الشعر اكذبه اعذبه

[محمد بن عمار]

السلام عليكم

من لايعرف القصيد ويفهم اسلوبه = لاهوبشاعر ولا له في الشعر داعي
ترى أكذب الشعر، كله فن وعذوبه = لا صار من شاعر ٍ عاشق وملتاعي
ومعذور راعي الهوى لوهو فرى ثوبه = الحب ، نزلّ رفيع الشأن للقاعي
والوصف فني متى ما شفت رعبوبه = تستاهل أحلى الكلام وزبدة إبداعي
خشف المها كنها الألماس مصبوبه = الطرف عن شوفها بالصد ّماطاعي
أو كنها ، من بنات الحور مجلوبه = كل من نظر حسنها منه العقل ضاعي
كل ما تثنتّ ، تتل الروح بإعجوبه = ومن زفرتي بالحشا تخالف اضلاعي
أصفق عليها بكف لكف مضروبه = وأدق صدري وأعض بنابي إصباعي
وإذا حكت كنها للهرج ، مغصوبه = وفي صفحة الخد نور ٍ يرسل شعاعي
منها الحياء يحتشم الى مشت صوبه = يقصر لها خطوته بالشبر والباعي
وكن المجامر، بوسط الثغر مشبوبه = والثلج كلما تبسّم، فى الجمر ماعي
وامجدلات ٍ على الأمتان مذبوبه = وفي روضة الصدر طلع ٍ روسه رفاعي
الدانة ، اللي عن الأعيان ، محجوبة = تخشى على نفسها من كل طماعي
تسبى العقل والارادة ، شبه مسلوبه = بخيالها اللي إلى جاء قمت مرتاعي
قدمّت روحي ، على الكفين موهوبه = لحظة رمتني بلدّة سود ، ووساعي
حب الشرف مايعرف العيب والحوبه = ما دام سرّه ، من الأثنين ، ماذاعي
وهروج بعض البشر، ماهي بمرغوبه = البيع في سوقهم ، جملة وقطّاعي
وإلا البعض هرجهم بألفاط محسوبه = الى ا شتروا سلعة ٍ ماهيب تنباعي
بحرالهوى كان به عشاق مرّوا، به = فأنا بوسطه ، غريق ، لغاية نخاعي
واللي ابتلى في الغرام وبانت عيوبه = الله يعينه على الحسرة والأوجاعي
كم واحد ٍ في العمر مانال مطلوبه = ماحصّل إلا الشقاء ، من كل الانواعي
والدمعة إن كانها من ذل مسكوبة = في عزّ ة النفس محد ٍِ يقبل اخضاعي
إن كان طرق الهوى للمبلي عقوبه = فالله غفور ٍ ، مجيب ، لدعوة الداعي
بأدعيه ، تالي حياتي يقبل التوبة = عن كل زله ، جناها الطرف ،وذراعي

مودتي لقلبوبكم

[داعي الشوق]

بحرالهوى كـان بـه عشـاق مـرّوا، بـه =فأنا بوسطـه ، غريـق ، لغايـة نخاعـي
واللي ابتلى فـي الغـرام وبانـت عيوبـه = الله يعينـه علـى الحـسـرة والأوجـاعـي
كـم واحـد ٍ فـي العمـر مـانـال مطلـوبـه = ماحصّل إلا الشقاء ، من كـل الانواعـي

صح لسانك و اعتلا شانك يا بو عبدالعزيز

وافيه و جزلة و جميلة و رائعة ،

عروسة القصائد هذي

صح لسانك و لاهنت شاعرنا المطرب

^^^^^^^^^^

[الـزلـزال]

محمد بن عمار

نص شعري في قمة الجمال والتمكن والجزالة
من شاعر عودنا على تميز وروعه حروف شعره
مبدع دائمآ وجزل ومتميز في كل ماتقدمه
دمت بكل الحب ودام لنا حرفك الراقي القتان
صح لسانك ملايين ملايين
ولك فائق تحياتي وتقديري

[عبدالمحسن الرحمه]

يا سلام سلم على هذي الجزاله الله
يخليك لعين ترجيك
صح السانك ومنطوقك

[عبدالله الشويمان]

صح السانك يا اخ محمد

قصيده جزله يا الجزل..

دمت بخير ولا هنت

[منيع]

مبدع دائما
شكرا لكم
تحياتي

[عمر ال شيبي]

صح لسانك

يا زين الكذب لو كان كدا

[حوريه]

كـم واحـد ٍ فـي العمـر مـانـال مطلـوبـه
ماحصّـل إلا الشقـاء ، مـن كـل الانواعـي
والدمـعـة إن كـانـهـا مـــن ذل مسـكـوبـة
في عزّ ة النفس محد ٍِ يقبل اخضاعي
إن كـان طــرق الـهـوى للمبـلـي عقـوبـه
فالله غفور ٍ ، مجيـب ، لدعـوة الداعـي
بأدعـيـه ، تـالـي حيـاتـي يقـبـل الـتـوبـة
عن كـل زلـه ، جناهـا الطـرف ،وذراعـي

دايم مبدع يا محمد
صح قلبك على هالجميله الرائعه
ودام نبضك
ودمت بكل خير
0
0

[عبدالعزيز العمار]

صح لسانك يابوعبدالعزيز

صغت الحروف بأجمل قصيدة وتفننت بأكذب الشعر وعذوبته مع جماله

لاهنت ولاهان منطوقك الجزل

تحياتي لك

[سمّار]

صح لسانك وسلم منطوقك على هذي الرائعة
جزل وحكيم وخبير
قصيدة في قمة الروعة والادبية
تكتب بماء الذهب على صفائح الالماس وتلف بديباج الحرير
كل بيت يقول الزود عندي
سلمت اخي بن عمار وسلم مغليك
لاهنت