أقرب يا فطحل

[نواف العدواني]

يا مرحبا يا مرحبا ترحيبة معزب للضيف=و من بعدها بيبدى الكلام الجد و إعجافها
بغيت ريش المحاور بأعذبه في حر الصيف=و من خاف جمر الملاعب ترى المطبّة خلافها

[الطائر المهاجر]

هلا بك يانواف
اغلب المحاورات تتم في الشات فوريا ثم تنقل للقسم
ودخول الشات يحتاج انك ترفع معدلك اليومي من المشاركات
حتى تصل للمعدل المسموح لأصحابه بالدخول.
لهذا قد يتأخر الرد عليك لأن الشعار يتحاورون في الشات
لاهنت
تحياتي

[نواف العدواني]

هلابك زود يا دكتورنا الكريم

العذر و السموحة يا القرم

تحياتي لك

[محمد الأحمري]

يا مرحبا يا مرحبا ترحيبة معـزب للضيـف
و من بعدها بيبدى الكلام الجـد و إعجافهـا

بغيت ريش المحاور بأعذبه في حر الصيـف
و من خاف جمر الملاعب ترى المطبّة خلافها

ياهلابك ياهلابك نقلب الدنيا خريف===وعلى الجمر ياخوك نمشي ولانحسب احسابها
نصف لك بيت الشعر في صف ترتيبٍ نظيف===والملاعب يارفيقي احنا لها وأدرى بها

[نواف العدواني]

الملعبة يا الأحمري تبا لها رجل(ن) عنيف=ماهو ترى (دربن دربن) و للملعبه عرافها
وأنتا كفو من لابةن يردح لها المجد العسيف=لاكّن عذروبك كايد فالملعبه خوافها

[محمد الأحمري]

ماعليك الزود والله صاحبي طبعك رهيف=والمدح في النفس نقصٍ لو يزود امداحها
الملاعب وحدها من تبرز النمر المخيف=وماكل ذيبٍ لاعوى يجلب كثير اشحامها

[نواف العدواني]

الشبل لامنّه زئر ينزل له مرقابٍ منيف=و الليث لامنّه زئر يوردك عسر أحياضها
وأنتا شبل وانا الأسد من نسلٍ يعز الحليف=و الصدق كلمة يالخوي خايب منهو عضّاضها

[محمد الأحمري]

خلنا في الخط نمشي لاتقرب للرصيف=الحذر ياخوك احذر لايهج اترابها
القيادة خلها للي على الممشى لهييف= بارزٍ ماهوب من اللي لي بغا يسلا بها

[نواف العدواني]

فين الرخصة ياالأحمري تراها ماتعطى الرجيف=الوضع هّبٍ في دّبٍ في الملعبة يا ناسها
وأن جيت للنقطة عجب! عقيدٍ في مرتب عريف!=يا حيف وقتن مرير صاب العمى عساسها

[الصريح العتيبي]

واصلوا

بيض الله وجيهكم حتي تبين الفضه من النحاس

دمتم بخير