ويلها من خصرها المجنون ليلى الشايب

[نجم الإبداع]

الجزيره ماتجيب الا الحليب الرايب=تفصل الزبده عن القشطه على مغزاها
بينّت بعض الامور وبان مال السايب=والضبى تسبي مع الغزلان في مرعاها
رحت يم البر برده زمهرير وهايب=يوم شفت النوق ترغي ماسليت رغاها
ويلها من خصرها القتال ليلى الشايب=مثل عود الخيزرانه لانثنى يحلاها
صوتها غطى عليه السكر الي ذايب=واسمع الشهقه وكني ميْت في منفاها
تشبه الثلجه وفالوجنات جمر البايب=والسفن لاشك ترسي يوم في مرساها
ليش قامت وابتلت قلبي وقلبي تايب=ويلها ساقت سهوم الموت من مرماها
كم فتى ضاعت علومه صار عقله غايب=ويلها لو يوم قيس انكتْب له يلقاها
مير معهْا عين ماتملي رويس النايب=ليتها تلبس عديسات الهوى واهواها
والجزيره نور ضوى لين بان الخايب=ثم بانت كل فريه لي ومن يفراها

[الطائر المهاجر]

جزل ومبدع
صح لسانك
ولاهان راسك
تحيتي واحترامي

[هاوي نجد]

صح اللسانك يانجم يامبدع
معك ناسً واجد معذبهم الغرام
لكن الله كريم يزينها

[هترل]

صوتها غطى عليه السكر الـي ذايـب
واسمع الشهقه وكني ميْت في منفاهـا
تشبه الثلجه وفالوجنات جمـر البايـب
والسفن لاشك ترسي يوم في مرساهـا



ياسلااام عليك
الفاضل الشاعر فلاح بن منشار
صح لسانك مدد لاهنت ياطيب االفال
ابدعت وامتعت يالغالي
تقبل مروري المتواضع


تحياتي وتقديري

[حوريه]

ابيات رائعة وجميلة

صح لساانك

تحيتي وتقديري

0
0

[الـزلـزال]

نجم الإبداع

نص مميز ورائع وجميل
من شاعر متميز ورائع في كل مايقدمه لنا
أبدعت وأمتعت نجمنا رعاك الله
دمت ودام لنا حرفك الراقي
صح لسانك ملايين ملايين
ولك فائق تحياتي وتقديري

[نفحات حساسة]

صح السانك،،وجاد بيانك

للتميز عوده واستمتاع

تحيتي لك

[الكلثم]

بوح رائع
من شاعر متمكن
صح لسانك
ولا هان راسك
تقبل أطيب التحيه

[حرف وشعر]

نص كبير ياكبير تسلم علية يابومحمد

[الطامي]

هههههههههههههههههههههه
فلاح
صح السانك ملايين
يمكن وانا اخوك شوف الطبيعه تفرق عن السمكره
لاهنت اخي