قم ياجمل

[ابو أنس]

الى الإبن الفاضل.. رائد بن عبدالعزيز العنقري
وقد لمحت فيه علامات الرجوله ومقوماتها .وقد عركته الحياة فأظهرت منه أكثر وأكثر
والمأمول منه كذلك أكثر.
هي تعبير وتذكير وشعور ومشاعر دونتها كما هي في ذهني وان لم تتسلسل أفكارها
وله القبول او الرد.
ولكم المشاركة والتقويم

قم ياجمل واصمد ترا الحمل لو زاد=ما يرتكي للحمل غير الرواسي
وما احدن تعزوى وانتخى واندب وشاد=الا بقرم(ن)يعرف العلم قاسي
صلب(ن)على ميلات بقعا به عناد=ما ينثني وان طاح طاح متواسي
واعرف ترا الدنيا مدارس بلا استاد=من التجارب والعمل والمِراسي
وما مدح احد او قيل له قرم الاولاد=الا الصميدع من عنا الوقت عاسي
وش عاد لوكانت حياتك بها جهاد=كل الحياة اقبالة(ن)وانتكاسي
والقصر لامنه تأسس على عماد=يصبر على مر الزمن والمآسي
وانت الحفيد ولك فخر بين الاحفاد=مادمت وافي بالعهد منت ناسي
اصبر على ميلات الاريا ولو كاد=واستصعب الموقف وشفته عفاسي
وبالك تعادي من يودك ولو حاد=واخطا ومثلك ماهر ودبلوماسي
والله يجيرك من عسيرات الانكاد=ينير دربك من شتات وعماسي

[الطامي]

قم ياجمل واصمد ترا الحمـل لـو زاد=ما يرتكـي للحمـل غيـر الرواسـي
ابو انس
صح السانك وبنانك
ماقصرت انت شحذت الهمه له والله يعينه
شكرا لك

[ياسر عبدالرحمن الخالدي]

صح لسانك يابو انس
جزاك الله خير وباذن الله تكون هذه القصيده عوناً له ,,

[صوت الإحساس]

محجووووووووووووووووووووووووووو وووز


ولي عودة تلييييييييييييق



صاااااااااااااااااادق الود

[نجم الإبداع]

الله الله

صح لسانك ياأبو انس

نص حكيم وتوجيه فاضل

ويستاهل رائد

لاهنت


تقبل مروري

وودي

[منيع]

ابيات رائعه وتوجيه محب
والدين النصحيه
بارك الله فيك
تحياتي

[الـزلـزال]

اصبر على ميلات الاريـا ولـو كـاد=واستصعب الموقف وشفتـه عفاسـي
وبالك تعادي مـن يـودك ولـو حـاد=واخطـا ومثلـك ماهـر ودبلوماسـي

أبو أنس

قصيده مميزه وجزله من شاعر أعتدنا على جزله

وجدنا بها جرعات مكثفه لمن وجهت له

كما خالطها النصح والحكم

أبدعت في توجيهك رعاك الله

صح لسانك ملايين ملايين

تقبل فائق تحياتي

[محمد عبدالله البدراني]

العزيز الغالي اخي سعد الحسن سلمه الله


مليون مليون مليون صح السانك يابو أنس


وعلا شانك


ابيات محكمه سبكاً وحبكا وتوجيها ونصحا

لله درررررررررررك

وبالك تعادي من يـودك ولـو حـاد
واخطـا ومثلـك ماهـر ودبلوماسـي



وبالك تعادي من يـودك ولـو حـاد
واخطـا ومثلـك ماهـر ودبلوماسـي




الله الله

نعم وهذا هو الصح والتوجيه السليم


لله دررررررررررررررك


ولافض فووووك



تحيتي

مع اسمى ايات الشكر فائق التقدير واطيب المنى رعاك الاله

[سناعيس]

شاعرنا الفذ ابو انس
صح لسانك ولله درك
دائما تؤدي الرسالة الشعريه كما يجب
وما هذه الجزله الا احد الرسائل التي يزخر بها قلبك شعرا وشعورا
ودائما تشارك الناس همومهم وقضاياهم فما بالك بمن هم لحم ودم
ورائد بن عبدالعزيز العنقري بالتأكيد شيال الثقال والف نعم وقدها
ويكفيه فحرا ان أعمامه العنقري وخواله الحسن
لاهنت ياغالي

تحياتي

[الامير]

قم ياجمل واصمد ترا الحمـل لـو زاد . . . ما يرتكـي للحمـل غيـر الرواسـي

صح لسانك

مادح فناصح فمحب

ابدعت و كمّلت