حب ٍ تمكن بالحشا واكثر شوي.،.،.،.،.،.،.،

[عبدالعزيز العمار]

السلام عليكم

مساء/صباح الخير على الجميع

الجديد من القصيد وبما جادت به القريحه

آمل أن ينال بعض الرضا والقبول من قلوبكم ....


*


*


*


*

مانيب ناسي حبها دامني حي=هي ساكنه مابين قلبي وروحي
لاتعذلون الحي في شمعة الضي=هي بلسمي واللي تداوي جروحي
أشوفها شمس ٍ وفي ظلها في=واشوفها نور العيون بوضوحي
تجملت بالزين مامثلها زي=تفتن فؤاد اللي بحبه يبوحي
ينبوعها الصافي كما شربة المي=ومحلا عيون ٍ في خجلها تبوحي
حب ٍ تمكن بالحشا واكثر شوي=حب ٍ شريف ٍ في معالي الصروحي
أحبها حب ٍ نزيه ٍ من الغي=حبي لها ماهو ب حب ٍ مزوحي
هي فرحة المشتاق هي نبضه الحي=هي لهفة ٍ بين الحنايا تنوحي
في ضامري شوق ٍ طواني لها طي=الشوق ياخذني عليها واروحي
غصب ٍ علي أسوق رجلي لها هي=واكحّـل عيوني بوجه ٍ صبوحي
واشرح لها صافي شعوري وكل شي=وتبادل بنظرات وجه ٍ سموحي
قلب ٍ هويته واصبح اليوم لي ضي=يوم ان قلبي بالمحبه لحوحي
كم اكتويت من الهوى لجلها كي=كله على شانه وأرضي طموحي

عبدالعزيز بن سعد العمار
1431هـ

[الطائر المهاجر]

كتبت فأجزلت
صح لسانك ولا هنت
تحياتي الطيبة

[منيع]

ابيات اكثر من رائعه
كل الشكر والتقدير لكم
تحياتي

[علي سعود العازمي]

أبدعت ياعبد العزيز

قصيده وجدانيه من النوع الفاخر

[حرف وشعر]

بن عمار


بوح رائع من شاعر عذب وجميل

تقديري وشكري لابداعك

[الطامي]

بن عمار
صح السانك ملايين
جزلة وطيبة
لاهنت اخي

[عبير الورد]

الله الله عليك


صح لسااااااااااااانك مليااااااااااااااارااااااااات
سلمت وسلم منطوقك الجزل ربي يعطيك العافيه

[عبدالرحمن الصباح]

صح السانك واعتلا شانك رائعه من شاعر مبدع اعجابي وتقدير

[محمد بن عمار]

ابن العم / عبد العزيز
صح لسانك وجاد بيانك
وسلم منطوقك لين ترضى
تحيتي وتقديري

[زهرة اللوتس]

صح لسانك ونبضك
ولاهنت
جزلة من جزل
تحية طيبه