|
همس القوافي للشعر النبطي قصائد من إبداع شعراء الفطاحلة لم يمضي عليها اكثر من سنه |
![]() |
|
أدوات الموضوع |
![]() |
رقم المشاركة : 1 | ||
|
اذا من الشعر ما ترجم الاحساس وش لي به = واذا الشاعر تجاهل حسّ غيره ما يصير انسان .همـوم الـوقت تجبرنا نوضّح وش عذاريبه = وليش الناس رغم القهر تستانس على النسيان قصيد الحب ملينـا ولـو نطرب لاسـاليبه = بعضنا صـادقٍ بالبوح يكتب شعره الحرمان وبعضنا صفصفة هرجٍ تعـرفه من تراكيبه = يبي ينقـال شاعر كود يلقى مدحة النسوان وقصيـد المـدح ياكثره ويكشف عن اكاذيبه = نفـاق وهلس في الغالب لتـاجر يبغي الاثمان ابي شاعر يقـول الحق ما يجهـل مواجيبه = ولكن دوم في عقـله ولـو هو بالقهر مليان ولا يوجّـه تهم لانسان مهما بان من عيبه = يلـوم الوقت فالشيهـان يفهم شـارة الشيهان يوعّي الناس باخطار الزمان وسر الاعيبه = ويوقظ في النفوس الدين يشرح هجمة الصلبان يصحّي من تورط في المخدر وانسرق جيبه= وعقلـه راح لا حـي ولاميت يعيش جنـان يبيع العرض أو يسرق ولا يدري من صحيبه= غـدا عبـد المخـدر راضخٍ لامـره بلاعصيـان ينبّه بنت ما تـدري بشباب صـاع والخيبه= يطـارد في بنـات الناس طعمه يغري الجوعان واذا منه خلص منها رمـاها وتفقـد الهيبه = تصير بضـاعة للسوق أو تقضي العمر باحزان ترى شعرٍ بلا اهـداف ولـو أعجبك ترتيبه = مصيره سلّة الاهمـال ولـو من قـاله فـلانان
علومك يالمهاجـر مابهـا شـكٍ ولاريبـه=تبدّى في مطاليعك وتعزف طيّـب الألحـان
ترى سوق المعاني يالسنافي صعب ترتيبـه= كما سوق البضاعه كل واحد ينزل الميـدان وكلاً ياوسيـع المعرفـه يعـرض مجاليبـه=احد يطلع منه كاسب واحد يطلع منه خسران احد يهجو عواذيله واحـد يمـدح معازيبـه=واحد يبدي بها بين العرب في عالي المزبان وانا مالوم ذيبـاً فالخـلا يرسـل مقانيبـه=بعد فرقا وليفه راح يشكي لوعة الحرمـان جريح القلب يالطير المهاجر صعب تطبيبـه= ومن لام المولّع ياوسيع المعرفـه غلطـان ولا لوم الطليب اللي يدافـع عـن مطاليبـه = وياقف دون حقّه ما يفرِّط فيه مهمـا كـان وياطيب الذي يبعد عـن البهتـان والغيبـه= ويازن كل كلمه قبل ينطقها علـى الميـزان هـلا بالغالـي اللـي يـامـر القيـفـان وتجيـبـه=يطوعهـا علـى كيفـه بلمـسـة شاعـرٍ فـنـان اذا منـك نزلـت السـوق تنقّـى ماعـرف طيـبـه=وتتـرك كـل ما دونـه فبيـع الطيـب بـلأوزان وبيـع الجـح بـالاكـوام ما تــدري عذاريـبـه=بعض مشموس والآخر تلاقي اغلبه خربان خسـارة تشتـري بالكـوم دامـك عـارفٍ عيبـه=ولو معـروض وملمّـع فـزود الشـئ كالنقصـان فانا همي بشعـر كالذهـب مـا يخسر اصحيبـه= ثبات كالجبل طول الدهر ما يدفنه نسيان واذا هو مـدحٍ للمكسـب فهـو رمـشٍ بتركيبـه=يغيّر بيـن حيـن وحيـن مثـل مكياج بالاوجـان واذا هو طعم مـن داشـر لريمٍ ينـوي ايصيبـه=فحرام آضيّـع اوقاتـي واشجـّع حصنـي جوعـان ابي شعـر الرجـال اللـي وضـوحٍ فـي مطاليبـه=على اليمّـه دروبه خادمٍ للنـاس والاوطـان |
||
![]() |
![]() |
رقم المشاركة : 2 | ||
|
ابي شاعر يقول الحـق مـا يجهـل مواجيبـه |
||
![]() |
![]() |
رقم المشاركة : 3 | |||
|
اقتباس:
الله الله ياسلام على الحكمه لاشلت يمينك يابو عبدالله تحياتي واحترامي |
|||
![]() |
![]() |
رقم المشاركة : 4 | ||
|
اذا من الشعر ما ترجم الاحساس وش لـي بـه |
||
![]() |
![]() |
رقم المشاركة : 5 | ||
|
نعم يبو عبد الله |
||
![]() |
![]() |
رقم المشاركة : 6 | ||
|
كل الشكر والتقدير لأخي الكريم / ماجد السعد |
||
![]() |
![]() |
رقم المشاركة : 7 | ||
|
|
||
![]() |
![]() |
رقم المشاركة : 8 | ||
|
ماشاءالله |
||
![]() |
![]() |
رقم المشاركة : 9 | ||
|
مشرفنا الغالي ابوعبدالله |
||
![]() |
![]() |
رقم المشاركة : 10 | ||
|
الله الله ياحكيم الفطاحلة |
||
![]() |
![]() |
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
![]() |
||||
الموضوع | كاتب الموضوع | المنتدى | مشاركات | آخر مشاركة |
الشعر الحر ( لمن أراد ان يتعلم الشعر الحر ) | مازن حجازي | مرآة الأدب العربي | 17 | 15-12-2010 11:58 AM |
كل ماترغب معرفته عن الشعر العربي | الطائر المهاجر | حكم وامثال | 17 | 15-12-2010 11:58 AM |
اذا من الشعر ما ترجم الإحساس (بالصوت) | الطائر المهاجر | همس القوافي للشعر النبطي | 35 | 06-12-2010 10:42 AM |