليه يطلع ولدها رجل ما عنه ينقال = كلمة افا في كل دربٍ مشى فيه والبعض ينسى العرق دساس لو طال= جينات لابنه تاصله من حواليه فلا بد ما يحرص على معدن الخال= حتى يجيه صقور بالذكر تعليه ومادام يبذل جهد بالنفس والمال= فالله وكيله عارفٍ ما يخبيه فالهادي الله مابها شك وجدال= لكن عليه انه يحسْب لمواطيه
فكرت في وقتي وقلبت الافكار= لعلي افهم ما خفى من حقيقه يوم ان من له عقل بالدرب محتار= والي بليا عقل سالك طريقه والدلخ ياصل والرجل ماله انصار= والحر يشكي هم وغمٍ وضيقه
لله في خلقه شئوون وتدابير = يومه خلقهم ميّز رجال واشباه احدٍ نقي القلب يسعى إلى الخير= واحدٍ خبيث ينقل السم برداه
ليت علم الغيب للمؤمن مشاع = ليت يدري بالمقدر والنصيب كان ما يمضي حياته في صراع= يحسب حسابه قبل شمسه تغيب
تعلمت من دنياي مالا درسته = ولا هوب في كتبٍ اذا اشفيت اقراه ولا كل ما يصلح لغيري اخذته= ولو كان من دمي وتجمعنا الاشباه فكلٍ بميزه واضحه لا فهمته = وكل بنفسه يبخص الداء ودواه ومن قال انا ابخص بالبشر ما وثقته= ومن قال بالتعميم للجهل منشاه اعامل الإنسان لو ما عرفته= وبالطيب والمعروف تلقاني القاه الين اعرفه ما يساوي لبشته = اتركه دامي عارفٍ عن سواياه
لكل مشكل علاج ولو صعب حلّه=الاّ الحماقه فاعيت من يداويها لاشفت لك احمقٍ لا تحاول تعله= مافي معلوله لبن وشلون ترجيها خله يدرعم واذا من طاح لاتشله= يدفرك لا من وقف بقرون يذكيها
عوض الله الغبي بكثر الفلوس= لو شرى لتراب باعه كالذهب ولو بغى له شغل لا داعي يحوس= مثله المطلوب لو ماله طلب والذكي مسكين بالفكر محبوس= كثرة التفكير تذهب ما كسب يصخّن الميّه ومن كثر الهجوس= طار ديكه ما جنا إلا التعب في زمان كان مالك من ضروس= ينحطب بك مثل غيرك من حطب
احترت في العالم صدوقٍ وكذّاب= وإلا مرواغ والمكر ما يخليه وقتٍ به المملوح ركب له اشناب= والرجل بالبرقع يخادع مخاويه ولا عاد تدري من عدوك والاقراب= تمشي بدربك خايفٍ من تواليه
الهم ماهو هم عرسٍ ولا دين= مثل اللذي قالوه في بعض الامثال حتى الوجع ماهو وجع ضرس او عين= كلش له علاجه ولو بالزمن طال الهم ما طاولك جرحه من سنين= تكتمه في قلبك وهو ثقل الجبال ماتصفي الدنيا ولو للنبيين = كلٍ شرب من همها مر فنجال
الجو يصفى لو تزايد غباره = والفجر يوقظ من رقد في عماياه وما كل من اكرمت تكسب وقاره= بعضٍ خبيث ولو تبسم ثناياه فالطيب مع من لا يستحقه خساره= فسنٍ بسن وكل يجزا خطاياه اضرب على الحاقد وزيد احتقاره= واوسمه في علباه تظهر خباياه فمن لا احترم للغير في كل غاره= وقدر ذكاهم خاسراتٍ سراياه
المستريح اللي حياته عزوبي=لا حرمة تغثيه او كومة عيال يسرح على كيفه ولا من عتوبي= ويضوي على كيفه ولاهمه الحال وش له بحرمه مثل نار وشبوبي= ماغير هوش ولوش في كل موال وعيالٍ مايدرون لفح الهبوبي= حطوه آلة صرف بادبار واقبال ولا كبر واحدهم بدا بالهروبي= ولو قال اشوفك قال مشغول باعمال وفي الآخره تلقاك ترجع عزوبي = العمر ضيعته ومثقل بالاحمال
لا صرت مالك في مقامك معزه= فارفع مناحيها مثل اي شيهان يفل جنحانه ولا خاف قزه = الجو ملكه ما حسب لأية انسان
ضرسك اذا من اوجعك انما قلعته اسهرك= والشر لا منه بدا بالشر لابد تتقيه فالحلم ما يوقف اذى من بالاذ يّه جاهرك= يشوف في حلمك ضعُفْ لو عن عقل تسكت عليه الوقت غيّر في النفوس اللي ضعيفه تقهرك= سمّ الحضاره وشربت ببلا ضميرٍ ترتجيه لاصار ما بك مصلحه ابنك ترى قد يهجرك= ويمكن يطولك بالأذى في وقت منته محتريه
ترى حلم الرجل اكبر خطا مع ناقص المقدار= يشوف الحلم به ضعفٍ ويجزى الحسْنه ابْسيّه وعلاج الشر ما ينجح بغير الشر مهما صار= فبادر قبل يستفحل فلا تعرف حراويّه واذا منك ضربت اوجع ولكن لايبين غبار= وطخ الذيخ والحصني يهابك ذيب في فيّه ولو حتى قريبٍ لك مدامه في حقوقك جار= فردعه واجبٍ من دون لاعطفٍ وحنيّه ومن ينصر اخاه بظلم لابدّه من الأشرار= مادامه يدفعه للشر تساوى الخي مع خيّه
لا تشتري بيت ما تدري اساساته = ولا تدري الأرض صلبه او بها ريبه يمكن تجاري ولا تعرف حكاياته= حتى يجي وقت تظهر لك عذاريبه مهما تصلح فلا تامن بناياته = ولا احدٍ يبي يشتري دامه وضح عيبه ولا تقرب اللي غدا كنّه بنياته = عنزه تقوده فلا من قدر او هيبه يبيه ينقال طيّب منكر لذاته = متفتّح الفكر مرنٍ في اساليبه ما يدري الوضع غيّر من مساراته= فكلٍ بهالوقت يبحث عن مكاسيبه دامه تساهل فعندي العلم واثباته= بيتِ تقوده مره ماافلح مناديبه
