يادر يامرجان

[ابراهيم غضيان الشراري]

الى الزملاء في هذا المنتدى من إداريين وأعضاء وزوار.
السلام عليكم ورحمة الله وبركاتة
أقدم لهم أعتذاري لأنقطاعي عنهم في الفترة الماضية ويشهد الله أنه بسبب الظروف التي تواكبت علي في الفترة الماضية. وما هذا الاعتذار الا لمكانتكم الخاصة لدي.
تقبلوا تحياتي وصادق احترامي.

الصوت هذا الي ذبحني بك الصوت=والا جمالك مملكة حسن وأبداع
الـمـوت والله الـعـظـيـم أنـه الـمـوت=مثل الـوتـر لاجـاوبـه صـوت الإيـقاع
يـادر يـامـرجـان يـاحـص يـاقوت=ياأروع جمال الكون فيك الحلا أنواع
طيفك يمر أحيان لحظات ويفوت=يسرقني الفرحة ويزرع بي أوجاع
أعرفك بالنظرة لو شفاتك سكوت=حتى لو أنك يالغلا تلبس قناع
الزين كله فيك والمشرب التوت=جيتك أشيل أحساس شاعر معك ضاع
أسمك بقلبي ياهوى البال منحوت=وصورتك هي من بعد صوتك بها التاع
أقسم قسم أنه حضيضن ومبخوت=من وقعك يالشيك بحسابه إيداع
=الشاعر / إبراهيم بن غضيان الشراري

[عبدالله السويلم]

هلا بك اخوي ابراهيم
الحمدلله على السلامه
وماغاب من جاء
وعلى قول المثل من غاب جاب الغنايم
وصح لسانك على الابيات الرائعه
ابدعت وامتعت
تحياتي لك

[منيع]

عاد الجمال والابداع كله
شكرا لحضورك
ربي يرعاكم
تحياتي

[عبدالمحسن الرحمه]

صح الله السانك على هذا الابداع
بإذن الله آخر الغيبات

[نجم الإبداع]

الله الله

صح لسانك يا ابراهيم

مصافحه جزله واعتذار لائق من شاعر ملهم

مرحبا بك وبابداعك وشعورك النبيل

لاهنت ياشاعر

تقديري

[عبدالله الشويمان]

صح لسانك يا ابراهيم.

مصافحه طيبه من شاعر اطيب

دمت بخير ولا هنت.وعودا حميدا.

[غازي الفكر]

شكرا ايها الراقي بكل صوره..
على هذه المعزوفه الراقيه والذي داعبت القلوب
قبل العيون ..من جاء ما ابطى
واتمنى لك دوام التوفيق والتواجد المستمر..ونستمتع
بهذا العزف الالق ..لاهنت اخي
تقديري واحترامي

[الطامي]

الشراري
صح السانك ملايين
عودة المبدع دائما غير
لاهنت اخي

[داعي الشوق]

صح لسانك وطاب حالك يابو غضيان
والحمدلله ع السلامه

حضورك جزل و شاعر جزل و ابيات جزله

لاهنت لاهنت

وصح لسانك مدد

ويا هلا بك من جديد

[ساهر الليل]

صح لسانك وجاد بيانك

قصيده رائعه انت راعيها

يدوم نبضك وعزفك الراقي

مع صادق ودي وتقديري