معذور ياقلب تهمجت همـاج=من مركاسات ال

[حرف وشعر]

معذور ياقلـب تهمجت همـاج=من مركاس بالصبابـات ممـزوج
مادام لك في منهج الـود منهـاج=لابد ماتدلج علـي عالـي المـوج
وتسري بليل مابدا ضو واسـراج=للناعس اللي حاوي الزين مغنـوج
في مهمهن ماسج به قبل ولاداج=الا شغوف من عنا الشوق مسهوج
في منزل ماكان في بيـر هـداج=تسري عليه الجن فوج عـلا فـوج
وتصر به لي عسعس الداج بالداج=نيبانهن ياصاحبـي كلهـن عـوج
في سرحة دغماء كما طائر الغـاج=محيانها من لغوة الجـن مزعـوج
حاولت به مخراج ولاحين مخـراج=الا كما يخرج من السـاق دملـوج
يارج قلبي رجة الصـاج للصـاج=منهو يلوم اللي من الشوق مرجوج
مشتاق انا والشوق سبب لي ازعاج=يابو عيون ادعاج والساق مدمـوج
وبيض الثنايا يشبهن صافي العاج=وعذب الشفايا فيهن الشهد ممزوج
وخد كما البلور في ملمس الديبـاج=ماجاه مكياج ولا الشـف بـه روج
هذاك خلي لي له القلب محتـاج=اسـج فـي وده ابــد دوم وادوج

[منيع]

ابيات رائعه
شكرا لكم
تحياتي

[سناعيس]

صح لسانك اخوي محمد
وبيض الله وجهك
ولا أخفيك ان الشطر الاول من بعض الابيات سبب لي اشكاليه ؟
ولا أعلم اهو من قرائتي لها أو أنها تحتاج الى مراجعه
لاهنت

تحياتي

[داعي الشوق]

حرف و شعر صح لسانك

أكيد القصيدة كيبوردية و استعجلت فيها !

ولاهنت

[عبير الورد]

صح لساااااااااانك ولاهنت
يعطيك العافيه

[عبدالرحمن الصباح]

تسجيل حظور وعوده مره اخرى اخي الفاضل صح السانك

[منصور العبدالله]

يارج قلبي رجة الصـاج للصـاج
منهو يلوم اللي من الشوق مرجوج
مشتاق انا والشوق سبب لي ازعاج
يابو عيون ادعاج والساق مدمـوج
وبيض الثنايا يشبهن صافي العاج
وعذب الشفايا فيهن الشهد ممزوج




الله يلوم اللى يلوومك


يالشامسى

صح لساانك ملايين

قاف لايجده الا الجزل

تحياتى ورد

[الطائر المهاجر]

جزله من راس جزل
صح لسانك واعتلى شأنك
ولاهنت

تحيتي واحترامي

[الخنساء]

معـذور ياقلـب تهمجـت همـاج

من مركاسات الصبابـات ممـزوج

مادام لك في منهج الـود منهـاج

لابد ماتدلج علـي عالـي المـوج

وتسري بليل بـلا ضـو واسـراج

للناعس اللي حوي الزين مغنـوج

في مهمهن ماسج به قبلـك ولاداج

الا شغوف من عنا الشوق مسهوج

صح لسانك مليوووووون

قصيدة جزلة من شاعر متمكن

سلمت ودام حرفك

[احمد القاسم]

صح لسانك واعتلى شانك , جزله من شاعر جزل

تحياتي وخالص ودي