لاصرت جوعانٍ فلا تدخل السوق= وخلك بعيد ولا تجي حول مطعم واركض على بيتك ولو عاقك العوق= ودور لبطنك ما يسده ويرثم بطنك صميلٍ دايم الدوم مشقوق= مهما مليته بعد ساعات يهضم فلا تطاوعه لو صاح اوقال مخنوق= خنقه ولا فعلٍ على اثره تندّم فالجوع فيه العافيه لكل مخلوق= ومن زاد وزنه يشعر بكل مؤلم قلب وركب والظهر يشكي من طقوق= وحتى سلاحه كل حين يتثلم وحذراك من تقسيط في ربحه البوق= تدور بوش ولا قضى لو تألم كلٍ يبي مصّك ولو جاك بالذوق = لا تعطي الفرصه لمن كان يبحم لْحافك تمده قد رجليك من فوق= وحب المظاهر سقم في كل معلم اقنع برزقك ماانت ياصاح ملحوق= ودبر امورك كود هالوقت تسلم
من قلب التفكير في كل الاخبار = يدرك بفهمه ويش تعني السياسه ماهي سوى تمثيل في كل الاقطار= ينجح به اللي شاطرٍ ف الخساسه يظهر مالا يبطنه وين ماسار= ويكشفه فعله ظاهرٍ او دساسه
ياقل ماشافت عيوني رجاجيل= وياكثر ماشافت ضباع وحصاني لا شفت واحدهم يخدعك بتمثل= في مظهره او هرجته باتزاني ولا من سبرته كاشفٍ للمداخيل= تلقاه لا رجلٍ ولا من الغواني تلقاه دلخٍ من دلوخ المعاميل= ممن وصل للجاه قبل الأواني في وقت ما يكسب به الاّ المساطيل= احجار "حاضر" ماتبي في ثواني
يامشتكي ضيم الليالي والايام= كلٍ عليه من الزمن ذيب عاوي منت الوحيد اللي من الوقت منضام= فاصبر ترى تفرج بأمرٍ سماوي ولا تشتكي للناس فالناس اقسام= احد يتشفى واخرٍ عنك راوي ويصير سرك في طريقك كالالغام = لو ما انفجر بك جتك منه البلاوي
ان كان منتب ذيب ما هابك الذيب= ولا هابك اللي ماتهابه دجاجه مهما تحضرنا نعاني من العيب = كلٍ بنفسه لو يضيع بدواجه في غابةٍ ما تحترم واضح الشيب= ولا ضعيفٍ انكسر كالزجاجه إلا إذا له واسطه كالمشاهيب = كلٍ يهابه يوم يقبل عجاجه ولاتحسبن الطيب يجلب لك الطيب = في وقت كلٍ فكرته في خراجه وازن امورك واضعٍ كل ترتيب = فمنهو معك طيّب بطيبٍ يواجه ومنهو استغلك في كثير المطاليب= ياخذ ولا يعطي ينمي نتاجه فهذا اناني ما يكفيه تشطيب = يحتاج من يقلاه من فوق صاجه لاتقول ولد امي وذا اقرب قريب= حبل القرابه كويته من علاجه يرجعه إلى عقله ولو فيه تعذيب = وينفع هله من بعد فترة خماجه
الرجل يبذر ما درى عن حصاده = ولا يدري اللي يحكمه سير الاقدار اما طلع له زرع يشفي مراده = ولاّ هشيمٍ بين شوكٍ وصبار مهما بذل من جهد باقصى اجتهاده= ومهما مشى دربه مع جموع الابرار فاقبل نصيبك في هدوء وركاده = واصبر مدام الصبر من طبع الاخيار فالمصلح الله من يوجه عباده= احدٍ الى اهل الخير وآخر للاشرار فليا تحسف لو تشوف النكاده= ممن على شانه تحملت الاخطار
دنياك يابن آدم طريق اتجاهين= اخذ وعطا مثلك مثل ساير الناس واللي يبي ياخذ ولا يسدد الدين = اما اناني او من الفكر بافلاس فمن لاشعر بالغير عايش بتكفين = تمثال واقف لو لبس اجمل لباس
بعض العرب ودك تشيله على الراس= والبعض ما يسوى قشور الهبيدي لو هو اصيلٍ فعلته فعلة خساس= حرٍ ولكن في طباع العبيدي فالأصل ماهو ف المراجل بمقياس= فالنار ترّث ماخبث من رميدي حتى ولو هو منك كالركن والساس= لا تامنه لو كان اقرب عضيدي فالرمح باول ركزته مابها اوجاس= وذيلٍ عوج ما ينعدل كالحديدي فكم من بعيد ينومسك عز نوماس= وكم من قريب والحقد به يزيدي
طنش تعش وش لك بأمر السياسه = مهما عرفت من الحقايق والاسرار وساير امورك في اتزان وكياسه= لو بك ضميرٍ حي يرفض لما صار ماقدر المولى فلا به وجاسه = يجيك لوك ماخذٍ كل الاحذار خلك بجنب الحيط تبرى لساسه= وعساك تسلم من كذوبٍ وسمسار درب السياسه في النهايه تعاسه= فاحفظ لسانك عن نقل بعض الاخبار المجتمع بالفرد يبنى اساسه = فامش بعدال تغيّر الأخ والجار
ان لم تكن حصني كلتك الحصاني = فلا بد في وقت الحصاني تحصنن ان كان تبحث عن طموح واماني= وإلاّ فخلك لين ما انته تجنن وقتٍ به الشيطان والمودماني= تصاحبوا وابليس يضرب له الشن فالبعض صار اليوم كالبغبغاني = ابشر وحاضر في نفاق وتفنن ويروح للمسجد بوقت الأذاني = وتلقاه بعد الفرض لزم يتسنن ماهوب لله مير يبغى فلاني= ينقل خبر يُحسن به العلم والظن ولا من لقى جلسه وكاس واغاني= باشر عليهم لينما الفجر اذن هذي المرونه بالفعل واللساني= في وقت فيه اللعب مفروض بالصن من بعد فقره ما يخاف الزماني= ياسرع ما يطمر مثل طمرة الين وياصل الى اللي في يده كل شاني= وتفتح له الأبواب من كل ما رن اما انت ياللي تشتغل في تفاني= وتخشى من اللي خالق الأنس والجن صدوق واضح فيك طيب المعاني= لكن قطارك فات واجب تليّن لأنك معقد خاسر بالرهاني= مهما تسوي محد فيك يتحنن
