][ يالليل ٍ بالسهر مجنون ][

[عبدالعزيز الرقابي]

ياليلٍ بالـسهر مجنون وانا حزني يقول الآه=وانا هميّ تـرى خاثر يعرف الـيـوم يشقى بي
ألا ياليتني قادر اشـوفه بس انا وآقراه=واترجم كل احاسيسي معاهـا هاجـس ارهابي
بطبعي دوم متعـوّد طبـيـب ٍ عارف ٍ لأدواه=يعالج علته بالكي يزيد الكي بمْصابي
وأشـوف القلب يشكي له ولاهو بسـامـع ٍ شكواه=ماغير اللي على باله و لا هو بحاسب حسابي
ضرير ٍ ماشـي بدرب ٍ خبير بأوله واتلاه=يروح ولا يجي إلا يصير من التعب حابي
لو أنه غيري يمكن قال خذاه الوقـت عني وتاه=ولكنّي أعرفه دايم ٍ ماقد نسى بابي
على الفرقا أنا وإياه وارجع من بعد القاه=أشوفه عايش ٍ بأرواح سبعه ويتحدى بي
وانا اللي دايم اتهرب هذاني اليوم ابغى انسـاه=ولكنّ مالقى له في زمانه ربع واصحابي
على درب العهد غادر وياخذ بالرحيل اشياه=رجعنا مثل ماكنا خوان وأهل واقرابي
ياليلٍ بالحزن مجنون أشوفك تنتظر لقياه؟=تراني مْن اللقاء مليت وأبيك تكثّر غيابي

أتمنى أن تنال رضاكم
عبدالعزيز الرقابي

[داعي الشوق]

حجزززززززز

وصح لسانك مقدما

[الطائر المهاجر]

صح لسانك
وبها اخطاء طباعيه
تشعر القارئ باختلال في الوزن
فياليتك تراجعها
لاهنت
تحياتي

[عمر ال شيبي]

الله يبعدك عن الهموم والاحزان

وصح لسانك مليون المليون

[حوريه]

يـالـلـيــلٍ بــالــحــزن مــجــنــون قـــلّـــي تـنـتــظــر لــقــيــاه


صح لسانك مدد
رائعه وجميله
من شاعر أجمل
تحيه وتقدير
0
0

[حي الضمير]

قصيده رائعه وابدعت شاعرنا
ومدد صح لسانك

[الطامي]

ع الرقابي
صح السانك ملايين
رائعة جدا
لاهنت اخي

[منيع]

اكثر من رائعة
دمت بخير وعافية
تحياتي لكم

[الـزلـزال]

عبدالعزيز الرقابي

نص رائع وجميل
من شاعر رائع ومتميز في كل حروفه الشعرية
أبدعت وأمتعت شاعرنا
دمت بخير ودام حرفك
صح لسانك ملايين ملايين
ولك فائق تحياتي وتقديري

[كظيم]

عبدالعزيز الرقابي
الله عليك يابعـدي
صح لسانك وفكرك
والله يفرح قلبك ويبعد عنك الحزن والهم
قصيده جزله ورائعـه بروعتك لاعدمتك
تقبلني وتقبل مروري المتواضع لاهنت
ودي وتقديري