يارافع راسك

[عبدالله السويلم]

السلام عليكم

هذي قصيده قديمة لي وحبيت ان يناهلها الشرف وتكون موجوده في هذا الصرح الرائع

امل ان تنال استحسانكم

يارافع(ن) راسك تـرى باقـيٍ زود=ارفعـه زود وحـاول انـك تمـده
تقول انا سرحـان ِوالعالـم اقـرود=لاوالله الا مـن حمـيـر المـكـده
الله يديم الامن في حكـم ال سعـود=ويعز ابـو متعـب وعمـره يمـده
تقولها يوم انهـا سهـود ومهـود=ماقـالـهـا جـــدك ولا ذاب رده
سود الليالي يودع(ن)الولـد عـود=كم واحد(ن)قبلك قـد اوزتـه حـده
ماقلتها خـوف(ن) ولاراجـيٍ فـود=ولاني من اللي لازعل بـاح سـده
ماغير في عينك نبا نركـز العـود=والا الجبـل منتـاب قـده تـهـده
قلته وانا مـن لابتـن تطلـع الكـود=كم واحد(ن)دسنـا بالاقـدام خـده
حنا الفضول اللي ليـا ثـار بـارود=حريبنـا مايرقـد اللـيـل مــده
سدنا الجزيره كلهـا عقود!وعقـود=شئٍ وكـاد وباقـي الهـرج عـده
من حد صنعاء مشمل(ن) مالنا حدود=ومن شاطي الدمام الى شـط جـده
قدنا القبايل كلها (........) قـود=كل(ن) رضخ ون كان ماهـوب وده
تفرقـو مابيـن ميـت ومـطـرود=وعـن حدهـا شـدّو ثمانيـن شـده
وان جيت للجودا فحن منبع الجـود=مثل البحـر مابيـن جـزره ومـده
طبع(ن)لنا مادامت البيض والسـود=وليدنـا يمشـي علـى درب جـده
ون جيت للهيجا ضراغيـم وفهـود=يوم الرجل مايشبعـه كـود زنـده
واللي يعادينا مـن النـاس مقـرود=يبي يضد الوقـت والوقـت ضـده
تاريخنا ! فلكتـب تلقـاهِ موجـود=لـدّ النظر في كتـب الانسـاب لـده

[عبدالله الشويمان]

كفو كفو يا السويلم وصح لسانك..

قصيدة فخر واعتزاز طيبه.

لا هنت لا هنت

[عبدالله السويلم]

ماعليك زود يابو بدر

ومشكووور على المرور


تحياتي لك

[محمدالحارثي]

صح السانك
شعر نقي وحس مفعم بالروعة
أعجبني تماسكها دمت بِكُلِ مَوَدَةٍ

[الـزلـزال]

عبدالله السويلم

نص رائع وجميل
من شاعر متميز ورائع في كل نصوصه الشعريه
أبدعت وأمتعت شاعرنا رعاك الله
دمت بخير وسلام ودام لنا حرفك
صح لسانك ملايين ملايين
ولك فائق تحياتي وتقديري

[الطائر المهاجر]

صح لسانك ولا هان راسك
مدد بلا عدد
دمت كماانت مبدعا
تحيتي الطيبة

[منيع]

كفو
اكثر من رائعة
ربي يرعاكم بلطفة
تحياتي لكم

[عبدالله السويلم]

محمد الحارثي

صح بدنك


ومشكور على المرور


تحياتي لك

[عبدالله السويلم]

الزلزال

صح بدنك


وتشرفت مرورك الكريم


تحياتي لك يالغالي

[عبدالله السويلم]

هلابك يابوعبدالله

صح بدنك


وشرفني مرورك


تحياتي لك يالغالي