مختارات ياسر التويجري

للشاعر المبدع ياسر التويجري / ( وحش )



بواسطة العيباني

[الطائر المهاجر]

البارحـه فـي يـوم عـشـره ينـايـر=ثارت علـى الـراس المحمّـك ثوايـر
حاولـت اغيّـر فـالزمـان المغـايـر=ولا حصل لي شي غيـر الـذي صـار
الله يـعـزك ياقـضـيـة فلسـطـيـن=مـن اربعينـك اليـن سبعـه وستـيـن
ومـن اولـك واليـن بكـره وبعـديـن=لولاك كـان تضيـع نشـرات الاخبـار
حنـا عـرب نعـم عـرب يـا أوربـا=ماعنـدنـا الا جـبـن والا مـربّــى
الشـخـص منـنـا لاتبـيـن تـغـبّـا=وهـذي سياسـه للهُدوْ قبـل الاعصـار
سيوفنـا وقــت المـلاقـا شطـيـره=يعنـي علـى ماقيـل مثـل الشطـيـره
وهـذا دليـل(ن) مـع نقـاء السريـره=والله يجيـب الخيـر ويطيـح الامطـار
ســلام يـابـوش الابــن يالمـبّـدى=ياللـي علـى كـل المـبـادي تـعـدّا
طيـب .. لـو نعـم ربـعـي تــردّى=وقدامـنـا جـلـه وقدامـنـا نـــار
ياكندليـزه رايـس اهـلا(ن) وسهليـن=يـام الجمـال اللـي يهـز السلاطـيـن
غنجك ذبح لـه فـوق خمسـة ملاييـن=هـذي ضحايـا والضحايـا بـك كثـار
فخامـت الرئيـس حسـنـي مـبـارك=يحفـظ جـزء عمـى وينسـى تبـارك
وأكبـر دليـل انـه يقـود المـعـارك=مـو اقفـه لاجـات حـزات الاخطـار
القاهـرة بـلـد حـظـاري وبـطـران=فيها البنـات انـواع واشكـال والـوان
مـن هارديـز اليـن مـيـدان لبـنـان=وأحسن بنات اللي يجن طـرق وصغـار
ورموشهـن شبريـن وعيونهـن سـود=وأنعم من الديباج وأرهـف مـن العـود
لبـاس مـن حلـوى وحجّـان وخـدود=كسلات في الممشى وفي الغنـج شطـار
أنـا هنـا يمكـن قبـل أربـع اعــوام=رحت اتمشـى عنـد هامـات الاهـرام
وركبـت مـع تكسـي وقـدام قــدام=حـتــى تعـديـنـا بـقـالـه ودوار
وجينا وأثر فيهـا خيـول(ن) عريبـات=أجدادها قـد شاركـت فـي الغـزوات
اجارهـا يمـكـن بـاربـع جنيـهـات=وزَوّد صـفـر ولاتـدقـق بالاسـعـار
أخذت لي خيـل(ن) وكربـاج وأقفيـت=يعنـي علـى قولـت عنيـت وتمشيـت
وياليتنـي مــع المقـاديـر ماجـيـت=ولا رأيـت اللـي يهستـر بالانـظـار
فيهـا البـنـات يسابـقـن الرياجـيـل=اللـي عليـهـم ضيّـقـات البناطـيـل
فـوق الخيـول يجـاذبـن المـواويـل=مهـار لكـن فـوق قبّـات الامـهـار
غازلـت لــي وحــده ولاعبرتـنـي=حلـوه وفيهـا مـن ملامـح (برتنـي )
وأقفيت اشيـل الهـم مـن فـوق متنـي=عقـب ماقالـت لـي حيـوان وحمـار
وأنـا مانيـب انسـان واطـي وسافـل=أنـا مـن اللـي يحكـمـون القـوافـل
أحيـان مكفـول(ن) وأحـيـان كـافـل=و اكره ماشوف الظلم .. والذل .. والعار
أبترك الموضـوع وأدخـل بموضـوع=دام ان صوتي عند ( الاجواد ) مسمـوع
نبينـا (محمـد) ولاهـوب (يـاسـوع)=المصطفى الهـادي شفيـع(ن) للابـرار
لـو انتحـر صـدام مـن قبـل ينهـان=وخـلاّ المشاكـل كلهـا فـوق بـرزان
مكان مصخـر بـه قـدم كـل الاعيـان=عزيـز قـوم(ن) ذل بيديـن الاقــدار
(سبيس تون) ان كان في النـاس حيـره=أفضـل بواجـد مـن قنـاة الجـزيـره
تضحّـك الورعـان وقـت الظهـيـره=وهـذي تبكينـا اليـا جـات الاخـبـار
ختامهـا مـدري وش اقــول لـكـن=ماحب انـا أسمـع اغنيـة (الاماكـن )
من ثقل همـن بيـن الاضـلاع ساكـن=الله يحرول سـاق رجلـي عـن البـار

