سواليف من الشات

[نفحات حساسة]

بقلم

الطائر المهاجر


الجزء الأول...

***


يقولون ولا هكالواحد والواحد الله في سماه العالي

ولا كل ابليس مخزيه الله ...

شرى له عنز طيبه ...يبي حليب وش حليلها ..

حتى لو جاعت ما تقول مبعععععععععععع ...

ويوم من الأيام يوم جاء يحلبها لقى دميعاتها على خدها


قال اكيد ماكله بصل ؟..


لكن اليوم ثاني ايضا لقى دميعاتها على خدها ..

قال وش بلاك ، ودنتها بكوه ...قام وعطاها منديل كلنكس وقال كفي الدموع


وعلميني وش قصتك ...

قالت انا بنت آل فلان ، تقدم لي ساحر ورفض ابوي يجوزه ..

قام واستغل فرصة روحة ابوي وامي للعمل فدخل البيت واشر علي بيده وقلبني عنز


وخذني معه


واشوف ابوي في الشارع ابيه ينقذني لكن ما عرفني

ويريد الله ويبيعني على هكالواحد بالف ريال ...ويوم مالقى فيني حليب رجعني عليه فعيا الساحر يرجع له فلوسه


وقال له ان مديت يدك علي ترى ابقلبك تيس ..


وخلص العود من العشاء وغسل وهالحين يبي يتفنجل ويضبط باقي السالفه <<<الي اهو طبعااا الراووي..ههههههههه

واهجم عليه يالرجال واطعنه في قلبه واثناء اصابة الساحر اشر بيده يبي يقلبه تيس ، لكن مالت يده زود فقلبه ثور

قال طيب وش اقدر اسوي لك

قالت ابي يفك مني السحر ...ولايمكن يفكه إلا ساحر ساكن في عين قطوه

قال اي قطوه؟

قالت اسم العين عين قطوه ، وهي عين ماء ناشفه وتوجد في البر بين الشعراء والقويعيه


والله والقطها في دتسنه وراح يدور عين قطوه


ومن وافاه نشده ، ضحك عليه ، وراح ، قال هذا اكيد مهوب صاحي

الين انه لقى له عجوز نايمه تحت حصاة ..ظميانه وميته من الجوع..

يوم نشدها قالت ايه عارفه اكيد تبي الساحر

قال ايه ، قالت لو شافك مارايح يظهر ،.

خل العنز عندي ونا ابروح له لأنه يثق بي ويعدني كني امه ...واذا جاء باكر تلقاني انا والعنز بعد تحويلها بنت تحت ذيك الشجره

قام وحط العنز عندها وراح ، يوم طالع في المرايه والا العنز دميعاتها تنزل بغزاره

لكنه قوى قلبه ، وقال يمكن خايفه من العجوز ..

يوم جاء من بكره يجي للشجره اللي قالت له عنها العجوز ،

وش لقى ...

7
7
7
7
7
7
7
7
7
7
7
7

لقى شايب توه متعشي وفيه النوم ...<<<طبعا الراوي كبس عليه عشاه..

وقال له اذا قمت رايح اقول لك وش حصل...



انتظروناااااااااااااااا بالجزء الثاني..

[زهرة اللوتس]

ههههههههههههههههههههههه
بشوق للجزء الثاني... والثالث.....والرابع
لك يسلمووو نفوحه

[داعي الشوق]

ههههههههههههههههههههههههههه


هذا فلم هندي

بس بصراحه خوياااالي

منتظرين بشغف

[الخنساء]

ههههههههههههههههه

حلوه متابعييييييييين

[عبير الورد]

هههههههههههه

والله اني متحمسة
انتظاااااار بفاااارغ الصبر

[همس الورد]

هههههههههههههههههههه يسلمووووووووووا

في انتظار الحلقة القادمة

[منيع]

الله يعينكم على ساحر عمان العود ههههههه
خوفي يقلب الفطاحلة مزاين خرفان وعنوز
تحياتي

[نفحات حساسة]

المهم... الرجال وصل بدتسنه للشجره اللي حول عين القطوه

مالقى احد..

ولاه تعبان مع طول المشوار وجوعان وظميان ..قال ابنسدح تحت هالشجره واخذ لي غطه ، واذا قمت يحلها الله


وحط رويسه ، وعيونه تطالع في السماء ,,,إلا وهو يشوف شي يطيح من السماء

كنه وليد رضيع بمهاده..وينزل عليه مثل الصاروخ

يوم مابقى بينه بين الأرض إلا حوالي 10 امتار ، إلا ويسمعه يفرمل اوووووووووع

كنه تفحيطه..واخيرا يستقر هالجسم على الأرض

قام الرجال واتجه لهالشي، ولقاه مكتوب عليه : سندوتشات الفطاحله

والا هاكالسندوتشه اللي طول ذراع لو يتقابل عليها 5 رجاجيل كفتهم ..


والله واخبط فيها من غير وعي ، الين ماعاد قوى يتنفس ، ولقى انه ما اكل إلا تقريبا ثلثها

قال اجل اوزي الباقي لوقت آخر مدري وش الظروف..وعود وحط راسه يبي ينام


ويطالع في السماء إلا وهو يشوف شي كنه صاروخ متجه ناحيته ويسير بسرعه ضعف سرعة الصوت 3 مرات

شوي ، إلا وذا اللي كنه صاروخ يخبط على الأرض ، ويركض يمه

ولاها قارورة ببسي مكتوب عليها : مشروبات الفطاحله

والله وهو يشرب ويشرب الين ماعاد قوى يتنفس..ويرجع ويحط راسه ويفخها نومه


ونومة بنت كلب ، وماقام إلا على صوت كنه صوت رعد..

