لا زلت أبي أنشد صاحبي إنت مرتاح ؟؟؟

[محمد مطر المطرفي]

لا زلت أبي أنشد صاحبي إنت مرتاح ؟؟؟

مجاراة لقصيدة الشاعر / نواف الفهاد القاها على اليوتيوب الشاعر /ماجد الزهراني

والتي مطلعها ......

يآصآحبي طآلبك خلنَي بــ حـآلي = ما أبي "أضيــّــق خاطرك" وأنت مرتاح
ياصاحبي وإن غبت عنك " ليالي " = غلاك باقي بــ الحنايا ولا راح

مجاراتي للقصيدة

يا صاحبي .... مشكور ترأف بحالي = معذور يومك تحسب البال مرتاح
وكن الألم ماله معي أي مجالي = طلق المحيا بحجتي نور الاصباح
تشوفني أضحك مع الناس سالي = وكن الحزن في دنيتي ما بعد ... لاح
لا والذي خالقك رب الجلالي =إبــطلــبتك بيحت سدي وثم ... باح
يا كم ... غالي وقـدرهم عندي عالي = مسحت دمع إعيونهم ما بعد طاح
ويا كم ... عطيت أشخاص من حر مالي = وجـازونـي بالنكـران طعن (ن) بالارماح
قلب الحسود من الوفى صار خالي = قلب الحسود أظلم ولو حط مصباح
إذنوبنا حطت بنا الإعتلالي = إذنوبنا بيد العدوا أكبر إسلاح
ما برر لحالي ولاني مثالي = ولاني بنا أفضل شخص يصلح للإصلاح
الأمر أكبر من تصور خيالي = وإلا خيالك قد تعداه ياصاح
بغداد راحت مننا بإغتيالي = الرفض ويا الكفر لبلادنا إجتاح
والشام شامت للعلا والمعالي = لأرض الجهاد اليوم صايح وصياح
وأرض الكنانه حظها اليوم مالي = وصار التنافس بالكراسي والأرباح
والليـبي وضعه صار فيه إختلالي = صارت لغتهم بين سادح وسداح
والحوثــي يذبح شيخنا والعيالي = خدام فارس ريحهم بالعفن فاح
المسلمين إبلادهم بشتعالي = هم والكفر ... ما بين ذابح وذباح
مع كل هذا آقــف وألمــلم بحالي =آقـــف وأنا ما بين قصاف الارواح
ما ضاق صدري دام صدري شمالي =ولا زلت أبي أنشد صاحبي إنت مرتاح

هذه مجاراتي والعذر والسموحه اخوكم/ محمد مطر المطرفي

[الطامي]

صح السانك
ابداع مميز
لاهنت