لا صرت عاطل او تبي لك وظيفه = تعطيك راتب مثل باق الخواجات ان كان ماانت ابيض تراها كليفه= قشر لوجهك لو دفعت الألوفات حتى يصير ابيض ولو كان شيفه= واذهب على لبنان تاخذ لدورات تاخذ دروسٍ في الغنج لو خفيفه = وتضبط اصول النصب لاصعب مهمات كلش تعرفه ف الأمور السخيفه= وكلش حلالٍ في دروب الملذات وتغير اسمك للاسامي اللطيفه = جوزف وبطرس بعد ما تشري اثبات
الرجل لا منّه فعل كل الاسباب= محدٍ يلومه لو خسر في نتاجه امرٍ مقدّر قدره رب الارباب= يسري على المخلوق في كل حاجه فليا تلوم النفس في عذل وعتاب= وليا يصيبك خوف مثل الدجاجه انسف وراك اللي مضى مابه حساب= وانظر امامك واثقٍ بابتهاجه خلك جبل راسي ولا همه عباب= تتكسر الأمواج لاجت بلاجه وسرك اذا منه طلع منك للباب = يصير ملك اللي يدور رواجه فلا تشتكي للناس لو كانوا اقراب= فشكوى لغير الله تراها سماجه مكتوب والمكتوب ماعنه مجناب= واجب قبوله دون ادنى لجاجه والصبر في الضيقات من خير الاطباب= مهما يزيد الغم صبرك علاجه فالليل مهما طال بهموم واتعاب= يتبعه فجرٍ ينتهي بانبلاجه
الرجل لا شيّب وزوج عياله= كلٍ دله مع حرمته ما درى فيه والطيّب اللي ما وصل له خماله= ولا جاه اذيّه منه بالناس تشنيه والطيب اللي مكتفي في حلاله= يجيه للتسليم والله محييه ماهو من اللي يصرف لكل ماله= ولا احتاج جا له كود يعطف ويعطيه ولا صار ماعنده تلاشى ظلاله= ولا قال وينك فالعذر دوم لاقيه قرشك عيالك فاحفظه عن زواله= تلقاه لا حدّك مشيبك بتاليه
عطوني مهرةٍ حره شفوقه = تعرف الحر ما تهضم حقوقه ولكن هالزمن والخلط حاصل= يخدك صفر يلمع في بروقه معادن تنكشف عند الحراره = ويبقى الماس كامن في عروقه فلا تغتر في اسم وقبيله = ولا يخدعك تمرٍ في عذوقه مدام الأصل صار اليوم يشرى= فلا تاثق بمن نبّز عموقه تعرف الحر من عقله وفعله= ومن زلة لسانه في نطوقه ووضيع الأصل لو بالهرج مثّل= الا ياسرع ما يبدا نزوقه
لا صرت لا خادم ولا انته خواجه = فلا انته مع المعزى ولا انته مع الضان حتى ولو دكتور والعلم تاجه= ولو كان متفوّق على المان واسبان فاقصر خطاك وخل عنك اللجاجه= والبس لباس المكر في كل الاحيان وموّت ضميرك دام منته بحاجه= فاللي ضميره حي هالوقت خسران منتوف ريشه مثل نتف الدجاجه= يعيش مع فقره على الطول اخوان وان كنت حر وفيك بعض العواجه= فارحل ودور لك بديلٍ للاوطان وطنك من يطعمك اطيب نتاجه= ويعطيك تقديرك ولا فيه نقصان
لا صرت ما تبخص بنوع الرجاجيل= فليا تعجل وانضبط بالركاده ولا تنخدع بالإسم او ما عنه قيل = ولا تنخدع بالشكل لو به زياده كبر العلابي من سمات الدرافيل= وكبر الكروش مولده للبلاده حاذر من اللي كنه الذيب ف الليل= نحيل وامعط عارفٍ وش مراده وحاذر من اللي شبر ماهوب برميل= نحيل غير العقل يقدح زناده وحاذر من اللي كلمته ما بها ميل= قليل هرج وما يبين سداده بخص الرجال اكبر خطر للمشاكيل= فليا تعجل ف الحكم والإفاده
العقل ما هو شرط مع زود الاعمار= ولاهو بزود الجاه وإلا الحلالي كم من شبابٍ بالعقل يازن ديار = وكم شايبٍ راسه من العقل خالي وكم من فقير الحال بالفكر جبّار= يازن بعقله راسيات الجبالي وكم من غنيٍ عقله بْكل ادبار= وكم شيخ قومٍ والعقل عنه سالي ارزاق تتقسم بدقه ومقدار = من خالق الإنسان منشي الخيالي فلا تنخدع بالشكل او لفت الانظار= وانظر لفعل الرجل في كل حالي البعض مامن عقل تقرعه كالطار= والبعض عايش بالوهم والخيالي يشوف نفسه حر من بين الاحرار= وهو خويدم عايشٍ في ابتذالي والبعض متكبر على شي ماصار = لا شفت شكله قلت صاحب معالي وهو مثل طاووس لاجاه إعصار= شاله بريشه ما نفعه التعالي والبعض في ظنه ذكي وين ماسار= يمشي طريقه بالمكر والختالي ماحسّب لْغيره من عقولٍ كْبار = تدفنه حي ولا بمثله تبالي والبعض دينه ما خذه ستر ودثار= ويضفي على نفسه جميل الخصالي ولا من تتبعته تبيّن لك اسرار = بالفجر يمشي ما حسب للمآلي فخلك حذر ما كل طيرٍ بصقّار = وما كل رجل رجل بين الرجالي
من لا عرف للحب باول شبابه = ما ظنتي يعرف اذا صار شايب ومن لاتنقّى مهرته في نجابه = لا من كبر شاف البلا والمصايب ومن لاحكمه العقل مابه طبابه= يعيش مثل الغصن وسط الهبايب في وقت فيه الحب مثل السحابه= مرٍ عليك ومر عند الغرايب ترى العذارى كالمعادن مذابه = شيٍ نقي وشي فيه الشوايب وترى العذارى والفواكه تشابه = البعض مر وبعض كالشهد ذايب ومن ضحْكَ لكْ بلْسان فيه الذرابه= يضحك لغيرك من جموع الحبايب تراك في وقتٍ كثير الذيابه = فكم ذيبةٍ تخدع بسمر الذوايب تدور على بيتٍ وضوحٍ عيابه= فالبوم يسكن في قديم الخرايب ولا تنخدع باللي الديانه ثيابه= من شاف لبسه قال ما به معايب ساتر كفوفه ملتزم في حجابه =ولا من تتبعته تشوف العجايب فالدين وسط القلب يعلي ركابه = ماهو نفاقٍ لاجل بعض الكسايب ولا تنخدع بالأصل لو له مهابه = فالنار ترمد بعد جمر ولهايب