يومه ينام والجو صافي ، من وين جاء هالرعد ، اكيد وراه مطر..

شوي ولا هكالعاصفه اللي سرعتها 200 كم في الشاعه وتشيله والشجره وهو يشوف دتسنه يتقلب ..

وتيمسك في الشجره ، وتطير بالشجره..وكلما يشوف الأرض الاها تبعد عنه

وطيران مع الشجره الين وقفت العاصفه ، قال الحمد الله ما جاني شي ، يحسبنه لايزال على الأرض ..

وانزل من الشجره ويشوف تحته ارض رماديه وفيها خروق ، ويطل من الخروق ويشوف تحته الأرض

ويلاحظ ان الأرض اللي هو عليها تتحرك ، اثاري الشجره طارت بها العاصفه وحطتها على سحابه هي وياه ..

المشكلة وشلون ينزل من السحابه ، ولا يدري هو وينهو فيه ..

ويقعد على الحال يمكن يوم كامل ، يوم الله اراد له انقاذ ، وتمر من حوله ذيك الطياره ، وياشر لها ، والله وتوقف له على السحابه ويركب

يوم ركب ويشوف مخلوقات مهم اوادم روسهم تحت ورجليهم فوق وكل واحد له راسين و8 رجول و6 يدين

وعيونهم في رجليهم..وخشومهم في وسط اجسامهم كنها قراشات طيارات

اسبط الرجال ، خايف لايكونون متوحشين وياكلونه ، واربط الحزام ، واقر المعوذات ..


وتطير الطياره وعلى فوق وعلى فوق وهو يبيها تنزل به للأرض ، اشر لواحد منهم ، قال ياحبيبي انا ابغى الأرض ، انتم وين موديني ، ضحك اللي كلمه يوم بانت سنونه والاها مدببه وطوال وتروع


يوم دنها بكوه ، ودموعها تنهمر بغزاره ، قال يمكن يرحموني..

المهم يوم شافوه يبكي وازعجهم ، ويفتحون باب الطياره ويذبونه
..
ولا يحس بنفسه إلا وهو يغلوي في السماء ..

ومن تيسير الكريم وينفصخ ثوبه ويشكل له مظله ، ويغلوي ويغلوي الين اخيرا طاح في مويه

مويه كثيرة الظاهر انها بحر..ومع قوة سقوطه من على ارتفاع الاف الكيلومترات ما رده إلا قاع البحر..

ويشوف في قاع البحر ذيك الأرينب اللي وش حليلها نايمه

حاول يقومها : يا ارينب ، يابنت الحلال قومي ، علميني وين انا فيه ، ما ردت له..

ولقى له ذيك الحصاة ويقعد عليها يحتري الأرنب الين تقوم..


وهو قاعد يناظر في قاع البحر إلا ويشوف ذاك البدوي اللي معه عجراء ، ويجي لمه ، قال : ياقليل الحيا قاعد تغازل الأرنب ، يوم جاء يكفخه بالعجراء


وتطمر الأرنب وتوجه له وقالت حشى لله ما غازلني ، هذا مؤدب..قال البدوي اشوا ، وش جايبك في ارضنا...

قال والله يابن الحلال مهوب على كيفي وقص عليه اللي جرى له ، ثم سأله وشلون ارضكم في قاع البحر وانا خبركم في صحراء شهبا لهبا


قال البدوي بلاك ما تدري ، جانا سيل عظيم وغرقة لا راحت ولا جت ، ولا درينا إلا وحارتنا كلها تتحول إلى بحر

قال وش اسم حارتكم ، قال البدوي ابك انت ماتعرف النظيم ، هذي النظيم بعد الغرقه

قال اجل انا في الرياض.....؟


قال له نعم انت في حي النظيم شرقي الرياض اما غيره لايزال مثلما تخبره

قال طيب وشلون تعيشون ، مثل السمك ، رد عليه البدوي الله سبحانه رأف بحالنا وقلبنا سمك..


قال له طيب واذا جاء الصيف ونشفت الأرض او سووا للسيل تصريف وش رايح تسسون وانتم سمك ، رد عليه يمكن الله يرأف بنا ويقلبنا ضبان

قال طيب ممكن تساعدوني اروح لبيتنا ، رد عليه وين بيتكم ، قال في المصيف..

قال شف ذيك السمكه الكبيرة تراها القطار اللي توهم مسوينه رح اركب فيها وقل اذا وصلتوا المصيف نزلوني


وانتبه لايفوتك المخرج تراه رقم 9

والله ويأشر للسمكه الكبيرة وتوقف ويركب ،..

واقوم من النوم ولا ادري

وش صار عليه..!!

ترقبوووووووووووووو الجزء الثالث

..

[زهرة اللوتس]

ههههههههههههههههههههههههه
متابعين
ولا ألف ليله وليله
واصلي

[بنت العز]

ههههههههههههههههههههه
يعطيكم العافيه