قصيدة للشاعر:بدر بن عواد الحويفي الحربي

[ضعيان البدرانى]

الشاعر بدر بن عواد الحويفي لما تقدم به السن قال هذه القصيدة وهي عبارة عن نصيحة ووصيه يوصي بها إبنه أحمد.
ياأحمد أنا يابوك شوفي تدانا***تقريب ثلثينه فقدته من العام

والحيل والله يالحويفي توانا***وحسيت عجزي بالمفاصل والأقدام

الله بوصلك لا يخيب رجانا***آمين يامنزل تبارك والأنــــعام

أوصيك بالتقوى وحفظ الأمانا***والوالدين حقوقهم فرض ولزام

أبيك لا من الزمان إحتدانا***تاقف معي لمصادمة غبر الأيام

حقك وفينابه ونطلب وفانا***عسا السعد يبرح لك الدرب قدام

وترى التمسك بالعبادة رضانا***والرزق عند اللي بالأحوال علام

وترى الشريف وسمعته ما تهانا***وإلا الجهل ضد الرجوله وهدام

يرميك من روس العلا للطمانا***ويرخص مقامك عند ربعك والأخصام

وصحبة ضعيف الدين راس الهوانا***والله خلق بالناس مذموم وحشام

والمرجله صحبة طوال اليمانا***اللي عن الشكه بعيدين وكرام

وصحبة قرين السوء تعدي ضمانا***ومن لاحسب للعاقبه طاح ما قام

وعن ما يعيب النفس ربي نهانا***وحنا عرب وسعارنا دين الإسلام

الله عن الفعل القبيح يحمانا***ويجعل لنا من طاعته درع ووسام

عساه للفعل الصواب يهدانا***وإنه يجنبنا المعاصي والأثام

تقصيرنا واجد وواجد خطانا***والله كريم وللمنيبين رحام

الله مراقبنا ويعلم خفانا***حنا ننام وخالق الكون ما نام

بأمره تكونا وله منتهانا***حكمه يدوم وعمر الإنسان ما دام

ننسى حقوق الله وهو ما نسانا***وأعمالنا تحصى على روس الأقلام

مشاكل الدنيا سبايب وبانا***تضحك لنا وخلافها الموت هدام

تضحك لنا الدنيا ونطرد شقانا***ونعيمها فاني مثل طيف الإحلام

الموت وحساب المحاسب ورانا***مادامت الصحه وتنعيم الأجسام

وصلوا على اللي للشريعه دعانا***أعداد من صلى الفرايض ومن صام

[محمد عبدالله البدراني]

العزيز الغالي ضعيان البدراني سلمه الله

شكر للنقل الرائع للشاعر الكبير بدر الحويفي


بس في حاجه صغيرروونه ودي تركز عليها وهي تنسيق القصيده

شوف انا ابشرح لك هنا :

اولا تقوم بكتابه المشاركه والتي هي قصيده وتفصل بين الصدر والعجز بعلامة يساوي هكذا
ياأحمد أنا يابوك شوفي تدانا = تقريب ثلثينه فقدته من العام
ثم تضلل كل القصيده وبشرط تكون متأكدمن علامة اليساوي بين الشطرين
ثم تروح للمربع اللي فوق اللي مكتوب تحته الصندوق الماسي وتروح لثالث مربع من العمود الايمن نزولا اللي بشكل مطويه بوسطها ريشه بيطلع لك تنسيق قصيده شعريه وتضغط عليه وتختار الشكل اللي تبي والا على طول اضغط على اعتمد
مثل ماسويت انا هنا :>>>>

ياأحمد أنا يابوك شوفي تدانا=تقريب ثلثينه فقدته من العام
والحيل والله يالحويفي توانا=وحسيت عجزي بالمفاصل والأقدام

شوف كيف طلع شكلهن الان يعني يفتح النفس للقراءه ويسهل مرور القراء



والف مليون شكر لتواصلك ونقلك الرائع

هذه تحياتي
مع اسمى ايات الشكر والامتنان فائق التقدير واطيب المنى رعاك الاله

[ابراهيم عبدالحميد]

ضعيان البدرانى

جزيل الشكر للإختيار الرائع الراقى للشاعر الكبير . بدر الحويفي
سلمت و دام لنا ذوقك الرفيع

[ضعيان البدرانى]

	الاخ العزيز:ابراهيم عبدالحميد يسعدني اعجابك باختياري لهذة القصيدة المعبرة عن مشاعر الاب اتجاة ابنه @ ياهجس لشعر غاية ومقصود = ماهي دوادي تنسرد بالكلامي @

[الخنساء]

صح لسان الشاعر

اختيار راائع وجميل

لاهنت ودمت بخير

[صعبة المنال]

نقل متميز
صعووب

يعطيك الف عافيه

اختياار موفق للغايه

سلمت

[طويق]

لك الشكر
على ما فاض به قلمك
تحياتي

[طويق]

مشكور
على ما افدتنا به
تحياتي

[المتابع]

خالص الشكر والتقدير
على كل جهودك الرائعه
تقبل اطيب التحيه