يقطعك ياوقت الردى والبلاده= وش عاد باقي ما ظهر من تقاسيم البوم سعره فوق تعلي مزاده =والحر من قهرك كظم لاهب الضيم فمن لازرع للخير يجني حصاده= عذاب ف الدنيا وبعد الخواتيم فاصبر على دنياك لو هي نكاده= لابد تفرج بعد ليلٍ وتعتيم بالصبر تبني ما تبي من اراده = كم من صبور فاز من بعد تحطيم
الشعر يرفع صاحبه او يدنيه= ومن كان عاقل ما جهل باختياره فما كل ما يكتبه صالح لقاريه= فلْكلْ مقامٍ ما يناسب وقاره ومنهو بلاه الله بأمرٍ يرديه = يستر على نفسه ويقعد بداره وما يكتبه بالليل من وضع يمليه= لاينشره مادم يكشف ستاره فالناس تحكم من حروفه وتشنيه=فكم شاعر شعره سبب في انهياره يجني على نفسه ومن كان يغليه= ويشمت به القاصي ومن كان جاره ولو هو استمع للي يحاول يوعيه= ادرك بأنه ساعيٍ في دماره فالكيف سم العقل ياجاهلٍ فيه = كم من رجل ودّاه لاقصى انحداره ومن قال لك مامون يجهل خوافيه=فالنار تبدا من حقير الشراره حتى ولو هو كاس من يسر يشريه= ولو كان حبّه او حشيش بزقاره لو قيل لك يعطيك ابداع ترجيه = تراه وهم مروجين التجاره يحطم خلايا المخ من دون تدريه= وتبدا تصرف في مجون وحقاره وفي الآخره عقلك يدور مداويه = في وقت ماله طب فيه الجداره الله عطاك العقل وشلون تنهيه = والله عطاك الدين يحفظ ذماره فلا تنجرف مع صاحب لك تداريه= واترك مجالس ماتعرف الطهاره مايمهل الله من مشى في شهاويه = حتى ولو يومٍ وصل للصداره في يوم يندم فالعقوبه تناديه = يشوفها في النفس وإلا صغاره وفي الآخره معروف دربٍ يوديه= والعاقل اللي من يحدد مساره
الطيب مع من لايقدّر سذاجه= كم واحد من طيبته داسه الناس وطيبٍ بليّا قياس اكبر سماجه = فوازن امورك كل شيٍ له قياس ولا شفت منهو يعاملك في هواجه=باسباب طيبك فاقلب الوضع ينحاس ولا من عرفت اللي قليلٍ يواجه = يضحك بوجهك غير ف الظهر ملاس فابعده عن دربك بليا لجاجه = مثله حقود وجالب لكل الاتعاس ولا من ذكرك اللي يدوّر لحاجه= من بعد نسيانك فرده بالافلاس ولا تنخدع باللي طليقٍ احجاجه= لا من سمعته قلت معدنه الماس انظر لفعله تكتشف وش خماجه= ترى الحصاني تغيّر لباس بلباس واحذر من اللي ماثبت في مزاجه = كل يوم والثاني تلاقيه محتاس عواطفه تحكمه طاير عجاجه = يومٍ يثق بك وآخرٍ فيه اوجاس ورجل مهفّه ما عرف وش خراجه = ودّك على علباه يكوى بمحماس
تعلّمت من دنياي ما احكم على حدا = بقالوا وقلنا دون علم ودلوله
فكم من اصيلٍ كان للنار موقدا = كريمٍ شجاعٍ كل طيب يطوله يخلّف لنا بومٍ علينا ينكّدا = يشوّه نعيقه ما بقى من فصوله وكم من رجل نجهل اصوله ويحمدا= على ما نشوفه من فعال البطوله فخلّك من اصلٍ صاحبه عنه مبعدا= وفتّش عن اللي يعجبك في فعوله |
|||
|
|
|
29-12-2013, 09:59 AM
|
رقم المشاركة : 3 | |||
|
تـرى خـوة الطيـب تسـاوي كنوزالصـيـن=اذا صـار معهـا ديـنِ تِمِنَـك مــن مكره والا رفقة الرديان سلعة سوق بريالين=دانـــة الـدنــو كـســره ولا ينـفـعـك جـبــره طموح النفوس يعانـق العولمـه بثنيـن=غــنــاة مــــن الــرديــان ومـرافـقــة نــكــره هناته تجيلك ساع ثم تنقلب بـك ويـن=ياترميـك فـي بـره او ترميـك فــي بـحـره اذا اكتلت مـن جـودة زمانـك بمكياليـن=توقع وشـف خطوتـك لاترميـك بالحفـره زمانك الا اقبل فانتبه بين حين وحين=عـلـى قــد ماتعـمـل عـلــى قـــد مـاتـشـره ترى الفوز بالسمعه قبلها بفوز الدين=وترى الفوز الاكبر جنة العبد في قبـره
صحيـح مايكسـر الصخـره غيـر الحديـد=والـنـار عـلـى الـحـديـده جـابــت افنـانـهـا والماي يطفي لهيب النار لو هو شديد=والهـمـوم تـوقـض دلـيـه الـبــال نيـرانـهـا معلوم الانسان يطمح له بقصر مشيـد=والـنـاس لجـلـه تـقـود الخـيـل بارسانـهـا كـذا طبـوع البشـر تقـول هـل مـن مزيـد=مــديــم تـلـهــث ورى الـدنـيــا وشـذانــهــا مــدري ماتسـمـع المـنـذر بـيــوم الـوعـيـد=ام ان هـــــاذي قــلـــوب عـلـيـهــا رانـــهـــا واليوم ياغافـل الدنيـا هـذا العلـم الاكيـد=اخـرتــك المـقـبـره مـحـشــورٍ بحيـطـانـهـا الوقت قد هو علـى الاخـر ولاهـو عديـد=ونــزالــة الــعــد شــــدت بــعــد مـقـطـانـهـا
