أستثار الشعر

[سعود العضياني]

بسم الله الرحمن الرحيم
السلام عليكم ورحمة الله وبركاته

مساء الخيرات

اطرح لك هذه القصيدة لترى النور لأول مره بعالم المنتديات


امل ان تحوز على رضاكم

يوم وجه موتري صوب الكويت= والطريق المستوي قدمي سوي
عقب ماني من حلا كيفي رويت = وموتري من كيف بنزيمه روي
أستثار الشعر وقرن بيت بيت = وقمت أزينها على مانهتوي
من هجوس(ن) حركه شوق الكويت = شوق لديره وأهلها منزوي
ساريًن مسرا الذيابه لاسريت= مامعي راكب والامعيه خوي
أمشي الأميال وبالكيلو طويت = بعدها والكيل يطويها طوي
ماحسبت البعد منه ماشتكيت = الهواوي مالك العزم القوي
مسرع(ن) في طرقتي وأقول جيت = جيتلك ياكاوي(ن) قلبي كوي
كاوين قلبي ببعدك مستحيت = كنها من كي دافور خلوي
مادريت أرباح بعدك وش لقيت = لاقين حال(ن) من الصحة خوي
وفوقها هم وعنا ياما عنيت = وسبة أفراقك من السم أرتوي
وجسم ميت حي وحي الجسم ميت = ولختصار الشرح حالي مئسوي
من عرفتك وأنت تطعن مكتفيت = أبك أنا وأنت ترانا من ذوي
ليه يازين الوصايف مانويت = تدعم المشتاق دعم(ن) معنوي
ليه لامنه لفالك مالفيت= وهو يدري وأنت تدري مقتوي
كان عايفني فقلها كمبليت = وخلني أقضي حياتي مئسوي

وسلامتكم

[سلطان العطاوي]

الله عليكـ
صح كلك والله ولسانك ..!!
أبيآت رائعــة بروعــة تواجدك وحضــورك
لا خلا ولا عدم // متابعــتي وخالص تحيــاتــــي...!!

[ناصر عبيد الهواوي]

سعود لله درك على هالدرة الثمينة
بصراحة كايفة وشامخة
لاهان راسك وسلم فكرك
وبيض الله وجهك

[الطائر المهاجر]

الله ... الله
لله درك
جزلة من شاعر مبدع
لاهنت
تحياتي

[نجم الإبداع]

ارحب ياسعود

وصح لساك على المصافحه الجزله

رائع وجزل

لاهنت

تقبل مروري

وتقديري

[عمر ال شيبي]

حلوه
يا جمال روحك


صح لسانك

[الـزلـزال]

سعود العضياني
بوح مميز ورائع
من شاعر عودنا على تقديم كل جميل وراقي
مبدع شاعرنا وممتع في بوحك
ويسرنا متابعته وتذوقه
رعاك الله
صح لسانك ملايين ملايين
ولك فائق تحياتي وتقديري

[شجون القصيد]

مسرع(ن) في طرقتي وأقول جيـت
جيتلك ياكـاوي(ن) قلبـي كـوي

.......................

الله الله

صح لسانك وتاصله بالسلااامه

رااائعه من روائعك

سبك وحبك وكلمات راقيه

لافض فوووك شاعرنا

تحياااتي

[عبدالإله]

يااهلا با لشعر و الجزالة واهلها

ويا ااهلا بالقصيد

صح الله لسانك حتى ترضى

[داعي الشوق]

صح لسانك يالشاعر

قصيدة جميلة

لها تصوير رائع

لله درررررررك

وصح لسانك ملاييييييين

مع التحية لك

و لاهنت

،،،،،،،،،،،،،،،،،،،،