لعبة امريكا خطيره من تجاهلها هبيل

[الطائر المهاجر]

لعبة امريكا خطيره من تجاهلها هبيل = تضرب الإسلام بالإسلام ما تدفع مكوس
من اجل بعض المصالح ماتفكر ف القبيل= تشتري وتبيع بالعالم على شان الفلوس
فصلت للدين ثوبٍ لا قصير ولا طويل= ولبسته اللي خدمها من ضعيفين النفوس
من خفافيشٍ تنفذ ما تبي لو وسط ليل = تظهر لطيب التديّن وبالخفاء فعل النجوس
شكلوا تنظيم دولي يخدم امريكا عميل= لو تستر بالديانه واتخذها له لبوس
يبرمجون اللي بسيط الفهم في فكره هزيل= ويخدعون اللي فقير يشتكي مر النحوس
من سمعهم قال ذولا كلهم عالم جليل = واجبٍ ناخذ بأمره وما يلقن من دروس
ومن عرفهم عن حقيقه واضحه باكبر دليل= يدرك امريكا تجند روسهم مابه هجوس
منافقينٍ كاذبين جرمهم ماله مثيل = ومن يقول الحق فيهم ينقتل مابه حدوس
مكرهم والقتل عاده يمشوا في نعش القتيل= بالعنف والقتل فاقوا كل افعال المجوس
بايعين الأرض للي يدفع اكثر بتختيل= ومن يساعدهم يصيروا فوق خلق الله رؤوس
ولا انكشف حبل التآمر مع عدوٍ او دخيل= يشعلون الكون فتنه كنها حرب البسوس
خادمينٍ للمعادي دام يرهي للجزيل= لو اراضيهم تقسم بين خرفان وتيوس
يلتهمها دون عنوه ما يبي وقتٍ طويل = وما يفيد الصوت بعد الفوت بافعال النجوس
مثلما ضحوا لأجله يضحي فيهم لابديل= مثل اوراقٍ حرقها لو لأقدامه تبوس
مثلهم طابور خامس لا لقى الفرصه يميل= باع ارض وباع شعب دام يقبض للفلوس

[داعي الشوق]

صح لسانك و حالك و بالك

قصيدة جميله تترجم واقع محزن

لاهنت لاهنت و دام حرفك يا دكتور

مع تحياتي لك

[منيع]

اكثر من رائعة
شكرا لكم
تحياتي

[عبدالله الشويمان]

صح السانك يابوعبدالله

قصيده جزله من راس جزل

لا هنت لا هنت

[نجم الإبداع]

صح لسانك

صدقت في من لبس عباءة الدين

لاصناعه ولاعداله

وفاقد الشي لايغطيه

لاهنت

[بنت النور]

صح لسانك وعتلى شانك
يعطيك العافيه
لاهنت
تحياتي وتقديري

[الطائر المهاجر]

شكرا داعي
على كريم الحضور
لاهنت
تحياتي

[الطامي]

الطائر
صح السانك ملايين
قصيدة معبره وهادفه
شكرا لك

[حي الضمير]

جزاله وحكمة من شاعر خبير
مدد صح لسااانك ياعلم

[احمد الكثيري]

صح لسانك مليون يا دكتور على هذا الابداع الجميل
لك تقديري