كــــم شــاعــرٍ مــامــات شِــعــره وهــــو مــــوت=وكــــــم شـــاعــــر حـــــــيٍ وقـــافــــه مــاعــاشـــي وكــــم شــاعــر قــولــه غـــــدا لـلــعــرب قـــــوت=شـــــهـــــد الـــعـــســــل ومـــحــــكــــمٍ بــالـــغـــراشـــي مــــن زيــــن قــافــه ودك تــجــر بــــه صــــوت=كــــنــــه عــــلـــــى عــــلـــــة خـــوافـــيـــك نــــاشـــــي وكـم قـاف شعـر اطلـق ارقـاب مــن مــوت=راعــــيـــــه مــايــطـــلـــب بــنــظـــمـــه عـــــراشـــــي والصمت حكمه من الشِعر بعض لوقوت=لاصـــــار يـلــحــق صـاحــبــه شــــــر فـــاشـــي
مـن شـوف دنيـا كنهـا كتـاب قـامـوس=مـتــنــوع الـفــقــرات مـــــن كـــــل فـــجـــه وقـــت يـخـلـي راكـــد الـقـلــب مـعـفــوس=يـنـشـى الـفـتــى مــنــه مـخـاويــه رجــــه نــاسٍ شـبـاع ولبسـهـم زيــن مـلـبـوس=ونـــاس تـــدور ارزاقـهــا وســـط عــجــه وحـيــاة نــــاسٍ كــــل وقــــتٍ بـكـابــوس=سـاعــه بـامــان وســـاع الـهــا مـهـجَــه
مـن نوقـش الحسـاب يانـاس عــزاه=حسـب الحديـث انـه هلـك بجمـراتـه لــكــن طـمـعـنـا بالـمـفـغـره مـــــن الله=نرتـاح مـن اهــل الحـسـاب ودهـاتـه لو ننشـد الميـت بقبـره اويـش جـاه=يـقـول تـوبـو قـبــل تـغـلـق حـصـاتـه ان كـان مـازان العمـل طـاح برشـاه=يالله الـنـجـاه مـــن الـقـبـر وكـربـاتـه
يـاهـيــه دنـيـانــا عـلـيـنـا مــغـــره=نمشـي وقـد حــن لامشيـنـا حــدور العظم شاخ وفيـه الوجـاع بالجسـم=والقـلـب مــن زود العـنـا مخـطـور والاجـل مخـفـيٍ عليـنـا وعــاد لــه=دورٍ عليـنـا ولــو شقحـنـا الـســور يالله ترحـمـنـي لاقــربــت مـنـيـتـي=ومـاعـاد ينـفـع مسـعـف ودكـتــور وتحاولونـي لهـم نحـيـب ودمعـهـم=يــدرج عـلـى الخـديـن لــه عـبــور والعـيـن تتـبـع روح جـاســم ذاوي=فــارق جسـدهـا وقـرقـر الحنـجـور
انـت ياللـي شفـت لميـع البـروق=بـس ودان الحيـا فــي غـيـر قــاع لاتـــشـــد ولا تـــولــــع بـالــعــشــوق=خــيــر بــراقــه لـغـيــرك وانـــــت راع البحـر لـه مـوج واصواتـه صفـوق=انـتـبــه لـلـنــاب لايــنــوش الــكــراع القناعـه بـمـا تـدلـى مــن الـعـذوق=خيـر مـن طيحـه بعـد قــو انـدفـاع
في هالزمن ياكثر الاصحاب=لاكـــن جـوهــم مـاهــو جـــوِك الـبـعـض وده تـجـيـك حـــراب=والـبـعـض يـمـدحـك مـحـلــوِك والبعض ينعـق نعيـق غـراب=يدعي المطافي علـى ضـوِك كـنـه بحـلالـك طلـيـب رقـــاب=حـمّــاه فــــي عـيـنــه غــنــوِك تصيـر فـي ذا الزمـن مرتـاب=اعـمـى ومـضـروب بـعـصـوِك وتـشـك فـــي اقـــرب الأقـــراب=خـلـفـك حـوالـيـك مـــن تــــوك قال المثل والمثـل قـد صـاب=لاتــبـــوق وتــامـــن اعـــــدوِك تبـغـي الـفـرج لازم المـحـراب=اضبـط صلاتـك مـع وضــوِك ولخـالـقـك تـجـعـل الاســبــاب=وتـرفــع يـديـنـك مـــع حـنــوِك يجي الفرج من رب الاربـاب=ويـغـفـر ذنـوبــك مـــع ســــوِك ويفـتـح لــك مغـلّـق الابـــواب=ومــن كــل خـيـرات وشـهــوِك
جعل الردي جرته يقفي بهـا السافـي=الـلــي يـشــوف الـمـراجـل ثـــم تـعـدّنّــه بيتـه مــن اخــوان شـمـا دايــمٍ عـافـي=ومالـه لغـيـر الـعـوز بالحـيـل معطِـنِـه يــنــام مــرتــاح طــرفــه دايــــمٍ غــافــي=مـاهـمـه الـلــي عـنــى صـوبــه يـردّنِــه يالله تكـافـي شــرور الـوقــت يـاكـافـي=وتعيـن منهـو ظــروف الـوقـت حـدنـه
يازين مشراف العصر راس مزموم=ونسـنـاس نـــود بالـعـصـاري يـجـنـا لاعَـــل لامــنــه بــــدا راس مــرجــوم=يـفـيِــض الــلــي بـخــاطــره ويـتـغـنــا خــــصٍ اذ بـالـجــو بــــراق وغــيــوم=وروض تبـيـن لـــك عـلــى ماتـمـنـا يبري مـن الوجعـان صكـات وثلـوم=ويسـوى حديـث اللـي كفوفـه تحنـا الـطـيـب المـنـعـور مايلـحـقـن لـــوم=والا الـــردي مـاعـاتـبـه لــــو تـجـنــا
عليش يـادنــيــا الـعــنــا بـالـشـواهـيـد=شــفــنــا تــقــلابــش عـلــيــنــا وربـــــــي نــــــوب تــوريــنــا الــعــنــا بـالـجـراهـيــد=ونــــوب لــنــا تـقـبــل عــلــى مـانـحـبـي من هولها نمشي وحن نعكس السيد=نـمـشـي عـلــى قــلــة بـصـيــره نـخـبــي نـلـهـث ورى الدنـيـاولـو بـالـرجـل قـيــد=مـانـقـتـنـع لـــــو نــشـــرب الـمـسـسـبـي اذنـوبـنـا غـطــت عـلــى واســـع الــريــد=ونـجـهــر بــهــا والــمــال مــنــه نـعـبــي مـنـهـاالارض مـاعــاد تـنـبـت عنـاقـيـد=والـطــيــر مـايـلـقــى قـــــوارش وحــبـــي قـالـو كـبــار الـســن مـاعــاد بـــه فـيــد=الـعـولــمــه مـــاعـــاد فــيــهـــا مــطــبـــي قــرب البعـيـد وشــاخ راعــي الملاهـيـد=حـكـي الـحـديـد ومـــوت مـالــك مـلـبـي
