فريخات الغراب

[ناصر عبيد الهواوي]

يالله يا منشي مزون ٍمراديم=عن هالمرض تجعل بقلبي مناعة
عدوى وطالت هالحرار الصواريم=ما عاد تقنص صار فيها مجاعة
بأوكارها مثل النصايب جواثيم=ولبو حقب تقول سمع ٍوطاعة
حتى فريخات الغراب المجاهيم=تهوي على عقبانها باندفاعة
واظنها حلت بقلبي وانا نيم=يصيبني لو قرقع الطشت راعة
واشوفها طالت عيال ٍشغاميم=كل ٍعلى الفزعة طويل ٍذراعه
وبحثت في جد وعزيمة وتصميم=بين الجرايد والصحف والأذاعة
لعلي أحصل لهالشر تطعيم=وألا تحدد صورته بالأشاعة
ابا أجمعه واحجمه بالمحاجيم=وأعالجه يمكن يجي بي شجاعة
وأقتص للأطفال من هالحخاميم=ومن لفني ابا أثأر لقتلى خزاعة
وتل الهواء ابا اقتص له من مناحيم=وللشوف من كل اليهود الرعاعة
ومن كل حاخام ٍصلاته ترانيم=ومن كل من يحمل صليبه خناعه
قوم ٍتبيد ابطالنا بالرواجيم=وقنابل الفسفور ياللفضاعة
تفصم عظام الضعيفات تفصيم=كم خير ٍمنها توسد كراعه
اهوال منها صار بالرأس تنسيم=يارب تلطف يا حفيظ الوداعة
طفل ٍعلى امه غطيت بالهاليم=يمص ثدي امه يدور رضاعة
وأنا أومن ان الوقت رحال ومقيم=اللي نزل واللي يطوي شراعه

[الطائر المهاجر]

صح لسانك واعتلى شأنك
نص رائع من شاعر رائع
لاهنت
دمت بود

[حوريه]

الهواوي

صح لسانك وجاد بنانك

جزله من شاعر جزل

داام حرفك ونبضك

[عدنان كريزم]

ومـن كــل حـاخـام ٍصـلاتـه ترانـيـم
ومن كل من يحمل صليبـه خناعـه

الله الله

صح لسانك يالغلا

و لا هنت

ابداع

تحيتي لك

[الطامي]

الهواوي
الف مليون صح السانك وينانك
وافية وجزله لافض فوك
شكرا لك اخي
ولاهنت

[محمد عبدالله البدراني]

العزيز الغالي ناصر عبيد الهواوي سلمه الله



مليون صح السانك ياناصر وعلا شانك


لاهنت


وبيض الله وجهك


وبقاء الحال من المحال

اللهم عجل بالفرج



تحيتي وتقديري

[سناعيس]

ناصر الهواوي
صح لسانك ولله درك
جزل دائما

لاهنت


تحياتي

[عالي مستواها]

قـــوم ٍتـبـيـد ابطـالـنـا بـالـرواجـيـم
وقـنـابــل الـفـسـفـور ياللـفـضـاعـة
تفـصـم عـظـام الضعيـفـات تفصـيـم
كــم خـيـر ٍمـنـهـا تـوســد كـراعــه
اهـوال منهـا صـار بالـرأس تنسيـم
يــارب تلـطـف يــا حفـيـظ الـوداعــة
طفـل ٍعلـى امـه غطيـت بالهالـيـم
يـمـص ثــدي امــه يـــدور رضـاعــة
وأنا أومـن ان الوقـت رحـال ومقيـم
اللـي نـزل واللـي يطـوي شـراعـه


صــــــــــــــــــح لسانك ولا هنت اخوي


الله يرحم موتى المسلمين آمين فكم نرى من المشاهد البشعه لجرام لا انسانيه

الى جنه الخلد أن شاء الله


كلمات كالسهام تصيب الصميم إبدعت في صياغتها لا فض فوك

وسلمت يمناك

احترامي ومودتي للجميع

[عبدالله الشويمان]

صح السانك اخوي ناصر

ابدعت يا الغالي

دمت بخير ولا هنت

[همس الورد]

صح لسانك اخي الكريم


و بيض الله وجهك


سلمت و غنمت