محاورة الخميس عصرا 28/2/08

[الطامي]

منصور سند على صنداح = وصنداح سند على المري(العود)
والكل لاقا صياح بصياح= والخاتمه استخدم الذري(العود)
البحر يسبح به التمساح = ياعود انا خابرك شري(صنداح)
وصنداح يسبح على الالواح= والطير يستخرج الدري(العود)
اشوف صنداح قام وطاح = يمشي ورى العود ويذري(المري)
انا هنا واجني الأرباح = والخير دايم معي وادري(المري)
اللي يبي يربح الطياح = يمشي معي وامن شري(المري)
ما ظن يمشي معك مرتاح= شيطانٍ امرد ولا تدري(العود)
من شفت لعبتك بالمسباح= ونا اعرف انك على الحدري(العود)
لاتظلمن والظليمه اح= يالعود ياراعي الفري(المري)
كانك تيبا الفقع والتفاح = هاعاد قل للعرب بدري(صنداح)
خابرك تنطح مثل نطاح = ياصعب ترويضة البري(العود)
نهرج فينا القلوب صحاح = مانعرف البوق والغدري(صنداح)
نيبانك السود فيها طياح= ولا عادبك فود او ضري(العود)
مافاد بك مرة الأسياح = ولافاد بك سبحة النهري(العود)
انابدوي شاعروفلاح = ماني بياعود متحضري(صنداح)
ضيعت دربك وغيرك راح= اخاف طرشن من البحري(العود)
الله عليكم يبين اوشاح = متقاسمينه مع الحدري(المري)
انذرك ياللي وردت ارماح = بير طويله بلا جذري(المري)
عليك ثبتٍ من الاصحاح= قرآننا طاب بالذكري(العود)
منصور بعض الهروج لقاح = ارجوك لاتهدم الجدري(صنداح)
انا ادروبي كلهن اوضاح = على النقاء كلهن ندري(المري)
البدو والحضر ياطرماح= بالأصل واحد وبالجذري(العود)
تراك شاعر كما القرقاح = والنا س بالعلم ماتدري(صنداح)
ياعود وش بك على المرواح = تطير واتوقع بحذري(المري)
مانخبر ان بالعرب تمساح= حتى رأيناك بالجهري(العود)
البدو قوم وعيال اشباح =اهل الوجوب وهل القدري(صنداح)
وش جاك يوم الخوي قد راح = ماعاد به خوف لاتهذري(المري)
الطير يكفخ يفل جناح= ويفرس كما يفرس النسري(العود)
صنداح والصبح نوره لاح = خلك بدربك بلا بتري(المري)
الطير له بندق وارماح = ترميه بموتنِ مهو سدري(المري)
وشداختينٍ بها ذرناح = من تمسكه راح بالقدري(المري)
وصنداح سبعه وسبع ارواح= لاطاح ما حس بالكسري(العود)
ترى النصيحه عطرها فاح = طيعو ترى التاليه تبري(المري)
اشوف صنداح حرك المساح = جاته ضبابه مع النفري(المري)
ومنصور في عالمه سواح= على درادعه يبايسري(العود)

[خالد العمري]

مشاء الله عليكم ماجات إلاّ بعد ماطلعت أصلي

العود + المري + صنداح

صح السنتكم جميعاً

ومشكور أخوي منصور على التوثيق

[راجي الحاج]

الطائر المهاجر

المري

صنداح

صح لسانكم جميعا

ويعطيكم العافيه

صح السنكم ويعطيكم العافية

[الطامي]

العمري
عمو راجي
السموأل
شكرا على المرور والمتابعه

[نجم الإبداع]

صحت السنتكم يامبدعين

مووووودتي

[الطامي]

فلاح
صح بدنك
وشكرا لمرورك
لاهنت

[داعي الشوق]

صح السنكم ويعطيكم العافية

[الطامي]

داعي
صح بدنك
وشكرا لمرورك
لاهنت

[حوريه]

رااائعه صحت قلوبكم

ولا هنتواااا