الفـيـد مـاهـو صـيـد منـتـوقـة الـجـيـد=الـلــي مـعــك وقـــتٍ ووقــــت تــحــوِل والصـيـد طــرد الــرزق لامـــدة الأِيـــد=ولاحــدٍ عـلـى رزق الخـلايـق تـخـوّل الربـح حفـظ الـديـن هــذا هــو الفـيـد=ولطـف وحنـان وفعـل مـاهـي تـقـوّل لايافـهـد يـابـوك مجـنـاك مـــن حـيــد=مــعــربٍ ســاســك عــمـــام ومــخـــوّل لاتخلـف الهقـوه وانــا شبـحـي بعـيـد=فيـكـم،،وخـل الـنــاس مـنـكـم تـهــوّل انـــذرك مــــن خــــوة رجــــال هـلابـيــد=يـــــوم يـراضــونــك وعـــشـــرٍ تـــفـــوِل ولاتــرافـــق كـــــل فـــاســـق وعــربــيــد=لانـــافـــعٍ نــفــســه ولــغــيــره يـــعـــوِل
ومـــن سـعــى لـلـعـز يـحـتـاج قـــوه لـلـنـطـاح=ومــن تثـاثـا ان حــل طـاريــه مـاقـيـل ونـعــم مايـحـوش الـمـجـد رجـــلٍ سـعــى للأنـبـطـاح=مـن رضـى بالهـون ساقـوه مـن جيـز الغنـم الغٌني من حاجة الناس هي ساس النجاح=كُبُـرحـاجـة طـيــب الـنــاس لاحـتــاج الــرٌخــم هــي حـيـاة الـرجـل عِـــزه مـــع شُـــربٍ قـــراح=اقطعش يمناً ماهي تحـوش لراعيهـا شحـم هـمــة حـصــان الرجـاجـيـل تـــورده الــمــداح=تـوصـلــه فــــوق الـثـريــا وتـحـقـيــق الـحــلــم ماتساوى ضنكة العيش مع لبـس الوشـاح=فــرق شـاسـع بـيـن الاثـنـيـن والـقـمـه هـمــم من تجارب من سعى في الحيـاه بـلا مـزاح=جــــرب الـدنـيــا وعــاصــر رديٍ مــــع شــهـــم يلـبـس الـثـوب المجـمِـل لـــو الـدنـيـا كـفــاح=خـوف يظـهـر للشمامـيـت فــي غـيـر النِـعـم
عيشتـك فـي قافـرالارض لـو ماهـا مــلاح=نومـك بنعمـه والااصبحـت دورت الشـوى خيرمن عيشة هل الضنك واتباع الملاح=كـل غـاوي يتـبـع النـفـس وعـلـوم الـهـوى يـاقـلـوب حُــجِــرت دوم مـامـنـهـا صــــلاح=همهـا شـوف اقـرب النـاس لامنـه اكتـوى مـايـســرك لاتـضـايـقـت واردتــــك الــرمــاح=كون مـن سـرك مسيـره صبـاحٍ او ضـوى ذاك هديب الشام شيال حمله في المراح=غيرحـمـلـه شــــال حـمـلــك الامــنــه نــــوى لانخـيـتـه واعـتــزى لـــك يـــوردك الـمــداح=لـيـن تنـهـل بــارد الـجــم وتـشـيـل الـــروى نـــــادرٍ مـثــلــه الاقـــيـــل هـــيـــا والـــفـــلاح=لاكبـر علـم الجماعـه وجـاى فيـه دعــوى وان حصل بالناس هوجٍ وجا فيها نطاح=الـقــلايــع مـــــن نـصـيــبــه الا مــــــن دوى
هــرج عـلـى غـيـر السـنـع دايــم مـكــذوب=ولــــو يـعـجــب الـحـضــار تـنـقــد بـتـالـيـهـا حلاة الفتى شخصه وعلمه يجي محبوب=مــاهـــي كـلــمــة يــقـــال فـيــهــا ومـافـيــهــا ولا كــل عـلـم يـنـذكـر والـحـكـي مـحـسـوب=وكــــم كـلـمــة جــابـــت شـــــرور لـراعـيـهــا ولاكــــل عــلــم لاذكــرتــه يــجـــي مــرغـــوب=كثـيـر العـلـوم تضـيـع مــن ضـيـع راويـهــا وصمـت الرجـل حكمـه ولا يقتفيـه عيـوب=يــاكــون بــروايــه صــــادق يــــوم يـلـقـيـهـا ولايعترض للناس من كـل حـدب وصـوب=كـثـيـر الـكــلام الـهـمـج يـحــوس صافـيـهـا يعيـش الفتـى ماقيـل منـه شـذب عـرقـوب=ربــيــع الـنـشـامـا هـرجـتــه يـــــوم يـبـديـهــا السان الرجل ميـزان قولـه وهـو المطلـوب=وكــلــمــه يـخـفـيــهــا والاخـــــــرى يـبــدِيــهــا والا يالسـنـافـي ودنــــا مـزحـكــم بـاسـلــوب=تـحــرى صـحـيـح الـقــول واقـــوال تعـفـيـهـا
النـاس ماتتبـع مـن هـو فيـه صلاّفـه=ولاتتبـع اللـي حقـوق الغيـر شالفـهـا ولاترغب الناس من هـو قـده الحافـه=خشـتـي وبشـتـي ولا نفـسـه بكالفـهـا ان جا المجالس قدت حجته سولافه=مافـيـه قـصـه قديـمـه غـيـر يسالفـهـا السيف هيبته فـي غمـده مـع غلافـه=والا جــــرد بــانــت الـسِــنــه وتـالـفـهــا
يالـلـي تـعـق امــك عـلـى شــان زوجـــه=بـكــره تـمــوت وزوجـتــك تــاخــذ الـغـيــر تنسـاك مــع وقــت مـضـى فــي بـروجـه=باحسن سكن مع ضحكة ودهنة لسير وتعطيه مـن عطـرك مـع خـوش روجـه=لــلــي يـبـيــه الـقـلــب وتـصـيــر شــريـــر وامـك تـمـوت مــن الـحـزن لــك بـدوجـه=وتــروح تبـحـث عـنـك وســـط المقـابـيـر ربـتــك مـــن صـغــرك ولا هــــي لـفـوجــه=وتمـسـح اذاك بحـسـن لـطــف وتـدابـيـر ولاهي من وقت ارضاعكـم بالسجوجـه=غيرالحمـل والطـلـق واشـيـاء بـعـد غـيـر وان صـار منـك طيـش مـاهـي هـروجـه=ماتفـضـحـك عــنــد الأهــــل والمـسـايـيـر
