المرجله : ماهي عباةٍ ولا ثوب

[احمد الجريفاني]

حظيظ من يصبح من العقل مسلوب=ما يجرحه لومٍ ولا يبدي عتاب
ولا تشغله دنيا ولا هجر محبوب=ولا يميّز بين ربعه والاجناب
ما هو سواتي جوفه وجار مشبوب=جمر الغضى وسط المعاليق لهًاب
لا قيل وش بك قلت : تكفير لذنوب=ذنْب الوفا عنه ابيض القلب ما تاب
حياتي اللي روحت كنت منهوب=لو حسبوها ما سوت حفنة تراب
لا واحسافه كان ماعشت محسوب=ولا حصل لي منه يا كود الانشاب
انا على امري دايم الدوم مغلوب=وش عاد ينفعني لو ابديت الاسباب
ماني على سلم الرجاجيل مغصوب=طبعٍ ورثته قبل ينبت لي الناب
درب الردى صوبٍ وانا عنه في صوب=ماني من اللي لا حكى قيل كذاب
ولاني من اللي نظرته داخل جيوب=ولا ني من اللي لا مدح ينطر حساب
المرجله ماهي عباةٍ ولا ثوب=لا من بغيته تلبسه لجل الاعجاب
المرجله قولٍ وفعلٍ وماجوب=من طالها لازم يبرهج له الباب

[حرف وشعر]

المرجلـه ماهـي عبـاةٍ ولا ثـوب
لا من بغيته تلبسه لجـل الاعجـاب
المرجلـه قـولٍ وفعـلٍ ومـاجـوب
من طالها لازم يبرهـج لـه البـاب
احمد الجريفاني


صح الله السانك قصيده جميله

ولها طابع حزين

ابعد الله عنا وعنك كل اسي

[حوريه]

المرجلـه قـولٍ وفعـلٍ ومـاجـوب
من طالها لازم يبرهـج لـه البـاب

صح لسانك يااحمد ..
قصيده أكثر من رائعه
تحيتي لك وتقديري

[سناعيس]

الله الله
صح لسانك يابو فراس
ولله درك

تحياتي

[صعبة المنال]

المرجلـه قـولٍ وفعـلٍ ومـاجـوب

من طالها لازم يبرهـج لـه البـاب

صح لسانك

جزلة ووافية

صعوووب

[داعي الشوق]

صح لسااااااانك ملاييييين يا بو فراس

عزالله انها جزله بالحيل و وافيه يالوافي

ذكرتني بقصيدة لي بديت بها ( المرجلة ما هي سواليف و علوم )

و القلوب شواهد يا مبدع

و لاهنت يالشاعر

مميز دائما و حضورك يضيء القلوب قبل المكان

تقديري لك

*************

[كظيم]

انا اشهــد والله ماقلت غير الصحيح

احمد الجريفاني
الله عليـك
صح لسـانك وفكرك وكلك
نص جزل ووافـي وشـامخ
ابيـات تميزت بالحكمـه والابداع
كتبت .. سبكت .. حبكت .. اجزلت يابعــدي
تقبل مروري المتواضع لاهنت
ودي وتقديري

[حي الضمير]

صح لسانك مدد
على هذه الابيات الجميله والراقيه.
لا عدمناك يا مميز

[جهاد الشعلان]

المرجلـه قـولٍ وفعـلٍ ومـاجـوب
من طالها لازم يبرهـج لـه البـاب


الله الله اخوي احمد

قصيده جزله ورئعه الى حد الثماله


لا هنت وصح لسانك وسلم بنانك


تقبل مروري

[الطامي]

الجريفاني
صح الاسنك ملايين
رائعة جدا لافض فوك اخي
شكرا لك