الله يسامح مـن طعنـي بظهـري

[الطامي]

قصيدة جازت لي وهلت العين بسببها الدمعه

تعبت اقول لضيقتي سهود ومهـود=اليا متى هالعـذر بيكـون عـذري
البارحة يوم اكثـر العالـم رقـود=عادت علي اللي تجي منين مـدري
الضيقة اللي كل ماراحـت تعـود=مكانهـا مابيـن قلبـي وصـدري
ناسٍ تنام مدهنة فـي دهـن عـود=وناسٍ تنام مدهنـة بزيـت مقـري
لاواهني اللي حلالـة مـن الـذود=تسعين وضحى كل ماضاق يسـري
يسج معها كـل ماهبـت النـود=يتبع مسيل السيل في القاع يجـري
ماهوب مثلي من اقرب الناس مجحود=الله يسامح مـن طعنـي بظهـري
من راح ماكنه على القاع موجـود=مايدري انه اول اسبـاب كسـري
كل ماطرالي قلت من قلت الفـود=ياليت منهـو راح ماعـاد يطـري
لو تستحي من فعلها ايامي السـود=كان استحت مبطي ولا طال صبري
قدمت بالموجـود لخاطـر الجـود=لين التفت ولابقى شـي حـدري
عطيت من عمري ولا شفت مردود=ياللأسف للناس ضيعـت عمـري
واذا افرحوا واجد على طيحة العود=هذا دليل انه فعـل شـي يغـري
بوقف لحالي واتبع الطيـب والـزود=اشره علي ان صغر الوقت كبـري
ماني على بعض المخاليـق محـدود=امـوت مانزَلـت للنـاس قـدري

الشاعر ... ثامر شبيب الدقباسي

__________________

[الطامي]

الظهر انها غير صالحه للأعضاء
لايوجد ردود
ههههههههههههههههههههه

[السفيرة]

عطيت من عمري ولا شفت مـردود

ياللأسف للنـاس ضيعـت عمـري

&&&&&&&&&&&

قصيدة رائعة اخوي الطااامي

تسلم ايدك على الاختيااار الرائع

تحيااااتي

[بنت العز]

مشكووووووووور اخوي اطامي على النقل الرائع
تسلم لاهنت
تكرم اخوي هذولا الاعضاء يردون عليك تامر امر

[الطامي]

السفيره
شكرا لمروركي
لاهنتي

[الطامي]

المحرومه
شكرا لمروركي
لاهنتي

[ترانيم المطر]

نقل رائع
تسلم لاهنت

[دايــــم العــــز]

طرح جميل ومجهود يستحق الاشاااااادة

[الطامي]

ترانيم
شكرا لمروركي
لاهنتي اختي

[نفحات حساسة]

مشكور يالطامى ولا هنت..اخوى
تقبل مرورى