الـعــرب مـشـغـولـةٍ تــلــم قــبــل الانــســداح=مختـلـط حـلـه حـرامـه طـعـام مـــع شـــروب الامـانــه فـــي يـدالـلـي جـعــل مـنـهـا مـــزاح=والـشـويـر الـلــي قـريــب مـحـامـيِ وكــــذوب يـازمــان العـولـمـه وش بــقــى مــنــك وراح=كـــــل فـتــنــه لاتــعـــدت تـقـفــاهــا شـــبـــوب مــن عـلامـات اخــر الـوقـت تشـتـد الـريـاح=لد سمعك واطلق الشوف فـي كـل الـدروب نـزعـة الهيـبـه والاســـلام يـطـعـن بـالـرمـاح=والاراضـي قاحلـه لـو المطـر فيهـا صبـوب
ألسان الرجل مفتاح قلبـه ويسمـى حصـان=وإذ ضــــــاع مـفـتــاحــه فــخــلـــه ولا تـــعــــده وكــل العطـايـا لادخــل فــي عطـاهـا أمـنــان=علـيـهـا الـســلام وخـيـرلــك مــــن خــــذه رده وخـوي المصـالـح لــو يــداور علـيـه أزمــان=تـبَـيِــن عـلــيــه بـحـاجـتــك لاغـــــدت ضـــــده وراعـي الـشـر لــو قـالـو تغـيـر وطبـعـه زان=يـسـيـر بــدمــه شــــره إذا جــــات مــــن بــــده ومجالس هل العادات مع الطِيب ولاحسان=ثــمــرهــا ريــاحــيــنٍ إذا حــــــل بــــــك شــــــده وهـل الدِيـن مـن الأدنيـن وإلا مــن العـربـان=قــلــيــلٍ غــثــاهــا كــــــون تــاتــيــك مــحــتــده رفيـقـك رفـيـقـك وان دخـــل بيـنـكـم شـيـطـان=هـو الجـوخ وأنـت أيمـيـن لــه وحــذر تـهـده واذكِـــر الا ضـاقــت عـلـيـك أنــحــر الـمـنــان=جــزيـــل الـعـطـايــا وافـــــر الــجـــود والـــمَـــده بـركـوع وسـجـودٍ تـالـي اللـيـل وآنــت مـعـان=ويــأتــي الــفــرج مــــن واحــــدٍ مــاذكــر نِــــدِه
دنيـاً نشـوف دروب اهلـهـا معـاويـج=ان شــافــت الـطــيــب معـاهـاعـدتـبـه وهـــذازمـــان الـعـولــمــه والـتــبــاريــج=الله يـكــافــي شـــــرور مـاعـولـمـتـبـه فــي ذاالـزمـن كـثـر القـتـل والتـهـارج=كـــم خـيِِــرٍ فـيـهـا مـسـالـم رمـتـبـه وين النجـاة ان كـان فيهـا مخاريـج=مابـيـن حــرب وبـيـن خنـزيـر جـتـبـه
الـكـلـمـه الــلــي مــــع الـعـالــم تـداولـهــا=ومضمونهـا طيـبٍ هـي شانـهـا شـانـي وان كـانـهـا غـيــر ذلـــك لــــو تـنـاولـهـا=جمعٍ من الناس مايلفض بها الساني الـهـرجـه الـضـايـعـه بـالـحـيـل عـاقـلـهـا=اخاف يمشي بها القاصي مـع الدانـي نصيحه لاتخاوي كـون طيـب الذكـر والأفعـال=وكـب الـلاش فــي مـثـواه مــع شلـتـه وعـفـوزه تسمعـهـا مــن مـجـرب واحـــذر تـبـنـي الأمـــال=ويخطي التابع المضراب اذا منه خطـى بـوزه كثير الفرق بين اللي ردي اساس مهما نـال=وبيـن اللـي المراجـل عندهـم ماهـي بمـهـزوزه صحيـح الفعـل ماهـو ينتسـاوى بكثـرة الأقـوال=يكـون انـهـا تـسـاوى ضـربـة الـرجـال والـهـوزه
اقـطــعــك رجـــــل مــابــراســه مــــــروِه=وان جـت مواقيـف المراجـل فمعـدوم واقـطـعــك رجــــل طـافـيــنٍ كــنــه دُوُه=مـالـه ذكــر عـنـد القـرابـه ولا الـقـوم ومـــن لايــــروم الـمـرجـلـه والـمـخــوَه=شبـحـه قصيرومـاكـره عـشـة الـبــوم ومــن لاقـطـع درب المعـالـي جـــروَه=يصـبـرعـلـى الـهـونــا رديٍ ومـهـثــوم
اعـلـم تــرى الجـمـعـى مـعــزه وتـــاوي=مثـل اليديـن الـى التقـت دايــمٍ شـبـك وان الـتـفـرق مــــن اكــبــار الــبــلاوي=ورجل بلا ربعـه ضعيـف وعليـه ابـك ومـــن لايـشــاور ضـيـعـتـه الـهـقــاوي=واثـبـات قـولـي يافـتـى مـــن تـجـاربـك وبـعـدك عــن الأنــذال هـــو الـمـنـاوي=لاجـاو شــرق ابـعـد اديــارك بمغـربـك وخلك كمـا اسهيـل اليمانـي سمـاوي=تفرح هلـك ويمـوت مـن كـان يلسبـك ولا يـغــرك المـظـهـر وكـبــر الــعــزاوي=ان كـان مابـه صمـلـةٍ نـتـف شـاربـك وعلـيـك بـخــوة مـــن علـيـهـم حـــراوي=ديــــنٍ ودنــيــا وبالـمـجـالـس تــدربـــك وان راح دينـك عشـت وقتـك شقـاوي=ضـمـه ولــو كـــل الـخـلايـق تـحـاربـك وجــــار الــزمـــان وحـــــاذرا لاتــقـــاوي=لاتـحـســبــنــه والــديـــنـــك تـــداعـــبـــك
حياة الرجـل كنهـا طريـقٍٍ وحيـش وقـوم=الــى سـلـم مــن الافـعـى تجيـلـه عقـاربـهـا
وحيـاة الرجـل كـدح وعقيـده وفيهـا سلـوم=والى اخطا من الثنتين ويش الحياه ابها الا جـنَـب الـمـلـه ولـــو كـــان خـيــره كـــوم=وســنـــة مـحــمــد دوم يـســعــى يـحـاربـهــا والااخطا من اسلوم القبايـل شبيـه البـوم=فخـلـه عـلـى الـيـسـرى وجـفــف مشـاربـهـا دام الادمــــي حــــيٍ فــلالــه الا الـمـقـسـوم=ايليـن النـفـوس الخـضـر تـركـز نصايبـهـ آخر تعديل الطامي يوم 29-12-2013 في 11:32 AM.
