قصيدة متقاعد وفاضي

[سعيد عوده الحويطي]

السادة اعضاء ومشرفي وزوار منتدى الفطاحلة الكرام
يشرفني ويسعدني ان اشارككم بهذه القصيدة قصيدة متقاعد وفاضي على أمل ان تحوز على رضاكم . وتقبلوا فائق تحياتي وتقديري

لا دق هاجوس قلبي والهو هاضي = وطريت علينا مشاوير عشقناها
اقول ياقلبي لاتزعل وتغتاضي = مادام ربي لنفسي حقق امناها
الجيب جاهز وانا متقاعد وفاضي = والى نوينا على الطرقه مشيناها
الشاصي اللي بحوضه كامل اغراضي = والباقي من المحطه الى غشيناها
من حايل مجهزه تجهيز مرتاضي = ومن السنيدي له العزبه شريناها
صندوق عده مقسم كنه احواضي = من فوق عدة وتحته تانكي ماها
ولستبنته بايسر الصندوق قباضي = وتوانك اثنين بالبنزين نملاها
والايكم الى زهمنا شاشته تاضي = مع قارمن للدروب اللي جهلناها
يازين وصفه مابين اقبال واعراضي = وارد بريمي اوصافه ماحصيناها
الى اشتغل للمكينه حس قضقاضي = قضقاض عين تحدر في الجبل ماها
ورفارفه ساكبات ماهن اعراضي = وخطوطه الحمر على الجنبين تزهاها
والشبك نيكل عريض و داخله فاضي = حتى المكينه هبوب الريح يغشاها
وللسحب ونشن يقوم بعدة اغراضي = له عدة داخل الصدام مخباها
والى تنهض مع الصحرا تنهاضي = كل التضاريس لو صعبت توطاها
والى انطلق بين رمشت عين واغماضي = عشرات الاميال يقطع لو حسبناها
الجمس والا الشبح في الجيب ماعاضي = والبورش واللكسز والبي ام واخواها
والجيب بين المواتر كنه القاضي = كل المواتر بميزاته تحداها
هو منيتي ان ربعت وديان وفياضي = مع الرفقة اللي يطربني مخاواها
لا شفت سفح الجبل كاسيه حماضي = والروض متنوع نبته ومرعاها
والا القبه لا كست ضلعان ورياضي = ياكن موج البحر وصفه وحلياها
وان يسر الله علي لاعوض الماضي = ايامنا اللي مع الواجب قضيناها
وارسم مشاوير مشتايه ومقياضي = وانسى هموم الزمن والا اتناساها
وان كان ربي علي برحمته راضي = افضل غنيمه من الدنيا كسبناها

[الطائر المهاجر]

حجز وانتظار

[عبدالعزيز العمار]

سعيد الحويطي

صح لسانك وجاد بيانك

كتبت فأبدعت وأجزلت

تحياتي وتقديري

[سامي احمد الفيفي]

الجمس والا الشبح في الجيب ماعاضي = والبـورش واللكـسـز والـبـي ام واخـواهـا

ذكرني ببيت ابن الذيب لو كان الموصوف آخر:

الـجـكــور اكــبــر اعـيـالــه والبـنـيـاتـي = اللكـزس والـبـرش وال بــي ام وأخيـهـا


هنا وصف دقيق فيتوغرافي في القصيدة..

صح لسانك وسلم قلبك..

أعجبني المطلع والختام:


وان كـان ربـي عـلـي برحمـتـه راضــي = افـضـل غنيـمـه مــن الدنـيـا كسبـنـاهـا

[داعي الشوق]

صح لساااااااااانك

هيضت الضمير ياسعيد

صح لساااااااانك مدد

عسى الله يجيب المطر والربيع و تزين العلوم ،

شاعر مبدع يا بو عوده

قصيدة جميلة

ولاهنت

***********

[عبير الورد]

الله الله
صح لساااااااانك ملياااااااااااراااااااات
سلمت وسلم منطوقك الجزل
ربي يعطيك العافية

[حي الضمير]

صح لساااااااااااانك سعيد
قصيده جزلة وابدعت
سلمت يمناك

[عبدالإله]

قمة الجزالة و المعنى

حاضره هنا

صح لسانك ملاييين

ولاعدمناك

@@@@@@@@@

[الـزلـزال]

سعيد الحويطي

نص رائع ومميز

من شاعر متميز ورائع في بوحه

ابدعت وأمتعت شاعرنا رعاك الله

دمت ودام بوحك

صح لسانك ملايين ملايين

ولك فائق تحياتي وتقديري

[زهرة اللوتس]

صح لسانك وفكرك
جزله من جزل
لاهنت
تحية طيبه