[عبدالرحمن الصباح]

مشكور يابوعبدالله صح السانك والسان ياسر التويجري

[الطامي]

http://www.qassimy.com/yasssoooot96.htm

افتح القـرآن يالله او حديـث السنـه = واعطني اقوى دليـل يفنـد العلمانـي
كانه مكفر فعطنـي مقضـب المنسنـه = والله الوالي لجبع عاتـق النصرانـي
وان غدا عاصي فرحبي للذي وش كنه = عين نبع من صفاها تروي العطشانـي
شيخي اللي منته منـه ولا أيـة منـه = ضلع قلبي بيض وجهي جدي الروحاني
عزكم يا العوده اللي تكسرون الشنـه = وعزنا بالدين حنـا شيخنـا سلمانـي
الخوارج حوطونا مثـل سـور العنـه = عذرهم رايين لازم واحـد مـع ثانـي
وآخر الاراء شفتـه واحتقرتـه لانـه = الدليل اللي يؤكـد نزغـة الشيطانـي
ودهـم ان العـذارا يركبـن الـدنـه = ويتمشن بالشـوارع كـان بالامكانـي
علموا راع المعارض كان يبغى الجنـه = لا يبيع الا الرجـال وعلـم الحمرانـي
والله ان البنت والله لو تسـوق بفنـه = ن تصيـر بمملكتنـا ثـورة الشبانـي
وان تشن الحرب شنه ما وراها شنـه = وان يصير الزيت واللي يطلبن مجاني
لا تقيس الدار هاذي مع ربـوع فينـا = ولا تقارن هالشبـاب بواحـد لبنانـي
أبـك ذولا مجرميـن وعالـم منجنـه = عشقهم لحم الجمال وطبخة الضبانـي
الهلالي مثل شكلي لـو يجـن ينخنـه = في عطال القيـر والا قفلـة البيبانـي
في طريق مظلـم مـا للموبايـل رنـه = مقطعه ما فيه حولـه مرمـرة سكانـي
وش يسوي يا جماعه ؟!.. الله اعلم انه = يفتح المصحف ويقرا سورة الرحماني!
علم الزلفـه يوقـف لا نخيـب ظنـه = فالقصيد اللي بحـده خنجـر عدنانـي
ايه شاعر والدلاله كسـرة فـي سنـه = لأنعمى ينطح بوجهه نطحة العميانـي
الله اكبر يا قرى مكه ويا اهـل السنـه = عرضكم اصبح نقاش لواحـد علمانـي

[عبدالله المسعودي]

الكاشف ..؛
صح لسانك و لسان راعي القصيدة ..؛
جهد وافي ..؛
شكر1 لك ..؛

[حوريه]

حلوه يالكاشف


يسلم ذوقك ياذوق ..... وصح لسان الشاعر


مت بخير

[الطامي]

المسعودي
شكرا لك على المرور والمتابعه
ولاهنت اخي
"""""""""""""""""""""""""" """
حوريه مرورك اسعدني
لاهنتي اختي
وشكرا لك

[ابراهيم عبدالحميد]

الطائر المهاجر

تحياتى و تقديرى للجهد الرائع و الإختيار الراقى
دمت و سلمت و غنمت

[الخنساء]

شكرا طائر نا المهاجر

لاهنت اخيار وابيات جميلة

سلمت ودمت بخير

[زهرة اللوتس]

الطائر المهاجر
منقول رائع من ذوق اروع
الف شكر