|
|||
|
|
|
29-12-2013, 08:42 PM
|
رقم المشاركة : 4 | ||
|
|
مــن عــاش بالدنـيـا.. مـــن الـغـيـر يعـتـبـر ........ والـــلا اعـتـبـر بــــه واحــــدٍ مــــن عـمـايـلـه
وكانك جهلت أنشد ترى العيب في الجهل ........ ومـافــيــه مــثـــل الـعــلــم ربـــــحٍ لـنـايــلــه وحــــذراك مــــن خــطــو الـمـثـرثـر ونـقـلـتـه ........ تـصـبــح خـشـيــرٍ لــــه واذانــــك تـشـايـلـه إلـى سمْـع لـه علـمٍ مــع الـنـاس .. يجمـعـه ...... ويخـفـي بـعــض مـافـيـه مـاهــوب قـايـلـه ويـبّــهــر الــلـــي بــاقـــيٍ ثـــــم يـطـبــخــه ...... ويـقـلـطْـه لـــــك لــيـــن تـشــكــر سـجـايـلــه دامــك وزانــي فسـمـع الـهـرج مـــن فـمْــي ...... وخـــــــلّ الـمــبــلــس لاتـــوحّــــى هــزايــلـــه (مـن نـمّ لـك نـم (ا)بـك) .. لـو كنـت صاحبـه ....... فـــــراعِ الـــــردى لــيّـــاك تـــامـــن فـعـايــلــه واعـــرف تـــرى لـــك صــاحــبٍ مايـجـامـلـك ....... مـــــن بــيـــن ربــعـــك لاتـمـايـلــت خـايــلــه لا شــــاف عـثـراتــك يـعـنّــي لـــــك الــقـــدم ...... هــــــــذا شــــويــــرك لاتــــــــدوّر بــدايـــلـــه هــــو مــنــوةٍ لــلــي يــــدوّر عــلــى الــقــدا ...... وعـــــزّي لــمـــن هـــــو غــاديـــاتٍ رحــايــلــه |
||
|
|
|
30-12-2013, 06:15 PM
|
رقم المشاركة : 5 | ||||
|
من لاصفى لي بالشدايد والاهوال=وقت السعة مالي بضحك المحيا خوينا لاصار بالود محتال=ماوالله يعنيناولافيه حيا نتعب على الطيب ولااندور ابدال=اخوثقه مامون مافيه غيا ------------- اقتباس:
آخر تعديل منيع يوم 31-12-2013 في 03:11 PM.
|
||||
|
|
|
30-12-2013, 08:34 PM
|
رقم المشاركة : 6 | |||
|
هيــــــــــه يـــاذا الــوقـــــــــــت وش باقــــــــي بـعـــــــــد
وش بقـــــــــــى مــــــــن حيــــــــلة (ن) تحــــتـــالـــهــــا هـــــــــات مـــاعـــنــــدك ولاتـــــذخـــــر جـــــهـــــد الــــمــــصــــايـــــب مـــاخـــلـــقــــنــــا الا لـــــــــهـــــــــا امـــــــس يـــــــوم الــســـبـــت والــــيــــوم الاحــــــــد هــــــــاكــــــــذا الـــــدنــــــيــــــا وذا مـــــوالــــــهــــــا مـــــــــــن خــلـــقـــهـــا الله مــــــادامــــــت لــــــحــــــد كـــــــــــل خـــــلــــــق الله تـــــحــــــث رحــــالــــهــــا والـــبـــقـــى! لـــلـــواحــــد الـــــفـــــرد الـــصـــمــــد والـــبــــشــــر تـــفــــنــــى وتــــبــــقــــى امــــالــــهــــا والــســـعـــيـــد الــــــلــــــي يــــــوفــــــق لـــلـــســـعـــد وكـــــــــل نــــفـــــس(ن) مـــوكـــلـــه بــعــمــالــهــا مـــــــــن لــفــالــيـــف الـــمـــهـــد لــــيـــــن الـــلـــحــــد مـــــحـــــصــــــي(ن) ارزاقــــــــهــــــــا واجـــــالـــــهــــــا يــغــفــرالــســيّــات لــــــــــــو مــــــثــــــل الــــــزبــــــد ويـــــجـــــزي الــحــســـنـــه بـــعــــشــــر امــثـــالـــهـــا |
|||
|
|
|
06-03-2021, 08:27 AM
|
رقم المشاركة : 7 | |||
|
موضوع يستحق الاستمراريه |
|||
|
|
|
06-03-2021, 10:23 AM
|
رقم المشاركة : 8 | |||
|
مقعدك مرتاجٍ ولو نصف ساعه=ولا عمر يمضي بالنكد والنكايل |
|||
|
|
|
06-03-2021, 09:02 PM
|
رقم المشاركة : 9 | |||
|
الدراهم كالمراهم لا جدالي = لكن ان زادت غدت هم ومراره |
|||
|
|
|
06-03-2021, 10:18 PM
|
رقم المشاركة : 10 | |||
|
اكيد يامنيع انه لي |
|||
|
|
 |
| مواقع النشر (المفضلة) |
| الذين يشاهدون محتوى الموضوع الآن : 6 ( الأعضاء 0 والزوار 6) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| يا شعراء الفطاحله هذا تحدي لكم.. | طيب طيب | مرآة الأدب العربي | 15 | 16-12-2010 06:50 AM |
| شعراء الفطاحله أبي فزعتكم!!!!!! | احساس أنثى | تعليم وثقافة عامة | 15 | 16-12-2010 06:50 AM |
| ابحاث في شعر ابن لعبون | الطائر المهاجر | حوارات في الشعرواللهجات | 17 | 15-12-2010 11:58 AM |
| مساجلة بين شعراء الفطاحلة | منيع | محاورات ومسابقات الفطاحله | 28 | 17-05-2007 05:57 PM |
| شعراء الفطاحله ينيرون صفحة الشعر بالوطن القطريه | انكسارات النخيل | الصحافة والعلاقات العامه | 8 | 03-12-2006 09:00 PM |
ابيات الحكمه في شعر شعراء الفطاحله
