وكل العيب في رجل(ن)يقول وينفي اللي قال

[فواز الغسلان]

حـمـدت اللي نـصـر موسـى كلـيمه يوم نادى له=يعاملنا بحلم ولطف والمذنب عطاه امهال
قريب(ن) ينصر المظلوم لاضاقت وراعى له=وينصر دمعة المظلوم ضد الـظـالـم اللي عال
ولو يلـبـس قوي الحيل فوق الدرع سرباله=فلا له غير عـفـو الـلـه وعـقـبه صالح الاعمال
طلبتك رحمة(ن) تمحى جديد الذنب واسماله=وترسل لي عن عقود(ن) عقدها حاسدي حلال
فـلا غـيـرك يـفك الباب لا زادت به اقـفـاله=ومن يـمـناك وافضالك تبدل حالنا باحوال
اشوف خبول خلق الله تسولف حالته حاله=لواهيب الحسد ترجف بوسط قلوبهم زلزال
وانا ماهمني هرج(ن) يـجـي من حاسد(ن) قاله=مدامي حافـظـن عرضي وراسي فوق راس الجال
ولا ني مشغل(ن) روحي بهرج الناس وهباله=وكل العيب في رجل(ن)يقول وينفي اللي قال
ولا يقدر يحجب الشمس رجـل(ن) حـط غرباله=وحبل الجلد ما لانت عراوي قدته بـتـفال
ولا نـطرد هـروج اللي به النيران شعاله=سبايب غـيرة(ن) زادت على اللي تلبس الخـلـخال
سوالفهم مثل لفح الهبوب لشامخ جباله=ولا اذكر طـيـلـة الـتـاريخ ظلع(ن) من هبوبه زال
جـبـل سلـمـى وظـلع ركان مع رمان وامثاله=زمـت بالـغـيـم ماقالوا بعـضـهن ينوي الترحال
وليت اللي يريد النصح شاف الـقـصـر بحباله=علامه شاف قصر الناس دامه بالعرب ماطال
حسايف من تغر الناس وقت اللين بازواله=واذا بان الـدفـيـن اظـهـر وصوف الحاسد المحتال
طبوع(ن) تجرح اهل الطيب لين الوجه يندى له=وكان انك كشفت الغدر شال بـغـيبتك موال
وليـتـه لو سكـت عـنـا وصمت الـمخـطي ازكى له=ولا يجمع طبوع الغدر وهروج(ن) تـغـث البال
وانا لو كنت اريد اذكر عيوب الخبل وخـصـاله=اجـيـب مـن الـعيوب اللي ذكر فينا ثمان ادبال
ولكني رفعت النفس عن ظله ومـقـيـاله=وللعاقل بعيب النفس عن عيب العرب معدال
يـخـصـف نـعـول خلق الله وينسى الـقـطـع بنعاله=ويضحك في ركاب القوم وركابه تـطـيح هزال
اسوق القاف مثل زهور وسم(ن) فـيـضـته ساله=من مزونن غدى سيله يشادي هاطل(ن) همال
حروفن ضابطن وزنـه واعـرف طروق مكياله=على منهج جبال الشعر كالعوني وابن هذال
ورثته ورث من خـيـرة جـبال الطيب ورجاله=عزيز(ن) زال في جسمه وطيبه بالعرب مازال
اذا ضاقت دروب العيش راع الضيم يلجى له=ومن يشكي حرور القيظ يلقى في ذراه ظلال
شريـف(ن) طـاهـر(ن) واللي سعى له صار من فاله=جمع كل المراجل مع ندى عمه وعقل الخال
الا ياكـثـر ماحـاضـى هشيم النار ودلاله=والا ياكثر ما مدت يمينه من صحن وريال
والا ياكثر ما ضـحـكـت نـفوس(ن) سال شلاله=وشربوا عقب ما كانوا عن نبوع الحياة اميال
والا ياكثر ماحـيـا بضيف الليل ورحـاله=ولا رده عن الطولات وطبوع الكرام اشغال
والا ياكثر من يـنـسى رعـاب الروح وجفاله=وذاق من الندى والطيب مع كيف العرب فنجال
بوقت(ن) فيه زمل القوم صعب(ن) تـنـقل اثـقاله=ولو مالت صروف الوقت يرسي لو زمانه مال
بغيت ادخل مداخيله ولكن هبت مدخاله=وبغيت انـقـل مثل حمله وصار الحمل مايـنـشال
ولو ان اللي يريد الطيب باوقات الشقى ناله=لك الله ماظهر طيبه ولا بانت وراه انذال
ومدامي نسل ابن غسلان مع دربه ومنواله=وش الداعي يضيق الصدر من قول(ن) بدون افعال
واذا اللي يزعـل الـعـالـم ويـجـلب نار سلاله=وقوفي ضد من يبني بملك اهل الندى تمثال
فأنـا بـاقـي عـلـى طبعي مدام الزمل ماشاله=واذا شالت زمول القلب نلقى بالسعه منزال
ومن يـفـخـر على الراوي بـشـيك البنك وامواله=فأنا لو طـعـتهـم بالكذب كان اربح على الجوال
قليل(ن) بالـفـخـر يكـفـي لعيش النفس وعياله=ولا نجمع مع الذله مـخـازن طـيـبـيـن الفال
شرحت اللي طرى بالبال لاجل السبع واشباله=وانا لـولا رجـال الطيب ماراعـيـت للفوال
وراع الطيب ماتـنـحـاه سقط الناس وحـثـاله=وبعض الخيل نكرمـهـا سبايب قيـمـة الخيال
جزى مدحي لكم جـيـتـوا بـذمـي كذب وغـيـاله=تبون اقوالنا تـضـبط مقاس الجسم بالتفصال
وانا مع لابـتـي بالطـيـب شكلي يـشـبه اشكاله=ولالي فوقـهـم بالطيب وكفوف الصخى مدهال
اطيب بطيب اهل حايل واطيع ان شفت مرساله=ولاجل مدوحـهـم زملي تبوج الدرب بالزرفال
حماة النيب ريـح الـطـيـب نـزل الطيب منـزاله=هل التوحيد والتـجـويد والتهديد للي صال
خـيـوله بالـنـدى داجت جـبـال الطيب وسهاله=وقبل الفجر تسمع بالمساجد سورة الانفال
وراح اجـزى خـبـاث الــطــبع والحـيـلات باهـمـاله=ولا نجزع لـمـن يـبـنـي صـروح الـمـجد بالصلصال

