محاورة الشات السريعه 9/3/08 ظهرا

[الطامي]

المري+ صنداح +فلاح

هلا واهلا بكم صنداح كيف الحال والاحوال = قل اعلومك وهذبها عساها بطيب يالغالي(المري)
هلا يامرحبا ترحيبتٍ فيها كرم وجلال= وانا والله منسا اهل الوفا دايم على بالي(صنداح)
هلا منصور هلا صنداح هلا ياصحابنا عالبال= هلا ياهل المشاعر والوفاء والطيب مرسالي(فلاح)
انا رحبت بك وابيك تجاوبني على السوال = ابي اعلومك من الناس والبدوان والمالي(المري)
تقول انته هلا وانا عطيتك علم يارجال = لك الله ماحصل مني خطاء لو ربع مثقالي(صنداح)
هلا ياصاحبي من قال لك عن جرة الموال= ترى الموضوع عادي والرجال تشيل الاثقالي(فلاح)
فلاح علومك بعد انك تسير وارجال ابطال = تراها جاتني والحمد لله جات فالعالي(المري)
علومي وافيه وانته علومك وافيه وثقال = تبي تاخذ علومي وانت علمك وين يالغالي(صنداح)
فلاح اتشوف هالتهمه تخليني معي ولوال = ترا صنداح قاصدها وانا بازهمك ياموالي (المري)
انا ماشهد معك بالزور واعرف سهمك القتال= تبي تشعل فتيل الحرب بين اهلن ونزالي(فلاح)
بن عمار مثلك وانت مثله والجمال جمال = وانا ويا فلاح انرد الاول يتر التالي(صنداح)
ترى صنداح يسوها معاكم ياعريب الخال = يبي يدهورك وانت مسالم وبياتيك غربالي(المري)
نعم يابو محمد والعرب لو يطلبوا المعدال= وبعض الظن سؤ ولا يجوز ببعض الاحوالي(فلاح)
لك الله لو تجيب بن خزيم وتزهم السموال = فلا واحد من الاثنين يطريلي على بالي(صنداح)
انا لمن نويت اهجم عليكم مايردن حال = ابسحقكم مثل حب سحق ويحط بدلالي(المري)
مع صنداح مانخسر وهو فارس وهو خيال=يدير المعرفه من بحر موجه جاك طوالي(فلاح)
ترى من هو ذكرته غايب ولاتجيبه مال = اناعنهم جميع اردكم واشل الحمالي(المري)
الى منك هجمت يجيك رجالٍ قوي عضال = واناوالله اكفي فيك لو مغير بعقالي(صنداح)
الاياعزتي لك يافلاح ان كان به تهتال = ترى صنداح كنه الريش بوجه الصرصر العالي(المري)
صليب الراس مافكر في العدوان ياجمال= وله بالحرب صوله والقوافي منه تنسالي(فلاح)
انا ماخاف غير العود ذاك والعبة الموال = لا كن ان كان جى باعطيه بالمشعاب طوالي(صنداح)
تحرو للرعد والبرق ياتيبه قصف زلزال = وسيله لو يطم الارض مايبقى لكم تالي(المري)
طويل الباع لو شفته وبالملقى كريم اخصال= وانا من قبل سلمت القياده له وجوالي(فلاح)
اناخابرك يامنصور رجال وقوي افعال = لكن الى مسكتك رحت مثل المملي الخالي(صنداح)
اثاري عندكم منافقه ياربعي على ماقال = تحرو ذنبكم فالنار يكبكبكم على الصالي(المري)
بديت الحرب يامنصور والفتنه بها تختال = وضيعت الطريق وصرت ماشي في خلاء خالي(فلاح)
تخافون البشر وانت رجال كلكم ابطال = من دون العود اكفيكم ولا تاتون عدالي(المري)
ترى عودك يناظرنا ومن حره نصى مثقال= يحسْب ان الصعيدي ينفعه واثره بلا والي(فلاح)
انا مدري عن اللي جامع المشاي والخيال = لاهو نازل لاخيه ولو مشى جابه تعقالي(المري)
اباء سوي عليكم ويا المعرف كرنفال = وحفله كاملة واناعليكم جايرن حالي(صنداح)
ترا ماعندنا للي مورد كون صفق الجال = يموت اللي ضمان مايحصل جغمة بلالي(المري)
انا باخرج من الملعب فعندي شغلةٍ يامال= ولا مني خلصت فقربوا للعود بالرالي(فلاح)
اجل حنا قفلناها لين تشوفون لكم ازوال = بعدها يالنشامى مرحبا والمطرقه تالي(المري)

صح لسانكم جميع

لو انكم تزهمتوا بعض العرب بس هيهاااات

[ابومياس]

لاهنتوا

وصح لسان كل واحد فيكم وبيض الله وجيهكم

مساجلة رائعة بروعة اصحابها

دمتم بخير

[الطامي]

ابو عمار
شكرا لمرورك
ولاهنت والأمر مدروس وجا لك كافي وانا اخوك .

"""""""""""""""""""""""""""""" """""
ابو مياس
مرورك اسعدنا
لاهنت يالغالي
شكرا لك

[صنداح الزلامى]

شكرأ منصور على نقل المحاورة


صدق انني استمتعت في قرايتها اثرينافي وقت المحاورة في شد اعصاب


بعدين ليه تقول لبو عمار الامر مدروس تبي تولع فتنه على كلٍ اشكرك


كما اشكر الاخوان على مروهم


الاخ ابو عمار وابو مياس


دمتم بخير

[نجم الإبداع]

شكرا منصور على النقل

والشكر موصول لكل من مر وسيمر من هنا

لاهنت

[الطامي]

صنداح
فلاح
شكرا لكما على المرور والتعليقات
ومنا لكم

[خالد العمري]

منصور المري+ صنداح الزلامي +فلاح بن منشار

صح الله ألسنتكم وقلوبكم
وفقكم الله على هذه الإبداعات المتتالية

[الطامي]

خالد
اشكرك على المرور والمتابعه
ولاهنت يالغالي

[المرزوقي]

تسلم
ابدعت وامتعت
تحياتي