خايف عليك !!!

[فارس القوافي]

لا تحسبـــيني خايف ٍ من مماتي = خايف عليك انتي اذا متّ شيـــــصير
شيصير في حالك اذا جت وفاتي = شيصير .. مدري مالها أيّ تفــــــسير
شايل همـــومك قبل توديع ذاتي = قبل اغمض عيوني ولي ألف تبــــرير
لا قــــــــالوا انّه مات ما عاد يآتي = من يمسح ادموعك ويحضنك ويشـير
من يسعدك لا رحت من ياغـلاتي = من يحمل اهمومك ويقرا التــــــعابير
بالله لا تبكين هــذي وصـــــــاتي = وتخيّليني معْك حيّ ٍ وفي خــــــــير
دخيل عينك لا انتهت بي حيـاتي = لا تحرمي نفسـك وعيشي كما الغير
عيشي حياتك واذكري ذكـرياتي = واتبسّمي للغيم واحكي مع الطــــير
تذكّري حبّي وكلّ امنـــــــــياتي = وتوسّدي ذكراي واحلا التـــــــــصاوير
لا تتـــــــركي للهمّ صدرٍ سواتي = لا تخضعي للحزن في غبّة البــــــــير
ولا تحسبيني خايفٍ من مماتي = خايف عليك انتي اذا متّ شيصير!!

[النوفل]

شكرا لإمتاعنا بإبداعك
لاهنت
تحياتي

[هاوي نجد]

ادخلتني قصيدتك في جو عاطفي قوي جداً
اخوي فارس
سلم من طوقك وصح اللسانك

[المحيط الهادي]

اقف وصفق لما قراءة من ابداع لاتحرمنا جديدك

دمت بخير

[عبدالعزيز العمار]

صح لسانك يافارس وجاد بيانك
والله يطول بعمرك على الطاعه
قصيدة عاطفيه في قمة الروعة والجمال أبدعت بها وأمتعت
تقبل مروري وخالص تحياتي

[عبير الورد]

الله يعطيك طولة العمر وعساه على الطاعة يارب


كتبت فأبدعت وامتعت




صح لسااااااانك ملايين
سلمت وسلم منطوقك الجزل
ربي يعطيك العافية

[حوريه]

صح لسانك ودام احساسك
رائعه بروعة حضورك
تقديري لك

[فارس القوافي]

شكرا لك كنترول نوفل

دمت لنا

[نجم الإبداع]

صح لسانك ياخالد

مصافحه عاطفيه رائعه


لاهنت

تقبل مروري

وتقديري

[الـزلـزال]

فارس القوافي

بوح في قمة العذوبه والجمال
رغم ماحمله من عواطف جياشه
مبدع وممتع شاعرنا المتميز العذب
دمت ودام لنا حرفك المميز الجميل
صح لسانك ملايين ملايين
ولك فائق تحياتي وتقديري