[نجم الإبداع]

فواز الغسلان

صح لسانك على المصافحه الوافيه

ابدعت ياشاعر


لاهنت

تقبل مروري

وودي

[داعي الشوق]

ولا ني مشغل(ن) روحي بهرج النـاس وهبالـه
وكل العيب في رجل(ن)يقــــــول وينفـي اللـي قـال

.............................. ..............

صح لسانك يالشاعر المبدع
فواز الغسلان

[الخنساء]

اطيب بطيب اهل حايل واطيع ان شفـت مرسالـه
ولاجل مدوحهم زملي تبـوج الـدرب بالزرفـال
حماة النيب ريح الطيـب نـزل الطيـب منزالـه
هل التوحيـد والتجويـد والتهديـد للـي صـال
خيوله بالنـدى داجـت جبـال الطيـب وسهالـه
وقبل الفجر تسمـع بالمساجـد سـورة الانفـال
وراح اجزى خبـاث الطبـع والحيـلات باهمالـه
ولا نجزع لمن يبني صروح المجـد بالصلصـال




صح لسانك اخي الشاعر فواز
لاهان را سك قصيدة رائعه
والنعم بحائل واهلها
سلمت وسلم شعرك
دمت بخير

[عبدالله الشويمان]

اسوق القاف مثل زهور وسم(ن) فيضتـه سالـه=من مزونن غدى سيله يشادي هاطـل(ن) همـال
حروفن ضابطن وزنه واعـرف طـروق مكيالـه=على منهج جبال الشعـر كالعونـي وابـن هـذال

كفو كفوووووووووووووووو

يا بان غسلان

بيض الله وجهك بنور الايمان..

قلت فأبدعت وأجزلت

صح السانك يا الغالي

دمت بخير ولا هنت

[صوت الإحساس]

كفو


وصح صح صح لسانك


وبيض الله وجهك




صادق الود

[فواز الغسلان]

المشاركة الأصلية كتبت بواسطة فلاح بن منشار

فواز الغسلان

صح لسانك على المصافحه الوافيه

ابدعت ياشاعر


لاهنت

تقبل مروري

وودي

الاخ فلاح بن منشار اشكرك جزيل على تعليقك النبيل

تحياتي العطره

[حي الضمير]

رائع شاعرنا فواز والف صح لسانك
قصيده جزلة وابدعت يامميز

[الطائر المهاجر]

لاهنت وصح فكرك
على هذا النص الراقي
تقديري واحترامي

[عذب القوافي]

الجزل فواز الغسلان

وافيه من وافي

صح لسانك كتبت فأبدعت

لله درك يالغالي

تقديري

:::::عبدالكريم:::::